Chapter 1

"Wow! Ang ganda naman dito, Perry!" namamangha kong bulalas habang inililibot ko ang paningin sa loob ng isang sikat na five-star hotel pagpasok namin ng boyfriend kong si Perry. "Akala ko dati mamayaman lang ang pwede rito!"

First time kong makapasok sa loob ng hotel na dati-rati ay nadadaanan ko lang ito.

Mahina naman natawa ang boyfriend ko. "Pwede rin naman ang iba pumunta rito kahit hindi mayaman."

"Basta may pera sila?" 

At mas lalo pa siyang natawa. "Ikaw talaga. Halika nga. Baka naghihintay na ang HR sayo. Galingan mo."

Pabiro ko siyang tinaasan ng kilay. "Wala ka bang bilib sa girlfriend mo? Makakapasok ako dito, tandaan mo yan. Parati mo akong makikita dito."

Nandito kami sa hotel dahil may interview ako sa HR manager. Tinulungan ako ni Perry para makapasok ng trabaho. Stepfather niya kasi ang may-ari ng hotel, at sinabi raw nitong magtungo ako ngayong araw para sa interview.

Natuwa ako matapos kausapin ang HR manager at tanggapin ako dahil napabilib daw siya sa akin.

Pumunta rin kami sa office ng stepdad ni Perry. Naroon rin ang mom niya. One month and two weeks to be exact pa lang kaming magkarelasyon ni Perrt at first time kong ma-meet ang family niya, so I felt a little nervous.

"M-Magandang... araw po!"

I don't know how to greet them. Hindi ko rin alam kung kakamayan ko sila o ano. I felt awkward. Ngumiti ang mom niya at lumapit sa akin. Nabigla ako nang yakapin niya 'ko at i-tap ang likod ko.

"Nice to meet you, iha."

Feeling ko agad nawala ang kaba at pagka-ilang ko sa reaction ng mom niya.

"I'm happy to meet you din po!" magalang kong sabi at nginitian siya. Natuwa ako na nakikita ko sa mga mata niya na gusto niya 'ko.

Lumapit din ako sa stepdad ni Perry na nakaupo sa swivel chair at kinamayan siya. Nakangiti siya at feeling ko mabait rin siya.

"Perry, sana tumino ka na this time, sumasakit na ang ulo ko sa mga kalokohan mo!"

Sinamaan ng tingin ng mom niya si Perry. Napakamot naman siya ng batok.

"Of course, Ma, matino naman talaga ako!"

Kumindat sa akin si Perry at humawak sa bewang ko. Kilalang playboy si Perry kaya naalangan ako sa kanya noong una, pero naging matiyaga siya sa panliligaw sa akin at naramdaman ko namang seryoso siya sa akin.

Lumabas na kami sa office ng stepdad niya pagkatapos ng tagpo na iyon.

"Let's go to my brother's office," saad ni Perry paglabas namin sa office ng stepdad niya.

"Brother?" kunot-noo kong tanong.

"My stepbrother!" agap na sagot ni Perry.

"Ah okay!"

Naalala ko bigla na nabanggit niya noon na may stepbrother siya. Nag-iisang anak si Perry pati na rin ang stepbrother niya kaya naging malapit siya dito na itinuring niyang totoong kuya simula nang magpakasal ang mom niya sa stepdad niya five years ago.

Katabi lang ng office ng stepdad niya ang office ng stepbrother niya. Kumatok si Perry sa pinto. May ilang beses siyang kumatok hanggang magbukas ang pinto at lumabas ang isang janitor.

"Sir Perry, wala pa po si Sir Alex dito," saad ng janitor tsaka siya lumabas sa office. "Baka nasa pad niya."

Hinawakan ni Perry ang kamay ko patungo sa elevator. Pagsakay namin sa elevator ay pinindot niya ang penthouse. Hanggang 37th floor ang nasa button at may penthouse pa, so thirty-eight floors pala ang hotel na ito.

"Madalas kitang dadalhin dito once binigyan na ako ni Mom ng unit," namumungay ang mga matang bulong niya sa akin sabay hapit sa bewang ko. Na-sense ko naman ang ibig niyang sabihin.

"Hey, I told you ayaw ko pa..."

Bahagya akong lumayo sa kanya, hindi dahil sa sinabi niya kundi dahil meron akong naalala na pilit ko namang inalis sa isip ko.

I felt guilty again for Perry nang maalala ko 'yun.

Bumaba na kami sa elevator pagdating sa penthouse. Curious akong makita at makilala ang stepbrother ng boyfriend ko. Nasa penthouse siya nakatira, of course dahil anak siya ng may-ari ng grandyosang hotel na ito. Isa rin siya sa nagpapatakbo ng hotel at one day for sure, siya rin ang magmamay-ari ng lahat ng ito.

Nag-doorbell si Perry. Maya-maya ay tumapat siya sa camera ng intercom. Itinaas niya ang gitnang daliri niya at tumawa.

