5

5

Aniah's POV

"Ano ate natanggap ka?" At ayun talaga ang bungad na tanong sa akin ni Aninah. Punyemas napaka-isip bata ah?! Ni hindi man lang sinabing mag-pahinga muna ako! Hayst, kids these days!

"Yeah." Yun lang ang nakaya kong sabihin kahit punong-puno ang isip ko ng pwedeng sabihin. I'm tired and I don't want to talk.

"Kailan ka papasok ate? Kailan ka magsisimula? Naitanong mo ba kung may kilala silang Ababa? O nakita mo ba si Ababa?" Lumapit pa siya sa akin at inilapit ang mukha niya sa mukha ko. Iniwas ko naman ang mukha niya sa akin at isinandal ang ulo sa sofa.

"Aish. I'm tired! Kaya pwede? Mamaya mo na ako kausapin?!" Inirapan ko siya at ipinikit ang mga mata ko.

Talagang hindi man lang ako kinamusta ah? At tsaka paano ko maitatanong kung may kilala silang Ababa eh hindi naman full name yun? Tapos sabi pa niya kung nakita ko? Eh ang lupit ko naman pala sa tingin niya at makikita ko si Ababa kahit hindi ko alam ang itsura nun?

Pero natigilan ako nang pumasok sa isip ko yung mukha nung nakasalubong ko kanina. Paano kaya kung siya si Ababa? Pero parang hindi naman niya kayang gumawa ng kababalaghan? Hmm?

"Mainit na naman ang ulo mo ate eh." Sabi niya pa at ramdam kong nakanguso siya.

Why do I need to do this? Hayst. Ang likot talaga ng isip ko.

Kasi nga ikaw yung ate. Responsibilidad mong tulungan ang kapatid mo. Sagot ko naman sa sarili ko. Aishh.

I have this weird hobby of talking to my self. Pero sabi nila nakakatalino daw yun. Siguro nga? Lihim akong napangiti.

Siguro kapag nakita ko na si Ababa pwede na akong magbakasyon? Hmm? Nasira yung dapat ay bakasyon ko eh.

At unti-unti akong nakatulog...

***

Nagising na ako't lahat, para pa din akong nananaginip. Nakatulala lang ako at nag-iisip ng maaaring solusyon sa mga problema na kinakaharap ko ngayon. Pero hindi pa naman ako mamamatay kaya bakit sobra akong mag-isip?? Hayst. Maybe sign of aging.

Luminga ako sa paligid at mag-isa lamang ako sa living room. Saan na naman kaya nag-suot si Inah? Napabuntong-hininga na lang ako at tumayo na at dumiretso sa kwarto para makapag-bihis. Kakausapin ko pa si Inah mamaya.

Pero natapos na ako sa pagbibihis ngunit hindi ko pa rin nakikita si Inah. Where is she? If ever na may mangyaring masama ako na naman ang malilintikan nito. Napaka-tigas naman kase ng ulo ng batang yun. Hindi man lang nagpa-alam.

Naupo ulit ako sa sofa at muling nag-isip. What should I do? I should have a plan. Wala akong plano sa kung ano-anong gagawin ko sa Heiberg. Psh. Basta na lang ako nag-enroll sa kung saan, two weeks lang naman ang itatagal ko sa Heiberg eh.

Pero saan ako magsisimulang maghanap? I don't know kung anong degree ang tine-take up ni Ababa. Tsaka hindi naman pwedeng ipagtanong ko kung anong degree niya. Tsaka paano kung hindi siya famous? Edi legwak na ako?

Bakit ba kase nauso ang one night stand tapos hahanapin din kapag may nabuo? Hindi ba pwedeng mag-intoduce your self muna bago sila mag-chukaran? Hayst. Kabataan nga naman.

Ang pinanghahawakan ko lang na clue about Ababa eh yung pangalan niya hindi ko alam na may pangalan palang ganon na nag-eexist tapos yung tattoo niya sa kaliwang palapulsuhan. It's hard. But I really need to do this. This is for Inah.

