Chapter 61

HAPON na ngunit wala pa ring balak bumangon si Melisa sa pagkakahiga sa kama. Nalipasan na siya ng gutom mula almusal hanggang tanghalian. Kaya ganu'n nalang ang pag-aalala ni Roxan para sa kanyang pinsan. Kahit tanungin niya'y hindi din ito sumasagot. "Hindi kita pwedeng iwanan ng ganyan Melisa. babalik na ako maya-maya doon kila mama. Hindi ako mapapanatag kapag hindi ka pa nakakain diyan. Sige na kahit ilang subo lang." Naka ilang ulit na niya itong yayain ngunit nanatili pa din siyang walang kibo. Wala siyang sinisi sa nangyari maliban kay Albert. Mahirap kasi talaga ang subrang bait kaya na-aabuso din.

"Ate." Tawag ni Melisa kay Roxan.

Agad tumindig siya upang lapitan ang dalaga. "Ano 'yun Melisa?" Tanong na nito.

"Uuwi po ako mamaya sa San Diego. Doon muna ako kila inay." Mahinang tugon ni Melisa.

"Eh paano 'yan wala kang makakasama sa iyong pag byahe. Baka kasi maisipan mong tumalon sa eroplano." Sagot ni Roxan na may halong kaba para sa pinsan.

Umiling ng ilang ulit si Melisa