Chapter 16

Matapos niyang kumain pinainom ko lang siya ng gamot tapos pinahiga ulit at binalutan ng comforter. Tumayo ako para patayin ang aircon para mabilis mapag-pawisan ang bata at bumaba ang lagnat nito.

Napansin kong nakasunod lang ng tingin sa akin ang boss ko. Hindi ko siya pinansin dahil abala ako sa pag aasikaso sa kapatid niya. Pumasok ako sa CR para tignan kung may malalagyan ba ako ng tubig. Napangiti ako ng may makitang maliit na plangana. Kinuha ko iyon at nilagyan ng tubig, binasa ko na rin ang nakuha kong maliit na towel sa damitan ni Gia.

Lumabas ako ng banyo, nilapag ko sa bedside table ang maliit na plangana. Hinayaan ko munang mapag pawisan ng lubos ang bata bago ko siya punasan at maginhawaan na. Makalipas ang isang oras kinapa ko ang noo at leeg ni Gia, napangiti ako ng bumaba na ang lagnat nito. Pawis na pawis na rin kaya muli akong tumayo para ikuha siya ng panibagong damit.

Papalitan ko siya sigurado basang basa na ang likod nito dahil sa pawis, baka magkar