Mas lalo siyang mapapagalitan kapag nalaman ng parents namin na buntis siya tapos hindi niya kilala ang nakabuntis sa kaniya. Matatawag siyang desgrasyada kapag hindi ko nahanap si Ababa. Tsaka baka palayasin siya kapag nagkataon, pero feeling ko malabo yun, she's their favorite.

Kahit mahal na mahal ko si Aninah, hindi ko pa rin maiwasan na mainggit sa kaniya. She's the favorite. Palibhasa siya yung mas masunurin. Tsaka kapag pinagsabihan siya, hindi na siya uulit pa. At kung anong sinabi mo, yun talaga ng gagawin niya.

At ngayon, pakiramdam ko ay nag-rebelde siya. At pakiramdam ko, ako ang masisisi nito. She needs attention at hindi ko naibigay yun. She needs an older sister, wala ako. She needs me but I'm not on her side. Pero paano naman ang pangarap ko kung hindi ko siya iniwan? Kung hindi ako umalis?

Our parents are busy, that's a fact. Kahit noong ako ang nag-aaral minsan ko lang sila makita. Dahil sa business lagi silang walang time. Si manang na ang halos nagpalaki sa amin. Pero mas naging busy sila ngayon dahil mas lumago ang business. At ako dapat ang magbabantay kay Inah ngunit sinuway ko sila. I chose to live in a condo para maging independent, it's one of my dreams. Tapos umalis ako ng bansa para maabot lalo ang mga pangarap ko, kahit ayaw ng parents namin. At ngayon pakiramdam kong kasalanan ko kung bakit nagka-ganito si Inah.

"Uy ate gising ka na pala." Natigil ako sa pag-iisip nang umupo si Inah sa tabi ko at ngumiti sa akin.

"Saan ka nanggaling?" I asked. Medyo gasgas ang boses ko dahil bagong gising nga.

"Uh, bumili akong mangga at alamang. Nag-crave ako eh. Ganito ata talaga kapag buntis." Sabi niya at ngumiti. Tumayo siya at dinala ang plastic na naglalaman siguro ng mangga at pumunta sa kusina.

Mangga at alamang? Pang-buntis nga.

"Ate gusto mo?" Inalok niya pa ako bago siya umupo sa tabi ko at binuksan ang TV.

Umiling naman ako kahit na alam kong hindi niya ako kita.

"Ate kamusta pala yung lakad mo kanina?" Akala ko nalimutan niya na, hindi pa pala. Nagpatuloy siya sa paglilipat ng channel.

"Nakaka-stress. Papasok na ako bukas. As a student." Nakatuon na sa TV ang paningin ko. Itinaas ko ang paa ko sa sofa tsaka sumandal.

"Talaga ate? Naipagtanong mo ba si Ababa?" She asked. At talagang inilapit niya pa ang kaniyang mukha sa akin.

"Hindi ko naipagtanong. Nawiwirduhan ako sa pangalan niya." Sabi ko at inilayo ang mukha niya sa akin. Muli akong napalingon sa TV.

"Eh paano mo na siya ate hahanapin?" Inosenteng tanong niya na para bang problemadong-problemado.

"Ako na ang bahala." Hindi na ulit siya nagtanong pa kaya naman itinuon ko na ang atensyon ko sa panonood.

Lumingon ako sa kaniya nung nag-commercial, I need to talk to her.

"Aninah, can we talk?" I asked. I think there's something wrong kahit wala naman talaga. Hayst.

Tumingin siya sa akin, tumango tsaka ngumiti. Hindi ko magawang ngumiti. Basta parang may mali, parang may mali sa akin. I have this feeling na hindi maganda ang kakalabasan nitong gagawin ko. Bahala na si Darna.

"Kapag umalis ako, wag kang gagala nang gagala ha?" Tumango siya. "Mag-iingat ka at kapag tumawag sina mommy sabihin mo na nandito ka sa condo ko. Sabihin mo ako ang nagpatira sayo dito. At kapag hinanap nila ako sabihin mo may inaasikaso lang. Basta pagtakpan mo ang sarili mo. Hangga't hindi ko pa nakikita si Ababa huwag mo munang sasabihin dahil mas mapapagalitan ka okay?" Mahabang litanya ko.

