V: ISLA'S ABDUCTION

ISLA'S POV

"ANAK, you don't have to tell me everything pero pwede bang libangin mo naman 'yang sarili mo? Maglilinis lang ako rito sa kwarto mo..."

Pagkausap sa akin ni Mommy at dinig ko sa boses nitong hindi na nito alam ang gagawin sa akin.

"Ayoko pong lumabas, Mommy. Gusto ko lang pong matulog..."

"Allona, baka masanay ang katawan mo sa ganiyang lifestyle. Lumabas ka naman ng bahay, anak. Mag-unwind ka muna o kaya mag-shopping..."

"Wala po akong ganang gumalaw, Mommy. Let me just sleep for the rest of the day po."

"Hay nako, ang tigas talaga ng ulo mo. Kapag ikaw hindi ka lumabas within this day, papayagan ko na talagang umakyat si Jago rito sa kwarto mo once na bumisita ulit siya rito!"

Inis na usal sa akin ni Mommy at saka ito lumabas sa kwarto ko kaya naman napatayo na ako mula sa pagkakahiga.

"Ayoko ngang lumabas, eh..."

Nakangusong angal ko dahil wala talaga akong ganang gumalaw at lumabas matapos ang nangyaring pagtatalo naming dalawa ni Jago.

Wala naman akong choice kung hindi mag-asikaso para lumabas dahil baka totohanin talaga ni Mommy ang sinabi niya kanina.

Magpupunta na lang ako saglit sa mall para bumili ng triple chocolate cake dahil gusto kong kumain nito ngayon. Gusto kong kumain ng matamis na pagkain para hindi naman puro alat o luha ang nasa sistema ko.

Naghanap na agad ako ng maisusuot sa wardrobe ko dahil hindi naman tinapon ni Mommy ang mga natira kong damit dito sa kwarto nang mag-move out ako.

Matapos makapili ng damit ay kaagad na akong pumasok sa banyo para maligo na dahil ilang araw na rin akong walang ligo dahil panay lang tulog ang ginagawa ko nitong mga nakalipas na araw.

"Ang baho ko na pala talaga..."

Nasusukang usal ko sa aking sarili dahil nang amuyin ko ang buhok ko ay iba na ang sipa ng amoy nito. Napakamot na lamang ako sa aking ulo dahil ganito talaga ang coping mechanism ko sa tuwing may pinagdaraanan ako, ang mag-bed rotting.

"Hay, salamat! Ang presko na ng pakiramdam ko!"

Naiusal ko na lamang sa aking sarili matapos akong maligo. Tumingin ako sa orasan at doon ko lang nalaman na halos tatlong oras na rin pala akong naliligo sa loob ng banyo.

Ibinabad ko kasi ang buong katawan ko sa bath tub para ma-relax ang katawan ko kahit papaano. Hindi ko na namalayan ang oras dahil nalilibang ako sa pagkukuskos sa buong katawan ko.

"Oh, sa wakas at natapos ka ring maligo! Sisilipin na sana kita at baka pati sa banyo, eh nakatulog ka na."

Naiusal na lang ni Mommy sa akin nang madatnan ako nitong nagpapatuyo ng buhok sa harap ng vanity table ko.

"What happened ba between you and Jago, anak?"

Malambing na tanong nito sa akin at kinuha sa kamay ko ang blower para siya na ang gumawa nito para sa akin.

"We argued so hard that night..."

Naisagot ko na lamang kay Mommy at pinatay muna nito ang blower na hawak niya at saka tumingin sa akin.

"I know you're not the type of person who leaves in the middle of the conversation. Bakit umalis ka sa bahay niyo ni Jago? Did he hurt you?"

Mommy knew me so well. Alam nitong hindi ako umaalis kapag may kausap o ka-diskusyon dahil hindi mapapanatag ang loob ko kapag hindi nare-resolba agad ang problema o yung pinag-uusapan namin.

