Kabanata 4:Safe

Emilyn's POV

Napaawang ang aking bibig nang pinapapasok na ang sasakyan ni sir Gabrielle sa guard ng mansyon. Akala ko sa mga palabas sa tv ko lang makikita ang totoong mansyon. Ngunit heto na ako masilayan ko na talaga ng personal ang totoong mansyon. Hindi ko akalain na may ganito pala talaga kalawak na bakuran at bahay.

" Just wait here..." mabilis na sambit ni sir Gabrielle sa akin. Mabilis din siyang lumabas ng sasakyan at umikot sa harapan. Papunta sa pwesto ko ang direksyon niya.

Nagulat nalang ako dahil kusa niya akong binibuksan ng pintuan. Hala siya...yaya po ako dito ni baby Luca hindi naman ako disney princess na kailangan pang pagbuksan. Aba masyado na akong paborito ni papa God dahil hindi lang malaki ang pasahod ang binigay sa akin ng mga amo ko. May nakilala pa ako ng ubod ng gwapo at gentleman pa.

Noong una ko pa naman nakita si sir Gabrielle akala ko talaga mayabang siya at mahirap siyang pakisamahan. Pero heto ako sinunod niya talaga ang habilin ni sir Larry sa kanya na ihatid niya ako sa mansyon na maayos at buo iyong tipong walang ni kunting halos man lang.

Bitbit ko ang aking bag na gusto pa sana ni sir Gabrielle ang magbitbit hanggang sa loob ng mansyon.

Nakita ko na si sir Luke sa sala kalaro nito si baby Luca. Agad siyang ngumiti sa amin ni sir Gabrielle nang makita niya kami. Pero agad din napakunot-noo na tila nagtatanong ang mga mata nito kung bakit si sir Gabrielle ang naghatid sa akin dito.

" Magandang umaga po, sir Luke." Magalang na bati ko sa gwapo kong amo. Bagay talaga sila ni ate Tanya parehong mga magaganda.

" Hi, Amanda right?"

" Yes po, sir Luke. Pwede din pong Emilyn kayo po bahala kung anong gusto n'yo pong itawag sa akin."

Tumatango-tango lang siya at agad na binalingan si sir Gabrielle.

" Bakit ikaw ang nagsundo sa kanya, dude? Where's Larry?"

Nagkibit-balikat lang si sir Gabrielle." Well, tumawag lang naman siya sa akin na sira ang sasakyan niya at may ipapasabay siya sa akin na magbabantay kay baby Luca," Aniya na nakangiti pa sa akin nang binalingan niya ako.

" Thank you, dude. For the first time, nakagawa ka ng mabuti sa kapwa mo ngayon."

" Fuck! Don't believe him, Emilyn," nakabusangot niyang sabi. " Grabe ka naman, dude. Baka isipin ni Emilyn hindi siya sa safe sa akin kung ako ang kasama niya." Nagtatampo pa na sambit ni sir Gabrielle.

Mahina naman tumawa si sir Luke na tila inaasar pa ang kaibigan niya.

" Safe nga ba? By the way, thank you, Gab." Pasasalamat na ni sir Luke sa kaibigan niya. May tinawag siyang isang katulong sa tingin ko ay matanda pa sa akin. Inutusan niya itong samahan akong ituro sa akin ang magiging kwarto ko.

" Excuse me po.Salamat po ulit sa pagpasakay sa akin, sir Gabrielle."

Inangat lang ni sir Gabrielle ang isa niyang kamay. Narinig ko pa ang pagtikhim ni sir Luke. Mabilis na kaming tumalikod sa isang katulong para ituro niya sa akin ang kwarto ko.

" Hi,anong pangalan mo po,Ate?" matipid kong tanong.

" Tawagin mo nalang akong, Ate Jolly. Taga saan ka?" tanong din niya sa akin.

" Taga Butuan po ako,Ate. Kaya pasensyahan n'yo na po kung minsan magkakabaliktad po ang mga salitang Tptagalog ko." Nahihiya ko pang sambit.