"Salamat ate. Pero ate baka ikaw ang pagalitan?"  Nag-aalalang tanong niya.

Kahit hindi ko ipasabi ang mga sinabi ko kanina ako pa rin ang mapapagalitan. Lalo na kapag nalaman nila na nagpapanggap akong lalaki. Napakahalaga ng pagiging desente at elegante sa aming pamilya at parang ipinapag-sawalang bahala ko na lang yun. Psh. Aniah Carlotta! Wala ka na namang ginawang tama!

"Hindi yan. Pagkatapos mo diyan eh magpatunaw ka muna bago ako magpapadeliver ng dinner." Ngumiti ako pero ramdam kong malungkot iyon. Tumayo ako at pumunta sa aking kwarto para ihanda na ang mga dadalhin ko bukas papunta sa Heiberg.

I should forget this feeling. Walang maitutulong ito sa akin. This isn't me. I'm independent and tough. Hindi ko na muna iisipin kung anong pwedeng kalabasan ng gagawin ko. I need to focus on finding Ababa.

***

"Porkchop na yan! Where's that f*cking dorm?!" Nakakainis! Hindi ko malaman kung nasaan ang dorm! May dala pa naman akong dalawang maleta! Itinabi ko muna yung dalawa kong maleta at umupo sa nakitang bench.

Bakit ba hindi ko itinanong sa kalbong Dean na yun kung nasaan ang dorm?! Basta sabi ko sa maluwag ang schedule niya ako ilagay para hindi naman ako ma-stress. Like duh?! Sa haba ng pananatili ko sa opisina nun  ang pinag-usapan lang namin ay about dun sa deal! Yung mga perks niya! Kung hindi lang talaga importante sakin tong ginagawa ko eh hindi ako makikipag-sapalaran!

"Need help?" Porkchop na yan! Muntik na akong mapa-tili nang may tumabi sa akin sa pagkakaupo ko sa bench. Maygash! Yung cute na guy kahapon! Kahiya-hiya yung hitsura ko! Kung naka-bihis babae lang ako magpapa-cute na ako dito!

"Uh hindi ko alam kung saan yung dorm pare." Shucks! Pare?! Porkchop na grilled! Masasamid ako dito eh!

"Ah ganun ba? Come'on I'll lead you the way." He smiled and stood up. Tumango naman ako at kinuha na ang mga maleta ko. Why is he so friendly?

Ganan yung mga nasa nobela eh, yung mga pa-fall gestures tapos pag nagtanong ka kung what's the score between the two of you sasabihin nila ay wala namang meaning yung ginagawa nila at tanging ikaw lang ang may malawak na imagination! Tapos syempre umasa ka kaya sa huli ikaw yung masasaktan. Nakaka-asar yung mga ganon eh! Yung tipong lalandiin ka tapos kung kailan gusto mo na tsaka biglang mawawala! Mga ghosters!!! Ilang beses na rin akong naganon eh. Yung umasa tapos siya pala paasa. Yung na-fall pero ako lang ang nagmukhang fool! Like what the fuck is wrong with me? Am I too high? Or am I hard to reach?

"Pare, let's go." Hindi ko alam na napatulala pala ako at siya ay handa nang maglakad. Shucks! Nakakahiya yun ah! Tumango ulit ako ay ngumiti.

Sumunod ako sa kaniya sa paglalakad. Naglalakbay pa rin ang isipan ko sa mga taong paasa! Psh. Bakit ba kase andali kong mahulog? Pero wala pa din akong nagiging boyfriend? Huh?! Can someone explain that?

May mga nanligaw naman sa akin dati pero halos lahat naman sila ay sa una lang magaling. They can't wait, hayst! Kapag sinasabi kong kung kaya niya bang maghintay kase I'll reach my dreams first bigla na lang nawawala at malalaman ko na lang na May girlfriend nang iba. Sad life!

"Huy!" Napa-pitlag ako sa gulat.

"Sorry, anong sabi mo?" Mabuti hindi ako napapasigaw kung hindi buking ako dito. Kailangan ko ding prenuhan ang bibig ko dahil baka mabuking ako. Sa paniniwala ko ay hindi madaldal ang lalaki, unless they're gay.

