Kabanata 8.2

“Magtitimpla po sana ako ng kape natin Sir eh hindi ko naman alam na wala na pa lang ilaw dito. Ayaw ko sa dilim.” Nakayuko at nahihiya kong sabi sa kaniya. Hinawakan niya ang kamay ko at hinila na pabalik ng office.

“Sana sinabi mo, hindi naman kita inutusang magtimpla ng kape eh saka nasa office na ang dispenser at may mga kape na dun. Nagtanong ka muna sana bago ka lumabas.” Nakahinga ako ng maluwag at pakiramdam ko safe na safe ako dahil sa kamay ni Sir na nakahawak sakin. Nakabalik kami ng office at nakita ko ang dispenser na nakasaksak sa likuran ko at katabi nito ang iba’t ibang uri ng kape. Ang tanga mo naman Keisha bakit ba hindi mo pa nakita yan eh ang laki laki na nga lang.

“Bakit ang daming kape Sir? Dalawa lang naman tayo.” Sabi ko sa kaniya habang nangunguha na ng baso.

“Hindi ko alam ang gusto mong kape kaya bumili nako ng marami. Puro ang sakin walang asukal.” Sabi niya kinuha ko naman na ang Nescafe na nakalagay sa maliit na plastic at inilag