I Belong With you

I BELONG WITH YOU

By: Kit Ten

[General Fiction/Romance]

[CHAPTER 26]

[Athena’s POV]

Ilang minuto ring namayani ang katahimikan sa pagitan naming mag-ina. Ni walang gustong magsalita. To be honest, hindi ko alam kung anong sasabihin ko kasi hindi ko inaasahang mangyayari ang sandaling iyon. Nagulat ako.

Napansin kong nangilid ang luha sa kanyang mga mata. Sa tingin ko’y expected na n’yang magkikita kami ng araw na iyon. Kung nagkuwento sa kanya si Lino nang tungkol sa akin ay tiyak na nakilala na niya ako kahit hindi pa man kami nagkikitang muli.

Napalunok ako. Naramdaman ko ang mga luhang namumuo sa sulok ng mga mata ko kaya bago pa man malaglag ang mga iyo’y umalis na ako sa harapan niya. Agad kong tinapik sa balikat si Levi. Nakatayo ito sa pintuan habang busy ito sa kung anuman ang binabasa nito sa phone nito.

“Let’s go.” Turan ko rito nang maang itong tumingin sa akin.

“Akala ko’y ipakikilala pa sa’yo ni Lino