"Sabi ko anong room number mo?" Tumawa muna siya saglit bago ako tinanong. Sasagot na sana ako pero nagsalita na naman siya. "Magugulatin ka pala?" Tumawa na naman siya.

"Uh 310C" Sabi ko, pinapalaki pa rin ang boses.

"Hahahahahaha" Gulat akong napatingin sa kaniya dahil bumulalas siya ng malakas na tawa.

"May nakakatawa ba?" Naka-kunot ang noong tanong ko.

"Seryoso ka ba?" Tumatawa pa rin siya. Bipolar ba ito? Gwapo pa naman sana kaya lang sayang siya kung may problema siya sa pag-iisip.

"Mukha ba akong nagbibiro?" Medyo naiirita na ako dito ah. Masyadong matanong. Akala ko kahapon nung nakasalubong ko siya ay siya yung cold at snob type pero hindi pala. First impression lasts nga talaga.

"Easy. Kilala ko magiging room mate mo." Ako naman ang nagulat sa sinabi niya. Hindi ako solo dun?! Porkchop na kalbo yun!

Hindi na ako nakapag-salita sa gulat. Paano na ang gagawin ko ngayon? Hanggang sa kwarto pala ay dapat kilos lalaki ako?! Punyemas na yan! Patay ka saking kalbo ka!

"Alam mo ba ang meaning ng room mo?" He asked. Sumakay pa kami sa elevator.

"May hidden meaning ba ang mga lugar dito?" Medyo dinapuan ako ng kaba dahil sa tanong niya.

"Wala. I mean, 310C, ibig sabihin is sa third floor yun tapos tenth room tapos pangatlong building." He said casually. Anu daw?

"Ano?" Hindi siya magaling mag-explain, seryoso.

"Yung magiging room mo kako ay pangatlong building ng dorms, it's Dorm C. Tapos 3rd floor at 10th room. Gets mo na?" He asked. Pinanood niya pa ang pagtaas ng number ng elevator.

"Okay." Yun lang ang nasabi ko kase hindi pa rin malinaw ang pagkaka-explain niya. Medyo slow ako sa mga description. Tsaka sa details.

Ting!

We're already in the 3rd floor of the Dorm C. Okay, ngayon pa lang nagsi-sink in ng maayos sa utak ko yung mga pinagsasabi niya kanina.

"Anong course mo?" He asked, again. Naglalakad na siya sa hallway kaya sumunod na lang ako sa kaniya, hila hila ang dalawang maleta. Hindi man lang nag-abalang tulungan ako. Hayst! Akala niya nga pala ay lalaki ako!

"Uh BSBA, fourth year" Sabi ko na lang. Yun yung course na ibinigay sakin nung dean eh, sabi niya yun daw ang may pinaka-maluwag na sched this month. So, gora lang ako.

"Ow! BSBA, alam mo bang ngayon lang taon na to nag-open ng couses about business?" Paliwanag niya pero nasundan na naman ng out of no where na topic. "Pero Sakto! Makakasama ka sa mga gala." Hindi ko nagets. Can he elaborate? Hayst.

"Alam mo kase, ang may privilege lang na lumabas ng Heiberg tuwing weekend ay ang mga graduating students at 4th year. Yung mga lower years naman ay hindi allowed. Gets mo?" Pagpapatuloy niya. Mabuti naman at inexplain niya noh. Ang hirap kayang kunwari naiintindihan mo pero hindi pala.Tumango naman ako. Wala naman akong pake sa mga privilege chuchu na yan! Ang kailangan ko ngayon ay impormasyon tungkol kay Ababa. Pero diba graduating naman ang fourth year? Ang gulo niya.

"Pwede mag-bar?" Kung titingnan, walang masama sa tanong ko. Pero sa akin, may malalim na dahilan kung bakit ko yun tinanong.

"Syempre naman! That's the highlight pre! Sama ka sakin at sa tropa ko minsan." He said. Lumingon lang siya sa akin saglit at naglakad na ulit.

Uhuh! Mapapadali ang paghahanap ko kay Ababa kung ganoon. Ibig sabihin, maaaring 3rd or 4th year si Ababa.

