CHAPTER FOURTY FIVE

HUNGKAG ang pakiramdam ni Efraim kahit na nga ba katatapos lang nilang mag-usap ni Glenda through video call, makaraan ng ilang sandali nang dumating siya mula sa opisina.

Ilang araw matapos itong umalis, walang oras na hindi niya pinananabikan ang asawa, pero ito, kung bakit ang nararamdaman niya naman dito ay ang kawalang gana ng pakikipag-usap sa kan’ya sa ilang beses nilang komunikasyon sa internet. Pilit na lamang niyang ini-ignora ang naiisip kung talaga bang nagbago na ang damdamin nito sa kan’ya at wala na ang dating init ng pagmamahal nito. Ganoon pa man, uunawain na lamang niya lagi, na kung may nabago nga sa damdamin ng asawa sa kan’ya, epekto lamang iyon ng labis nitong kalungkutan dahil sa ilang beses nilang pagkabigo na magkaroon ng anak. Pansamantala lamang iyon. At iyon ang gusto niyang panghawakan.

Pinipilit niya na lang i-pokus ang sarili sa trabaho para malibang at upang makalimutan ang mga alalahaning tila tumo-torture sa kan’yang utak, pero tila mabibigo rin si