Chapter thirteen

Chapter thirteen

LANCE

Ang tagal niya sa banyo, baka tinakasan na ako? Hindi ko tuloy maubos itong pagkain ko dahil silip ako ng silip sa may banyo.

Tumayo na ako at pumunta sa harap ng banyo para sa babae kaso nga lang hindi ako makapasok, mga ilang minuto pa ay lumabas na siya at nagpupunas ng bibig.

“Anong nangyari?”

“Wala ito.”

Dumiretso siya sa may table namin kaya sumunod na lamang ako sa kaniya, napabuntong hininga pa siya habang ako? Inubos ko na yung kinakain ko habang siya? Buo pa ang ulam pero yung kanin kalahati lang.

“Ano bang nangyayari sayo?” pinilit niyang ngumiti at sinabing wala naman daw ayaw niya lang ng amoy dito sa fast food kaya daw siya naduwal. “Sigurado kang ayos ka lang?”

“Oo naman.”

Binilhan ko siya ng tubig dahil naubos niya yung dala niyang tubig, nagtataka ako sa kinikilos niya parang may kakaiba.

Ayaw niya ng amoy sa fast food na pinuntahan namin? Pero palagi kaming nagdadate doon noon. Nakapagtataka talaga siya, hindi ko naman siya matanong ng matanong