I need more infos! Hindi naman pwedeng itanong ko na lang bigla dito kung kilala niya si Ababa. Baka maweirduhan siya sakin, edi lalong wala akong napala!

"Huy lutang ka na naman." Tumawa na naman siya kaya lalo akong nakaramdam ng hiya. Bakit ba kanina pa akong lutang?!

"May iniisip lang." Sabi ko sa kaniya.

"Girlfriend ba?" He asked while smirking. Porkchop na yan! Hindi talaga magandang ideya ang pagpapanggap ko na ito. Ganito pala ang feeling ng pagiging lalaki?! Ito ba yung Boys Talk na tinatawag?!

"Hindi" Tipid kong sagot. Ang bumabagabag sa isip ko eh yang si Ababa. Lintek na yan.

"Ah pre alam ko na. Namomroblema ka sa sex life mo no?" Nakangisi pa siya at tatawa-tawa habang sinasabi yun sa akin, sa mismong mukha ko pa.

"What the fuck?!" Ambastos ng bibig nito ah! O sadyang ganito lang ang bibig ng mga lalaki?! Kung ang mga babae ay masyadong bulgar magsalita sa harap ng mga tao, ang mga lalaki naman ata ay lihim mag-usap ng mga kabastusan nila?

"Wag kang mamroblema kase makakapam-babae ka pa rin naman. Makakapag-bar naman tayo tuwing weekends." Tatawa-tawa pa siya. Nagki-cringe ako sa mga pinagsasasabi nito! Parang hindi ko maimagine kung magkakaboyfriend ako at ganito ang nasa isip, puro sex!

Hindi na ako nag-salita dahil baka kung saan pa mapunta ang usapan namin. Baka tanungin niya ako tungkol sa mga makamundong bagay na hindi ko kayang sagutin! Susmiyo!  Oo walang filter ang bunganga ko pero naawkwardan pa din naman ako noh! Duh! Ako yung dalagang Pilipina na barumbado yung bunganga!

Tumigil ako sa paglilitanya ko sa aking isipan nang huminto siya sa paglalakad. Huminto na din ako sa paglalakad at tiningnan ang kaharap na pintuan.

310.

Psh. Nothing special with this room. Siguro dun sa  makakasama ko may espesyal. Grabe kase makatawa tong lalaki na kasama ko eh, wait! I don't know his name! Antagal naming nag-tanungan tapos pangalan pa ang hindi natanong?! What the?!

"Ito na yung magiging kwarto mo. Ingat ah!"  Dinugsungan niya ng nakakalokong tawa ang linyang yun.

Parang may kakaiba talaga sa makakasama ko sa kwartong to kung maka-react siya eh! Baka may split personality or something? Geez baka mamamatay tao naman! So it means hindi ako safe dito? Yahhh!!! Lord God kayo na po ang bahala sakin!

"Huy lutang ka na naman." He clapped in front of my face.

"Ah sorry." Umubo pa ako kunwari pagkatapos, naramdaman ko kasing pipiyok ako. "Salamat!" Sabi ko at ngumiti. Sinuklian niya din ako ng ngiti, pero yung akin kase may halong kaba.

"Ge, una na ko. Enjoy your stay." Okay back to his old self. May split personality ba to? Kanina napaka-jolly tapos ngayon ang seryoso. Siguro may problema to, yung tipong ipinapakita lang na masaya siya pero ang totoo hindi pala. Yan yung mga tipo na nasaktan at iniwan eh. Ganiyan ang mga broken hearted!

"Oh wait!" Nagulat ako nang bigla siyang lumingon at naglakad pabalik, ang jolly na niya ulit. Ano to? May lahi ni jollibee?

"I forgot to ask your name! What an idiot I am!" He said while laughing. Huh?! What an idiot I am? Parang mali yung pagkaka-construct nung sentence or hindi ko lang nagets kaya nahanap ako ng pagkakamali?

