Chapter 82

DAVID

Walang paglagyan ang sayang nararamdaman ko ngayon. Ilang araw na ang lumipas ay hindi pa rin talaga ako makapaniwala na nangyayari ang lahat ng 'to. Ngayon lang talaga ako naging masaya sa buhay kong 'to sa totoo lang. Naging kami na nga ni Celine na minahal ko at nalaman ko na rin sa wakas na anak ko talaga ang batang kamukha ko. Hindi nga talaga ako nagkamali sa inaakala ko na anak ko talaga ang batang 'yon at maging ang best friend ko na si Rafael ay ganoon rin kaya ang ginawa ko ay nakipagvideo call ako sa kanya. I want to tell him about it.

Sinabi ko naman nga kaagad sa best friend ko na si Rafael ang tungkol doon sa magagandang nangyayari sa akin ngayon. Natuwa naman nga siya sa akin matapos na sabihin ko sa kanya na kami na ngang dalawa ni Celine at nalaman ko na anak ko nga talaga ang batang kamukha ko.

"Masayang-masaya ako para sa 'yo, bro. Sa wakas ay nalaman mo na rin ang tungkol sa batang 'yon. Hindi nga tayo nagkamali sa pinag-uusapan natin, 'di ba? Anak mo talag