II: AFTER LAUGHTER COMES TEARS

"YOU'RE so pretty in your white wedding dress, Allona! I still can't believe you're getting married na."

Naluluhang pagpupuri ng kaibigan kong si Desiree sa akin. Since senior high school ay magkaibigan na kaming dalawa at hanggang ngayon na isa na siyang doctor at ako naman ay isang architect ay matibay pa rin ang pagkakaibigan naming dalawa.

"Iiyak ka na naman, Desiree. Yung make up ko sabi eh, talaga masasayang 'to!"

Pananaway ko rito habang tumitingala dahil pinipigilan ko rin ang maluha. Parehong mababaw ang mga luha naming dalawa kaya ayaw ko itong makitang umiiyak ngayong araw ng kasal ko dahil paniguradong masisira ang make up ko.

"Hay nako, Desiree. Huwag muna nga kayong mag-iyakan dalawa at mahuhulas agad ang make up niyang si Allona. Alam mo namang isa pa 'yang balat sibuyas, sobrang bilis maiyak."

Pananaway sa aming dalawa ni Mommy at nag-abot ito ng tissue sa amin dahil patulo na talaga ang luha ko habang si Desiree naman ay gusto na atang humagulgol sa harapan ko.

"Ate, ikakasal ako ngayon, hindi ililibing kaya tantanan mo na 'yang pag-iyak!"

Pagbibiro ko kay Desiree para tumahan na ito at natawa naman ito sa akin bago nagpunas ng mga luha sa kaniyang mukha.

"Hindi kayo nakinig sa akin ni Jago kagabi, 'no?"

Bulong sa akin ni Mommy nang makalapit ito sa akin kaya naman kinakabahan akong tumawa bago sumagot dito.

"Hehe, bakit po, Mommy?"

"Susuway na nga lang kayo niyang si Jago sa akin, eh nag-iwan pa talaga kayo ng ebidensya. Mabuti na lang at magaling ang make up artist na hinire mo ngayong araw at natakpan niya 'yang mga h*ckeys mo sa leeg. Para kang pinapak ng mga malalaking lamok kagabi diyaan!"

Gigil na gigil na pagpapaalam ni Mommy sa akin at kinurot ako nito sa aking tagiliran kaya naman napanguso na lang ako rito.

"Si Jago kasi, Mommy..."

"Asus, si turo ka na naman! Eh, halatang nag-enjoy ka rin naman kagabi!"

"Mommy naman, eh!"

"Bakit? Hindi ba totoo?"

"Oo, nag-enjoy pero nakakahiya pa rin siyempre."

"Sus, nahihiya raw pero rinig na rinig namin sa kwarto 'yang mga halinghing mo kagabi!"

Pagbibigay alam muli ni Mommy sa akin kaya naman nanlaki ang mga mata ko sa sinabi niya. Nakakahiya, naririnig pala nila kami kagabi?!

"Weh?! Hala, nakakahiya naman!"

"Susugod na nga sana ang Daddy mo sa room mo kagabi. Pinigilan ko lang kasi pinaalala ko rin sa kaniya kung gaano kami kapusok dati nung ka-edad niyo kami..."

Natatawang usal nito sa akin kaya naman natawa rin ako sa sinabi ni Mommy.

"May pinagmanahan naman pala ako?"

Pagbibiro ko kay Mommy kaya naman pinalo ako nito sa braso para patigilin akong magsalita.

"Okay, let's take a photo po with the bride!"

Dumating ang isang photographer at inaya nito sila Mommy at Desiree na magpa-picture sa akin. Matapos ang picture taking namin ay lumabas na ang mga ito para mauna na sa loob ng simbahan.

"Bride entrance na po, Ma'am..."

Ilang sandali pa ay tinawag na rin ako ng event organizer dahil nagsisimula na ang kasal naming dalawa ni Jago at papasok na ako sa pintuan dahil malamang ako ang bride.

"Please welcome, the beautiful bride, Allona Isla Avellino!"

Narinig kong pagpapakilala sa akin mula sa loob ng simbahan bago marahang nagbukas ang pintuan ng simbahan. Napabuga ako ng hangin dahil sa kabang nararamdaman ko bago magsimulang maglakad papasok sa loob.

"Gusto mo pa bang umatras, anak? You don't have to do this if ayaw mong pakasalan si Jago. Ako ang bahala sa'yo. Daddy will take care of everything, sabihin mo lang."

Biglang pagsasalita ni Daddy habang inaakay ako nito sa paglalakad papunta sa harap ng altar kaya naman natawa ako sa kaniya.

"Atras na ba ko, Dad? Ikaw na ba ang bahala kay Jago kapag nag-tantrums 'yan at hinanap ako?"

"Pabayaan na natin 'yang si Jago. Iwan mo na 'yan ngayon, tara na?"

Pag-aaya nito sa akin kaya naman tawang tawa ako habang naglalakad kaming dalawa palapit sa altar. Nakarating kami sa harapan ni Jago na kitang kitang kong kabado habang inaalok ang kamay niya sa akin.

Bago ko abutin ang kamay ni Jago ay yumakap muna ako kay Daddy upang magpasalamat dito. Pinigilan ko ang mga luha ko na kanina pa gustong maglandas sa mga pisngi ko.