"Fvck you!"

I heard a voice on the intercom. Hindi naman ganoon kalinaw ang tinig at nagmumula pa sa intercom, pero pakiramdam ko ay parang may gumapang na kung anong sensasyon sa sistema ko nang maisip ko na familiar ang tinig na 'yun.

Agad naman 'yun nawala sa isip ko nang buksan na ni Perry ang pinto at pumasok kaming dalawa. Namilog ang mga mata ko nang bumungad sa paningin ko ang lawak at karangyaan sa loob. Napakalinis at bango pa. Sinabi ni Perry na stepbrother niya lang ang nakatira dito, so mag-isa lang siya pero kahit yata sampung tao ang tumira ay napakaluwag pa.

"Alex!"

Nawala na ang pansin ko sa paligid nang marinig si Perry at makita ang isang lalaking lumabas sa isang kwarto habang nagpupunas ng towel sa basang buhok. Tanging towel lang rin na nakatali sa bewang ang saplot niya sa katawan.

Napadiin ang kapit ko sa kamay ni Perry kasabay ng tila panghihina ng mga binti ko habang naglalakad kami papalapit sa taong 'yun dahil malinaw ko nang nakikita ang mukha niya.

Feeling ko para akong robot na lang na naglalakad at sumusunod sa mga yapak ni Wade. Parang tumigil ang mundo ko nang makita siyang muli.

Kasabay ng pagkagimbal ko na makita siya ay pagkabigla rin ang nakikita ko sa mukha niya. Natigilan siya habang nagpupunas ng tuwalya at nagmistulang estatwa habang nakatitig sa akin. Hindi ko alam kung pareho lang ang nasa isip namin nang sandaling iyon. Bumaba ang tingin niya sa kamay namin ni Perry na magkahawak at hindi ko maintindihan ang nasa expression ng mukha niya.

Nilapag niya ang towel sa couch at sinalubong kami ni Perry.

"Perry, wazzup!"

Lumapit siya kay Perry. Nag-fistbump sila tsaka siya bumaling ng tingin sa akin.

"Sorry, I didn't know may kasama ka, nagbihis sana ako." He smirked a bit.

Pumamewang siya na parang ibinabalandra niya sa akin ang katawan niya. Feeling ko sinasadya niya 'yun. Hindi ko tuloy naiwasang tumingin sa katawan niyang may ilang beses kong napagmasdan noon.

And for Pete's sake, hindi lang basta napagmasdan!

"No worries, it's fine."

Saglit siyang tumingin kay Perry nang magsalita ito at binaling uli ang paningin sa akin.

"Is she your... girlfriend?" His deep voice was cold. Alam kong malamig 'yun dahil hindi naman ganoon ang tinig niya noong nakasama ko siya.

"Yeah, she's Delancy... Babe, he is my brother, Alex." Perry introduced us.

Alex... Alexander! Yun lang ang pakilala niya sa akin noon!

"Hi... Delancy." Nilahad niya ang kamay niya sa akin. Nakatingin naman ako doon at hindi ko alam kung tatanggapin ko ba.

I wonder if he recognized me, but based on his expression, I'm sure he did.

Sino ba namang makakalimot doon?

"Babe?" Perry looked at me then looked at his brother's hand na nanatiling nakalahad. Gusto niyang tanggapin ko ang kamay na 'yun.

Biglang nabuhay ang guilt na naramdaman ko para kay Perry dahil sa nagawa ko. Pilit kong tinatakwil sa isip ko ang pangyayari. Gusto ko nang kalimutan ang lahat pero hindi ko magawa, at ngayong nakita ko uli ang taong ito ay biglang bumalik ang lahat sa akin.

Pinilit kong maging normal ang kilos. Ayokong isipin ng lalaking ito na ako ang babaeng nakasama niya noon.

Base sa reaction niya, naaalala niya 'ko, at ayokong isipin niyang naaalala ko rin siya o affected ako.

Ano kaya kung magpanggap na lang ako na hindi ko siya kilala?

Mas safe ako doon dahil magiging complicated ang sitwasyon namin ngayong siya pala ang stepbrother ni Perry at isa sa namamahala ng hotel na ito.

I took a deep breath and smiled. "Hi, I'm Delancy. Nice to meet you."

I saw his jaw clench.

Tinanggap ko ang pakikipagkamay niya. He gently held my hand just like the way he did before until he held it firmly. I even felt his thumb caressing my hand na parang meron siyang pinahihiwatig sa akin, at tila ba libo-libong boltahe ng kuryente ang naramdaman ko na kagaya noong unang beses niya 'kong hinawakan. Hindi ko na kinaya pa kaya hinila ko na ang kamay ko.

I know this man. I met him two weeks ago on an unexpected crazy steamy night I will never forget.

And this time, he's no longer a stranger to me. He is Alexander Guerrero, the acting CEO of this hotel... and my boyfriend's stepbrother.