Chapter 26

Sa buhay hindi talaga maiiwasan na may darating na taong laging wrong timing. Hindi iyong kung paano sila dumating literal sa buhay natin. Pero iyong ideya na pagdating nila sa mga seryosong usapan. Nasa kalagitnaan ka ng seryosong usapan. Lagi silang may spot, parang sa raffle gusto laging may slot.

Sinamaan ko ng tingin si Elian. Napangiwi siya nang makita ang mukha ko. Sobrang lawak pa ng ngiti niya kanina, akala talaga niya ako lang mag-isa, eh.

Hindi ba siya sinabihan ni Alaina? O, baka naman sinabi naman sa kanya. Hindi lang siya naniwala!

"I-I'm sorry, I didn't know Kali was with someone." Paghingi niya ng paumanhin. Mabilis siyang tumalikod para sana makalabas na, pero huli na iyon.

"Wait," Pigil ni papa.

Ito na nga ba ang sinasabi ko, wala na namang takas sa katanungan ang lalaking 'to. Mabuti sana kung maayos 'tong kausap. Eh, mas malala pa siya sa akin.

"Yes, sir?" Pormal niyang tanong. Nanatili pa rin siyang nakatayo kung saan ang pwesto niya kanina. Inimuwestra nama