"No, Jago never laid his hands on me. I-i said a lot of mean things to Jago... I'm so hurt because of how bad our relationship is going and... I-i told him I want to get divorce..."

Nangangatal na pagpapaliwanag ko kay Mommy at hindi ko na naman naiwasang maiyak dahil bumabalik sa isipan ko ang nangyaring alitan namin nung nakaraang gabi.

"Oh, my baby..."

Mommy softly hushed me and I couldn't help but to let out the sobs I have been trying to stop.

"I hope you both will conquer this one... Take your time and just breathe first. But I hope you'll talk to Jago, anak ha? Do not abandon him like this. You know you're the only person he has..."

Mommy calmly said to me. Naiintindihan ko ang gusto nitong sabihin sa akin at alam kong hindi rin makakabuti ang patuloy na pag-iwas ko kay Jago.

"I think it's okay if you will rest just for today..."

"I-i want to go outside, Mommy... May gusto po sana akong bilhin sa mall. I want to buy cakes..."

Pagpapaalam ko kay Mommy dahil gusto kong bilhan si Jago ng paborito niyang burnt basque cheescake.

"Okay, I'll make Manong Zaldy prepare the car for you. Mag-iingat ka, ha? I have something to do and I can't go with you today."

Malambing na usal ni Mommy sa akin at humalik ito sa ulo ko bago lumabas sa kwarto ko. Itinuloy ko na ang pag-aayos sa aking sarili para makaalis na kaagad ako.

Matapos akong mag-ayos at nagmukha naman akong tao kahit papaano kaya bumaba na agad ako para makapunta na ako sa mall.

"Saan po tayo ngayon, Ma'am Allona?"

Nakangiting tanong sa akin ni Manong Zaldy, ang pinakamatagal na naming driver. Elementary pa lang yata ako ay ito na ang naghahatid at sundo sa akin sa school.

"Sa mall po sana, Manong Zaldy..."

"Okay po, Ma'am."

Masigasig na sagot nito sa akin at pinaandar na ang sasakyan. Tahimik lamang ako buong biyahe at nakatitig lamang ako sa labas ng bintana dahil ngayon na lang ulit ako nakalabas ng bahay.

"Nandito na po tayo, Ma'am..."

Pagbibigay alam sa akin ni Manong Zaldy kaya naman binuksan ko na ang pintuan ng sasakyan para makalabas na ako.

"Pahintay po sana ako, Manong Zaldy... Saglit lang po ako sa loob."

"Okay po, Ma'am..."

Matapos kong magpaalam ay pumasok na agad ako sa loob ng mall. Inilibot ko ang paningin ko habang papunta ako sa store na pagbibilhan ko ng mga cakes.

"Hala, naka-sale pala 'to..."

Pumasok ako sa store ng paborito kong make up brand at nakita kong naka-50% off ang gusto kong bilhin na lipstick galit dito. May nagaganap pa lang anniversary sale kaya malaki ang discount na ino-offer nila sa mga products nila.

Kinuha ko ang shade na gusto ko para subukan ito sa labi ko at para malaman kung bagay ba sa akin ito. Napangiti ako nang makitang bumagay sa mukha ko ang kulay ng lipstick.

"Bagay po sa inyo yung color ng lipstick, Ma'am. Lalo po kayong naging maputi...

Pagkausap sa akin ng isang sales lady at ngumiti ako rito. Kumuha ako ng isang sealed ng lipstick shade na gusto ko at nagpunta ako sa counter para bayaran 'yon.

"Finally, nabili na kita..."

Masayang sambit ko habang nakatingin sa paper bag na hawak ko dahil matagal ko na talaga itong gustong bilhin at nagdadalawang isip lang akong bilhin ito. Mabuti na lamang at lumabas ako ngayong araw dahil last day na rin ng anniversary sale nila.

Umakyat na ako sa second floor kung nasaan ang store ng mga cakes and pastries. Muling nagningning ang mga mata ko nang makita ko ang iba't ibang cakes na naka-display.

