Kabanata 18

"Heyy.. gising"

Nakaramdam ako nang pagyugyog sa aking braso akala ko ay nananaginip ako ngunit nang imulat ko ang mga mata ko ay nakatunghay si Knee Yoz sa akin.

"Anong ginagawa mo dito?" tanong niya. Umayos ako nang upo at umiwas ng tingin.

"Anong oras na?"

Tumingin ako sa paligid at mababa na rin ang araw. Nakatulog na ako sa paghihintay sa kanya.

"Mag-aalas cuatro na," sagot niya at umupo sa aking tabi. "Birthday ng kapatid mo bakit ka nandito sa bundok?"

Kailangan ko bang sagutin ang tanong niya? Umalis ako roon dahil naiinggit ako