Chapter 33

Hindi namalayan ni Farrah na nakatulog siya sa sofa at mabilis siya bumangon kahit nararandaman pa rin ang pananakit ng tuhod. Hinanap niya si Damon at natagpuan sa may lanai.

“Nand’yan ka lang pala,” wika ni Farrah.

Nagulat naman si Damon dahil ‘di inakala gising na si Farrah habang abala siyang pinagmamasdan ang kalangitan.

“Bakit bumangon ka na?” tanong ni Damon at inalalayan si Farrah sa paglalakad papunta sa silya upang maupo.

“Takipsilim na, napahaba ang tulog ko at ‘di mo man lang ako ginising,” tugon ni Farrah na may halong pagtatampo.

“You had need to rest, kaya naman ‘di na kita inistorbo pa. I should take you home now, maaga pa kitang susunduin bukas,” sambit ni Damon at inalalayan muli si Farrah na makatayo.

Pagdating ni Farrah sa kanilang bahay ay sinalubong kaagad siya ni Sandra na kakauwi lamang din. Nag-aalala ito sa kalagayan niya at dahil naiwan ni Farrah ang kaniyang mga gamit at hindi na natawagan pa ito. Wala rin siya contact kay Damon kaya naman umuwi na lang ng