"Hi, can I have one burnt basque cheescake, one triple chocolate cake, and uhm..."

Inilibot ko pa ang paningin ko para hanapin kung meron ba sila nung paboritong kainin ni Manong Zaldy.

"And one brazo de mercedes po..."

"Okay, Ma'am... That would be 2,450 pesos po..."

Inabot ko ang card ko sa cashier para makabayad na sa mga cakes na binili ko. Pinaghintay ako nito ng ilang minuto para mabalot niya ang mga ito at ibinigay na sa akin nang matapos.

"Dami pala nito..."

Natatawang pagkausap ko sa aking sarili dahil nahihirapan akong balansehin ang mga cake at baka masira ito sa loob ng cake box.

Kaagad akong dumiretso palabas ng mall at nagpunta na sa parking lot kung saan naghihintay si Manong Zaldy sa akin.

"Manong Zaldy, binilhan kita nitong favorite mo cake mo..."

Iniabot ko kay Manong Zaldy ang box ng brazo de mercedes at lumawak ang ngiti nito sa akin bago nito abutin ang box.

"Naku, nag-abala ka pa, Ma'am... Salamat po rito..."

Ngumiti ako rito bilang sagot at pinaandar na nito ang sasakyan. Habang binabaybay namin ang daan ay biglaang napahinto si Manong Zaldy kaya naman nagulat ako. Mabuti na lamang at naka-seat belt ako dahil baka tumilapon ako sa harapan kung hindi.

"Bakit po, Manong Zaldy? Ano pong problema bakit huminto tayo?"

"Teka lang, Ma'am. May humarang po kasing puting van sa harapan natin..."

Tinanggal ni Manong Zaldy ang seat belt niya at akmang lalabas na sana ito ng sasakyan pero pinigil ko ito.

"Saan ka po pupunta?"

"I-che-check ko lang po sana, Ma'am... Baka nasiraan lang po sila at kailangan ng tulong."

Binitawan ko ang kamay ni Manong Zaldy para makalabas na ito ng sasakyan. Pinanood ko itong makalakad papalapit sa puting van.

Lumabas ang driver ng van para kausapin si Manong Zaldy kung ano ang nangyari sa kanila pero hindi ko sila marinig dahil nasa loob ako ng sasakyan.

Napagdesisyunan kong lumabas ng sasakyan nang makita kong kumakamot sa kaniyang ulo si Manong Zaldy habang kausap ang isang lalaki. Mukhang malaki ang problema ng sasakyan nila.

"Anong pong nangyari sa sasakyan niyo?"

Pagtatanong ko pagkalapit ko sa kanilang dalawa. Umiwas ng tingin si Manong Zaldy sa akin kaya naman kumunot ang noo ko.

"Sorry po, Ma'am..."

Paghihingi nito ng tawad sa akin kaya naman nagtaka ako rito. Nang akmang magtatanong na ako rito kung bakit ay biglang bumukas ang pintuan ng van at nagsilabasan ang ilang kalalakihan.

Napaurong agad ako at tatakbo na sana pero nahawakan ako sa kamay ng isang lalaki at kaagad na tinakpan ang bibig ko para hindi ako makasigaw.

Pagkahinga ko ay may nalanghap akong amoy na nagmumula sa panyo, alam kong chloroform 'yon. Ito ang naging dahilan para magsimulang umikot ang paningin ko at mawalan ako ng malay.

'Anong nangyayari?! Bakit ako gustong kidnappin ng mga ito?! Kasabwat ba nila si Manong Zaldy kaya humihingi ito ng tawad sa akin?'

Bago ako mawalan ng ulirat ay napadasal na lamang ako sa Diyos na sana ay walang mangyaring masama sa akin. Isang tao lamang ang pumasok sa isipan ko bago ako tuluyang mapapikit at mawalan ng malay.

'Jago, help me...'