Chapter 25

"What's my schedule today?" Agaw pansin niya sa sekretarya na tila lutang at nakatingin lang sa kawalan habang nakasunod sa kanyang likuran. Nabunggo tuloy ito at naging mailap ang mga mata nang makitang nilingon niya ito at nakatingin siya rito. 

Kakapasok niya pa lamang sa building nang makita niya itong papunta sa kanyang direksyon na tila sadyang inaabangan talaga ang kanyang pagdating. Medyo na late kasi siya ng kaunti dahil hindi niya alam na nakasilent mode pala ang alarm ng cellphone niya. 

Hinintay niya na ibuka nito ang bibig para magsalita pero ilang segundo pa muna ang lumipas bago nito nahamig ang sarili. 

"Si Miss Leilani po kasi, narito siya ngayon!" sabi nito at napayuko. "Sorry po talaga sir. Eh kasi po, idol ko po talaga siya at hindi ko po alam kung anong magiging reaksyon nang makaharap ko siya kanina at nagtanong kung nasaan po ang opisina ninyo."

Siya naman ngayon ang biglang hindi makapagsalita agad nang marinig ang s