Chapter 17

"Nagustuhan mo ba ang kwarto mo hija?" tanong ni lola Liz sa kanya, "ipinaayos ko ito agad kanina."

"Salamat po lola. Hindi naman po kailangan na nasa malaking kwarto ako. Kahit po sa maliit lang na room, pwede po ako." nahihiya niyang sabi sa matanda.

"Alam mo hija, nasa sinapupunan mo ang binhi ng aming lahi. Kailangang ingatan kita, sa abot ng aking makakaya." inakbayan siya ng matanda at iginiya sa labas. Walang 2nd floor ang bahay, isa itong malapad na mansiyon. Binuksan ng katulong ang pinto, tanaw sa terrace ng kanyang kwarto ang malaking swimming pool.

"Ang ganda po," nasabi niya saka lumapit sa gilid ng terrace at sinamyo ang hangin. "Ang bango po, halatang mayaman ang nakatira."

"Hindi naman hija. Ano? nagustuhan mo ba itong kwarto mo?" tanong ni lola Liz.

"Naku, opo, nagustuhan ko po. Marami pong salamat.." wika niya sa matanda.

"Pwede tayong pumunta doon sa sa may duyan kung gusto mo. Magpapadala akong pagkain doon." inakay siya ng matanda palabas ng kwarto. "Pupunta muna