CHAPTER 18 - WHITE LIE

Nanlulumo na sumandal si Adira sa sariling swivel chair sa loob ng kanyang opisina habang nakatingin sa mga pictures nila ni Anthony. College days nang kinuhanan sila ng pictures. Hindi nga lang halata na lumang pictures dahil maganda ang pagkaka-edit. Parang kinuhanan sila ngayong buwan lang. Naglalaro sila noon ng kasal-kasalan at sila ang napagtripan ng mga kaibigan. Hindi na siya magtataka kung paano ito nakuha ng Kuya niya at pinabago.

“Kaya kita pinuntahan dito dahil sa mga pictures na ‘yan.”

Napatingin siya kay Anthony nang marinig ang sinabi nito. “Paano mo naman nalaman na nandito ako?”

“Kailangan ko pa bang sagutin yan? Sino lang ba ang nakakaalam na nandito ka?” Nakangiting sagot ng binata. “Gusto rin naman ng Kuya mo na ipaalam sa’yo ang ginawa niya para hindi ka magulat. So, Paano ngayon ‘yan? Naniwala talaga si Karim na, mag-asawa na tayo.”

Muli niyang inilipat ang tingin sa mga pictures nilang dalawa ni Anthony. Mukhang kasabwat pa ng Kuya niya si Anthony kung bak