CHAPTER 17 - BACK TO ENDLESS WOMEN

“Si Adira?”

Umiwas ng tingin si Sherwin nang marinig ang tanong ng boss niya. Dalawang araw itong natulog dahil sinadya niyang hingin sa doctor na patulugin muna ito. Alam kasi niyang kahit masama pa ang pakiramdam nito, hahanapin pa rin nito ang asawa. Hindi nga siya nagkamali dahil siningil na siya ngayon.

“Sherwin,” muling tawag ni Karim sa alalay.

“Ang mommy at Daddy mo tumawag. Kinakamusta ka.” Iba ang sinagot niya.

“Si Adira ang tinatanong ko sa’yo. Bumisita ba siya sa akin?” Halata ang pagtitimpi ng galit sa boses ni Karim.

“Si Miss G. bumisita rito kanina..Sandali lang muna siya lumabas, pero babalik—”

“Where is my wife!? Goddammit!”

Tumigil ang pagsasalita ni Sherwin dahil sa biglaang pagsigaw ni Karim. Bumangon na ang kanyang boss mula sa stretcher bed nito at plano na tumayo.

“Wala na siya boss. Umalis na!” pasigaw din na sagot ni Sherwin dahilan upang mapabalik si Karim sa pag-upo sa stretcher bed niya.

Matagal niyang tinitigan si Sherwin upang hanapin sa mga mata nit