Chapter 12

"Jay, tungkol sa sinabi mo kahapon. Totoo ba na hinalikan ka ni Lorenzo?" seryosong tanong ni Thomas. Tinignan ko ng masama si Thomas kasi pinaalala pa niya sa akin ang nangyari kahapon.

"Unfortunately, yes," sabi ko at itinuon ang tingin ko sa anime movie na pinanood namin. Narinig ko naman ito na napabuntong-hininga.

Oo nga pala lumipat sila rito kahapon. Bilin daw ni papa sa kanila ang dahilan kung bakit sila nandito.

"Saan banda ka niya hinalikan?" tanong ni Nate na nasa tabi ko lang habang nakatotok din ang mga mata sa pinanood namin habang kumakain ng cookies na ginawa ko kanina.

"Sa gilid ng labi ko," sabi ko at halos madurog na ang cookies na hawak ko dahil sa inis. Hindi man lang ako nakaramdam ng hiya ng sinabi ko iyon sa kanila kundi inis.

"I think he is still in the cage of past," suhestiyon ni Thomas na nagpakuha ng atensyon ko.

"Anong ibig mong sabihin, Thomas?" tanong ko dahil nalilito ako sa pinagsasabi niya. Umiwas naman siya ng tingin kaya si Nate ang tinignan ko. Nap