"Hoy, huwag ka ngang umiyak, Allona! Ang panget mo na nga diyaan tapos iiyak ka pa. Huwag mong pahirapan yung mga photographer mag-edit ng mga pictures mo!"

Biglang sita sa akin ng nakatatanda kong kapatid na si Kuya Alistair kaya nama napatingin ako rito. Mabilis na tinampal ng asawa niyang si Ate Marielle ang bibig niya dahil malakas ang boses nito nang magsalita ito.

Nagtawanan ang mga bisitang nakarinig sa kaniya kaya naman lalapit na sana ako rito para patulan siya pero pinigilan ako ni Daddy kaya naman dinilaan ko na lamang ito.

"Tignan mo nga 'yan, Jago. Gusto mo ba talaga pakasalan 'yang kapatid ko? Kawawa ka diyaan! Umatras ka na habang maaga pa!"

Hirit pa nito kaya naman mas nagtawanan ang mga bisita namin kaya pumatol na ako kay Kuya Alistair.

"Ate Marielle, may kakilala akong divorce lawyer. Ire-refer na agad kita pagkatapos nitong kasal ko para hiwalayan mo na 'yang kuya ko!"

"Huy! Huwag kasi! Huwag kang makinig diyaan kay Allona, Honey!"

Biglang angal ni Kuya Alistair sa mga sinabi ko kaya naman nanahimik na ito sa kinauupuan niya. Napailing na lamang si Daddy sa aming dalawa at saka mabilis na ibinigay ang kamay ko kay Jago kaya naman napanguso ako.

"Kanina sabi mo umatras na ako, Daddy. Bakit parang binibigay mo na agad ako kay Jago ngayon?"

"Huwag ka na pala umatras sa kasal, anak. Mas mabuting si Jago na lang pala ang pumuti lahat ng buhok kakaintindi sa'yo. Best wishes to both of you."

Nagmamadaling sagot ni Daddy sa akin at napaawang na lamang ang bibig ko nang mabilis itong tumalikod sa akin. Si Jago naman ay walang ibang ginawa kung hindi ang pagtawanan ako.

"Tawang tawa?"

"Sorry, baby. Tawang tawa ako kasi gusto ko nang mag-asawa."

Kaagad itong umayos nang tayo at tumigil na sa pagtawa nang punahin ko ito. Ngumuso na lamang ako at saka humarap na sa pari upang masimulan na ang kasal naming dalawa ni Jago.

"Smile na, Isla. Baka isipin ng mga tao, ayaw mo talagang maikasal sa akin ngayon."

Bulong sa akin ni Jago habang may isang magandang ngiti sa labi nito kaya naman napangiti na rin ako at nagsimula na namang maluha.

"I love you so much, Jago..."

"I love you more than you'll ever know, Isla..."

"I now pronounce you husband and wife. You may now kiss the bride!"

Anunsyo ng pari matapos ang seremonya kaya naman humarap ako kay Jago. Marahan at maingat nitong inangat ang white veil ko.

Ngumiti ito sa akin bago ako nito halikan nang puno ng pagmamahal. Humarap kami sa mga bisita at nagpalakpakan ang mga ito.

"I actually want to tell you something, Jago..."

"What is it, wifey?"

Malambing na tawag nito sa akin kaya naman ngumiti ako rito at inabot muli ang labi nito para halikan ulit ito.

"I'm three months pregnant."

"R-rally?"

Gulat na usal ni Jago sa akin at napahiyaw ito sa saya dahil sa nalaman niya. Sila Mommy naman ay takang taka bakit biglang napahiyaw si Jago.

"Isla is three months pregnant! We're having a baby!"

Anunsyo ni Jago sa kanila kaya naman mas lumakas ang hiyawan ng mga tao sa paligid namin. Muling malambing na yumapos si Jago sa akin at humalik ito sa labi ko.

"Finally, we're married now, Jago..."

"I'm so happy to be with you, my wife, Isla..."

*********

AFTER FOUR MONTHS...

"Bakit ang seryoso mo naman, Desiree?"

Kinakabahang tanong ko sa kaibigan ko nang pumasok ito sa kwarto ko rito sa ospital. Si Desiree ang naging Ob-gyn ko. Nandito ang buong pamilya ko sa loob at si Jago naman ay hawak hawak ang kamay ko.

"Hindi ba at sabi mo, normal lang ang bleeding sa pagbubuntis ko dahil sa manipis ang uterus lining or endometrium ko?"

Pagtatanong ko kay Desiree pero huminga ito nang malalim at tumingin sa mga mata ko. Nakita ko ang mga naluluhang mata nito kaya naman napatulala ako sa kaniya.

"I'm sorry to tell you, Allona... Your baby is gone. You just have had a miscarriage..."

Malungkot na pagpapaalam ni Desiree sa akin at parang nabingi ang dalawang tenga ko sa sinabi nito sa akin. Nag-iyakan sila Mommy nang marinig ang balita mula kay Desiree. Humigpit ang hawak ni Jago sa mga kamay ko at niyakap ako nito para pakalmahin.

"S-si baby, Jago... A-ang baby natin... N-no..."

Paghagulgol ko sa dibdib ni Jago at nagpatuloy lamang ito sa pag-alo sa akin habang siya mismo ay hindi na rin matigil sa pag-iyak. Nilukob ng dilim at lungkot ang buong sistema ko sa balitang wala na ang anak ko.