Chapter 16

DAVID

"Saan ba pumunta ang dalawang 'yon?" tanong ko kina Irene at Dina na ang tinutukoy ay sina daddy at asawa niya na si Celine.

Bago magsalita ang isa sa kanila ay nagkatinginan muna sila. Si Irene ang nagsalita sa akin. Siya lang naman kasi ang madalas na nakakausap ko sa mga kasambahay namin, eh.

"Hindi po ba sa 'yo sinabi ng daddy mo kung saan sila pupunta kanina, Sir David?" tanong niya sa akin.

"Hindi. Hindi niya sinabi sa akin kung saan sila pupunta. Mukhang maaga silang umalis kanina. Tama ba ako?" sagot ko sa kanya at mabilis naman niya akong tinanguan.

"Opo, Sir David. Maaga nga po talaga sila umalis kanina dito sa mansion..." sabi ni Irene sa akin.

"Sinabi ba nila kung saan sila pupunta? Kakauwi pa lang nila ngayon," tanong ko muli kay Irene kung saan pumunta ang dalawang 'yon na maagang umalis kanina dito sa mansion.

"Opo. Sinabi po sa amin ni Sir Ronaldo kung saan sila pupunta kanina," sabi ni Irene na seryosong nakatingin sa akin.

"Saan sila pumunta?" tanong ko pa