Chapter 23

CALLI

NASUNDAN ko ng tingin ang helper ni Logan na nag-aayos ng lamesa para sa lunch ko. Parang fiesta na naman ang pinahanda niyang pagkain.

Busog pa nga ako dahil late na kaming nakakain ng breakfast kaya wala pa akong gana na kumain. Alas dose pa lang ay may pagkain na agad na hinahanda para sà lunch. Balak yata akong patabain ni Logan kaya ganito kadami ang pagkain ko palagi.

Nilapitan ko si Jobel, ang kanyang helper. Pinagmasdan ko muna ang ginagawa niya. Kumapit din ako sa sandalan ng upuan at sinusundan ko ng tingin ang bawat kilos niya.

“Uhm... Jobe,” Panimula ko. Nag-angat siya ng tingin sa akin, at agad naman akong ngumiti sa kanya.

“Bakit po, Ma'am?”

“Next time pwede bang konti na lang i-serve mong pagkain sa akin? Hindi kasi ako malakas kumain. Nasasayang lang. Madami pa namang bata ang nagugutom,” saad ko at sabay tingin sa mga pagkain.

Napakamot siya ng ulo. “Naku, Miss Calli, pasensiya na. Kami po kasi ang mapapagalitan ni Sir Logan kapag konti ang dinala namin na pa