" Ano ka ba! Okay lang 'yan ang importante magkaintindihan tayo.Akala ko nga girlfriend ka ni sir Gabrielle,eh." Biro niya sa akin pero agad naman nag-iinit ang magkabilaang pisngi ko.

" Ho? Hindi po ah. Yaya po ako ni baby Luca."

" Alam ko kaso nga lang first time kasi ni sir Gabrielle na pumunta dito sa mansyon na may kasamang babae."

" Jusko naman po, Ate Jolly. Sa hitsura ko at sa ayos ko na 'to mapagkamalan mo pa akong girlfriend ni sir Gabrielle. Baka nga wala lang ako sa kalingkingan ng mga girlfriend niya. "

Tiningnan naman niya ako mula ulo hanggang paa." Alam mo, beh. Maganda ka, sexy at Tama lang ang height mo sa isang dalagang pilipina. Kumbaga kulang ka lang ng mga apat na paligo siguro."

Napaubo naman ako sa sinabi niya kaya hindi ko mapigilan ang matawa. Kaya natawa nalang din sa akin si ate Jolly. Maya-maya pa ay may binuksan na siyang isang pintuan sa second floor.

" Ito ang magiging kwarto mo. Binilin na sa akin ni sir Luke ito. Ano nga pala pangalan mo at ilang taon ka na, beh?"

Ang daming tanong sa akin ni ate Jolly. Ngunit wala ni isa pa muna ang sinagot ko dahil hanggang ngayon hindi ko parin lubos maisip na bakit ganito kalaki ang aking kwarto. Ang buong akala ko ay sa maid's quarter din ako.

" Sigurado po ba kayo na ito talaga ang sinabi ni sir Luke po sa inyo,Ate? Ito talaga ang kwarto ko? Bakit ang laki naman yata. Parang limang beses ang laki nito kaysa sa kwarto ko sa probinsya." Hindi makapaniwalang sambit ko.

Tumawa naman siya. " Ano ka ba, ang daming mga bakanteng kwarto dito, beh. Ano nga pangalan mo ulit?" tila naiinip na itong malaman ang pangalan ko.

" Sorry po, Ate. Emilyn ang pangalan ko. Pero iyong iba tinatawag din akong Amanda. Kaya Ikaw nalang bahala kung alin diyan sa dalawang pangalan ko ang gusto mong itawag sa akin. "

" Emilyn nalang bagay sa'yo maganda at sexy." Nakangiti niyang bulalas.

Ngumiti nalang ako at dahan-dahan nilapag sa sahig ang bitbit ko na bag na naglalaman na mga damit ko at personal belongings ko. Kaunti lang ang dinala kong damit dahil karamihan sa damit ko sa probinsya ay may butas-butas na. Dalawa lang ang dinala ko na may butas iyong sando at isa kong bestida. Paborito ko kasi iyon at presko sa pakiramdam.

" Sige, Emilyn. Maiwan muna kita at may gagawin pa ako. Ang sabi sa akin bukas ka pa daw magsimulang magtrabaho. Hindi muna pumasok si sir Luke sa trabaho dahil siya muna ang mag-alaga kay baby Luca. Alam mo naman siguro ang kwento diba?" mahina pa niyang sabi.

Kahit alam ko ang kwento nila ate Tanya at si Luke pero hindi nalang ako nagkomento pa. Hindi na din bago sa akin si ate Tanya dahil tatlong taon din siyang nanirahan sa lugar namin. At ako minsan ang taga-bantay din baby Luca doon kapag may ginagawa siyang gawaing bahay. Kaya kinuwento niya sa akin simula sa una hanggang dulo kung bakit siya napadpad sa lugar namin.

Matagal ng umalis si ate Jolly sa kwarto ko pero nanatili parin akong nakaupo sa malambot na kama. Hindi ko kasi alam kung anong gagawin ko dito. Nakakahiya naman na dito ako magbuhay prinsesa sa kwarto.Samantalang si sir Luke ang nagbabantay kay Luca dahil buaks pa daw ang simula ng trabaho ko bilang yaya ni baby Luca.

Napaayos ang upo ko nang may biglang pumasok sa kwarto.