KABANATA 16.1

"Ano'ng klaseng laba nga 'to?" nagtitimpi niya muling tanong.

Napakurap ako, "Malinis—"

"Brat. Why did you bleach my colored shirts? Namuti na. Ang puting t-shirt ko ay nangitim. Walang matino dito. Sinira mo lang ang mga damit."

Napamaang ako at napaatras.

"Binanlawan mo man lang ba ang mga ito?"

"A-nong b-anlaw?"

Inis siyang napapikit bago pabalang na sinampay ang asul na damit sa sampayan.

"Bakit nga ba ako nagtiwala sa labang sinasabi mo. Sa kusina ka lang naman magaling."

Napakurap ako muli matapos niyang tumalikod at lagpasan ako.

"Bumili pa ako ng machine," dinig kong bulong niya.

Napasimangot ako at napangiwi matapos masulyapan ang mga damit. Namumuti ang mga de kulay at nagitim nga ang puti. Tanging ang robang kulay rosas ko lang ang maayos.

Nag-effort naman ako ah?

Akala ko sakto lang. Sumobra pala. Sorry naman.

"Ibibili na lang kita ng bago," panunuyo ko.

Napanguso ako matapos niyang umiling. Binalik ang tingin sa laptop niya.

"Uhm. Babayaran ko na lang," pilit ko pa.

Disap