Pero oo nga, ang bobo nga namin sa part na yun, pero mas bobo siya, hindi ako papatalo. Hindi man lang siya nag-tanong kung anong pangalan ko eh dapat siya yung magtatanong kase dito siya nag-aaral, naka-uniform pa nga siya eh. Wala ba silang pa-welcome chuchu sa mga bagong estudyante? Ang cheap naman pala nito!

"I'm Isidro Felipe Salvador IV. Graduating Mechanical engineering student. Aha! Alam kong makaluma ang pangalan ko kaya wag mo akong tatawagin na Isidro o kaya naman Felipe! Call me Sid or Fourth." Nakataas pa ang gilid nang labi niya habang nagpapakilala, samantalang ako ay nagpipigil nang tawa dahil sa bantot ng pangalan niya! I'm a judgemental person! Hindi bagay sa mukha niya ang pangalan niya. Isidro ang potek! Hahahahaha.

"Ah Ian Castro." Umubo muna ako bago nagsalita para pigilan ang pag-tawa. Susmiyo. Inilahad ko ang kamay ko sa kaniya dahil hindi siya naglahad ng kamay. Kakaiba talaga siya.

"Yun lang ang pangalan mo?" He asked, nakakunot na ang noo. Mukhang ngayon lang nakarinig ng ganun kaikling pangalan.

"Ah Oo" Tsk. Sa ngayon Oo but my real name is Aniah Carlotta Castro Quapenco.

"Ako na lang ba talaga ang hindi nausuhan ng maikling pangalan?" Sumimangot pa siya at napakamot sa sintido. Ang cute niya porkchop! What did just I say? Cute?!

"Bakit naman?" Naguluhan din ako sa tanong niya. Hindi ko alam kung seryoso ba talaga siya sa tanong niya pero sinakyan ko na lang.

"Yung mga tropa ko kase puro walang second name. Tapos ako, nevermind." Napairap pa siya pagkatapos sabihin ang 'nevermind'. Lihim naman akong nalatawa. Punyemas na Isidro Felipe na yan. Hindi ko alam na uso pa pala ang pag-sangay or pag-sunod sa pangalan ng ninuno? Pang-apat na siya? Apo sa tuhod?

Magsasalita na sana ako para sabihin ang opinyon ko about sa kawalan ng second name pero nakasingit na agad siya. "Una na ko. Ge" Tumikod na siya samantalang ako ay nanatiling nakatayo at nahihiwagaan sa mga kilos niya.

He's talkative! Lalo na at lalaki siya, pwede siyang mapagkamalan na bakla dahil sa daldal at bilis ng pananalita niya. But, kapag seryoso siya ay napaka-gwapo naman. What Gwapo?! May sumpa na ata bibig ko! Siguro moody talaga siya. Minsan serious but most of the time ay jolly! Ewan! Hindi ko pa naman siya lubusang kilala kaya hindi ko pa alam kung ano talaga ang klase ng personalidad na mayroon siya. Malay mo masiyahin talaga siya pero minsan nagiging seryoso, baka kapag wala sa mood. No one knows!

Humarap na ako sa pintuan at kumatok ng tatlong beses.

Tok! Tok! Tok!

Wala pa ding nagbubukas. Psh. Baka wala naman talagang tao at tinitrip lang ako ni Isidro! Bwahahahaha Isidro Felipe! Ang angas ng pangalan niya!

Kumatok ulit ako pero sa pagkakataong ito mas malakas na. Kapag wala talagang nag-bukas nito hahanapin ko mamaya si Isidro at babatukan.

Kumatok ulit ako, mas mabilis at mas malakas na kumpara sa mga nauna pero nahinto ako nang biglang bumukas ang pinto at yung noo nung kaharap ko ang natuktok ko. Sheeet!

Agad kong ibinaba ang kamay ko at napapahiyang ngumiti sa kaharap ko. Hindi man lang siya ngumiti at sa halip ay tiningnan niya ako ng masama.

"Who are you?"

***

This chapter is dedicated to ate Chinelas_chin ♥️ Sinimulan ko ang chapter na ito after ko siyang maka-chat at ngayon ko lang natapos dahil sa mental block. Thank you for inspiring me Ate! Kung nababasa mo ito Thank you very much! Lovelots!

05-24-20

HOPE YOU ENJOY READING✌🏻