Kabanata 16.1

Hindi ko alam kung anong isasagot ko sa tanong ni Sir. Ano bang dapat sabihin? Na inaya niya ako na kadate ngayong gabi? Pero baka iba naman kasi isipin niya eh.

“Ah ano po Sir.” Umiwas ako ng tingin dahil hindi ko talaga alam ang isasagot ko sa kaniya.

“Are you his date?” bumaling ulit ang tingin ko sa kaniya. Ewan ko ba pero parang iba ang emosyon na pinapakita ng mga mata niya para bang hindi iyun ang mga tinging pagiging boss niya.

“Ayaw ko po sana Sir pinilit lang ako ng mga kaibigan ko.” Mariin na lang akong napapikit dahil bakit ba pakiramdam ko kailangan kong ipaliwanag sa kaniya, either yes or no lang ang sagot pero ang layo ng sagot ko sa tanong niya.

“Yes or no.” Kalmado niyang tanong.

“Y-yes.” Sambit ko saka umiwas ulit ng tingin sa kaniya. Rinig ko ang pagbuntong hininga niya na animoy nagpapasensya.