Chapter 7

Nakaupo na si Alejandro sa bench sa labas. Katabi nito ang itim nitong gym bag habang may maliit na puting towel sa ulo. Bago na rin ang suot nitong damit—nakasuot na ito ng army green shirt at gray cotton shorts.

Bored itong nakatingin sa mga dumadaang sasakyan, halatang naroon lang talaga para hintayin makabalik ang sekretarya nito.

"S-Sir..." hingal na bungad ni Jasmine sa kanyang Ninong.

Bahagya pa siyang napayuko nang maitukod niya ang magkabila niyang kamay sa tuhod.

"I-I'm... sorry it took me a while. Tapos na po ba kayo sa pagwo-workout?"

"It's okay. Kakatapos ko lang din naman," sagot nito bago siya tiningnan mula ulo hanggang paa. "It seems like you're not used to walking, Jasmine."

Marahan siyang tumango.

"M-Medyo, sir. Hindi kasi ako sanay na maglakad nang matagal," sagot niya rito, at doon niya nakita ang paniningkit ng mga mata nito.

"I guess we have to do something about that," anito bago tumayo at lumapit sa kanya. "I'll send you my workout schedule and I want you to merge it with my working schedule," dagdag pa nito bago siya tiningnan sa mga mata. "And I want you to join me on my workouts. You have to get that body moving or else you can't keep up with me."

"P-Pero, sir..." angal niya. Ayaw talaga niyang mag-workout dahil nakakapagod. Mas gusto pa niyang humilata sa kama, mag-cellphone, o matulog.

"That's an order," matigas na sabi ng kanyang Ninong. "I'll also inform your parents about it," dagdag pa nito bago siya nilagpasan.

Napanguso na lang siya bago sumunod. Mas tunog ninong pa ito kaysa boss.

"S-Sir, sa bahay na lang ako magwo-workout," pagpupumilit niya.

"No. I can't monitor you," paninindigan nito. "Just think of it as part of your work."

Napabuga na lang siya ng hangin bago marahang tumango.

"O-Okay po."

"Good," anito bago pumasok sa kotse. "Get in."

"Po?" tanong niya.

"Sumabay ka na sa akin. Didiretso na ako sa opisina," sagot nito. "Doon na ako magbibihis," dagdag pa niya bago may tinawagan sa cellphone.

Hindi na siya tumanggi sa alok nito. Makakatipid din siya sa pamasahe. Nang makaupo siya sa passenger seat ay pinaandar na agad ng Ninong Alejandro niya ang sasakyan.

"What's my schedule for today?" tanong nito makalipas ang ilang saglit.

"You have no prior commitments for the whole morning, sir. Pero sa afternoon po, at 1:30 PM, you have a meeting with Mr. Yan," paliwanag niya.

"Okay. Thanks," tipid na sagot ng lalaki at hindi na muling nagsalita.

Dahil sa katahimikan sa paligid ay napunta ang atensyon niya sa katawan nito. Pasimple niya itong tiningnan. Hindi niya mapigilang humanga kung paano nito nami-maintain na sobrang fit ng katawan. Ang bata pa rin talaga nitong tingnan kumpara sa edad. Wala siyang makita ni isang guhit sa mukha nito.

"Is there something you wanna say?" biglang tanong ng lalaki. "Kanina pa kita napapansin na tumitingin."

Biglang nag-init ang pisngi niya. Agad siyang napatingin sa ibang direksyon sabay yuko.

"N-No, sir. I..."

Humugot siya ng malalim na hininga para pakalmahin ang sarili.

"I was just wondering how you were able to keep yourself look way younger than your age," pagtatapat niya, sabay init lalo ng pisngi dahil sa labis na hiya.

"Exercise and a good diet," tipid na sagot nito.

"That's all it takes to look younger than your actual age."

"I... I see..." tugon niya at hilaw na ngumiti.

"Yes. So you better start working out, Jasmine," suhestiyon nito. "Don't worry, I'll personally guide you 'til you get used to it."

"P-Po?"

Mabilis siyang napatingin sa lalaki, at medyo nanlaki pa ang mga mata dahil sa pagkabigla.

"I said I'll guide you. I'll help you with your routine," pag-uulit nito.

"You're probably not aware of this, but I am a certified fitness instructor, so I know what I'm doing. And I think you have no reasons to decline my offer, do you?"

Nakagat na lang niya ang labi niya bago hilaw na ngumiti.

"W-Wala po, sir."

"Good. Looking forward to see you on my next workout schedule," anito at ibinaling na ang atensyon sa daan.

Naikuyom na lang niya ang mga kamay dahil sa labis na frustration. Gusto na nga niyang iwasan ito dahil hindi na maganda ang nararamdaman niya, pero bakit parang hindi yata umaayon ang panahon sa gusto niya?

Does fate really want her to struggle with her feelings for her Ninong? Balak ba nitong gawing miserable ang buhay niya?

Napabuga na lang siya ng hangin bago tumingin sa labas ng bintana.

Pero may parte sa kanya na masaya dahil mas magkakalapit pa sila.

Shit. Kasasabi pa lang niya na kailangan niya ibaling sa iba ang atensyon niya, pero heto siya... hindi talaga mapigilan.