CHAPTER: 2

Marami ang ganid at sakim sa kumpanya ng mga Madrigal. Pero mga pinagkakatiwalaan ito ng lolo ni George, kaya't wala siyang magawa para mapatalsik ang mga sakim na nag-aabang lang ng pagkakataon.

KINABUKASAN nakatanggap ng tawag si Isla mula sa Lolo ni George. Si Mr. Ferdinand Madrigal. Inaanyayahan siya nito na pumunta sa malaking bahay ng mga ito. Nasa garahe na siya sa mansyon ng mga Madrigal nang makita niya ang kanyang asawa na si George at ang kabit nito na si Honey, mukhang kadarating lang at magkahawak kamay pa na naglalakad.

Nag tama ang kanilang mga mata at sa halip na mahiya sa kanya ay pinakita pa sa harapan niya mismo ang paglalambingan ng mga ito. Pakiramdam niya ay nanigas ang kanyang buong katawan nang makitang magkasama ang dalawa. Kahit masakit, hindi niya iyon pinahalata. Siya siya Isla Ferrer at hindi siya kailanman magpapatalo sa mga ito.

Lumabas ang ina ni George na malaki ang ngiti sa labi ng makita si Honey. Agad ding hinawakan ng matandang babae ang kamay nito at masuyong hinaplos. “Honey, darling, na-miss kita ng sobra. Ang tagal na magmula ng huli nating pagkikita.” malambing na sabi nito kay Honey.

“Hello po, Tita. Na-miss din po kita,” parang tunay na anak na sagot naman ni Honey sa matandang babae.

“Napakaganda mo pa rin, iha. Walang pinagbago. Parang mas bumata ka pa nga sa pagdaan ng taon,” papuri ng matandang babae kay Honey.

Narinig niya ang lahat ng pag-uusap ng mga ito habang papalapit siya. Ang mga walang hiya—pagkatapos ng lahat ng kanyang ginawa ay harap-harapan na pang pinamumukha sa kanya ang kabit ng kanyang asawa at kung paano kagusto ng mga ito. Binalingan siya ng ina ni George.

“Isla, nagtrabaho ka naman ng dalawang taon sa aming pamilya. Nakilala ka sa business world dahil sa aming apelyido. With all the money you've already made, filing for annulment shouldn't be a big deal for you, right? Isipin mo na lang na kabayaran mo ito sa pribilehiyo na tinamasa mo mula sa aming pamilya sa nagdaan na mga taon. Isipin mo na lang na magiging maganda ito, para kay George. Para sa tunay na pagmamahalan nila ni Honey,” malambing na pagkakasabi ng ina ni George sa kanya.

Galit na galit at lihim na napangiti si Isla dahil sa mga sinabi ng matandang babae. Naalala tuloy niya, na mula ng pumasok siya sa pamilya Madrigal, hindi kailanman umakto ang matandang ito bilang kanyang biyenan. Dahil lagi na lang, para siyang reyna na kulang sa pansin at ayaw masapawan.

Mababa din ang tingin ng matandang ito sa kanya, believing that a woman raised in the province would naturally be meek, compliant, and easy to manipulate. Tulad ng anak nito na si Geo, isang malaking uto-uto din ang tingin nito sa kanya.

Pero tila ba bumaliktad ang lahat para kay Helena. Dahil pagpasok pa lang niya sa pamilya Madrigal, sampal na kaagad sa matandang babae ang kanyang pagdating. Dahil kinontrol na niya agad ang mga ito at naging bise presidente pa siya ng kumpanya ng Madrigal. Kaya't walang nagawa si Helena—kundi ang kamuhian siya ng lihim.

Ngayon, magsisinungaling siya kung sasabihin niyang hindi siya nasaktan sa inaakto ng matandang ito. Pero agad din naman nakuha ni Isla ang matinding pagnanasa ni Helena na mabawi ang kanyang kapangyarihan bilang reyna-reynahan sa pamilya Madrigal kapag nawala na siya. Kaya hindi na siya nagtataka kung bakit gusto nito si Honey—gusto lang naman nito kontrolin ang babaeng gusto ni George.

“You know what Isla, bakit hindi mo tanungin si Honey kung ano ang ginagamit niya sa kanyang mukha? Mukhang kailangan mo kasi, look at you?” ani pa ni Helena na tiningnan siya mula ulo hanggang paa na tila ba sinasabi na ang panget niya. “Honey, iha, why don't you just give me your contact number para naman maibigay ko kay Isla. Alam mo na—mukhang kailangan niya ng make over. Mukha pa siyang mas matanda sa akin,” dagdag pa nitong wika..

Isang nakakamatay na irap ang ibinigay niya sa ina ni George bago niya ito tinalikuran. Hindi siya pumapatol sa matanda.

“Don’t worry, Ma. Hindi ko naman kailangan ng kung ano mang pampaganda dahil naniniwala ako na maganda ako,” sagot niya dito na nakangiti. Hindi niya na hinintay na sumagot ito at

dumiretso na siya sa loob ng malaking bahay, sa opisina ni Mr. Madrigal pero naririnig niya ang matanda na kinakausap ang babae ni George.

Alam niyang napahiya si Helena dahil sa kanyang sinabi. Madilim ang mukha nito na tinitigan ang kerida ng kanyang anak na si George.

“As expected of a wild girl who grew up in the countryside. Walang manners.” pang-iinsulto nito sa kanya na sinadya pang lakasan ang boses upang marinig niya..

Tiningnan ni Helena si Honey.

“Tita, let's just leave Isla alone. Huwag niyo na pong patulan at masisira lang ang araw ninyo,” malambing na wika ni Honey.

“Pabayaan na nga natin siya… Wala kasing taste yun kaya nga iniwan ng anak ko,” ani niyang tumaas ang kilay… “Walang class ang babaeng yun. She’s desperately trying to insert herself into the Madrigal family, probably thinking that wealth can cover up her disgraceful background. What a shameless social climber..."

Magkahawak kamay sina Honey at George na pumasok sa loob ng malaking bahay. Napatitig sa mga ito ang matandang Madrigal. Samantalang si Isla ay nakatingin lang din sa dalawa Dinampot nito ang tasa ng kape mula sa ibabaw ng lamesa at binato kay Honey at George.