Chapter 48

Dalawang araw na ang nakalipas simula ng inimbitahan ni Lorenzo si Jay sa kaniyang tinitirahan. Dalawang araw na rin ang nakalipas na hindi na nakakatawag si Lorenzo sa kanya. Ang huling tawag ni Lorenzo sa kanya ay may emergency misyon siya na kailangan ng aksyon. Tinanong ni Jay kung kailan ito matatapos ngunit hindi nagbigay ng sagot si Lorenzo.

Ngayon ay nasa loob siya ng office habang ginagawa ang trabaho niya. Habang tinitignan niya isa-isa ang mga dokyumento na nasa harap niya ay napapatingin siya sa kanyang cellphone na nasa ibabaw ng mesa.

Umaasa si Jay na tatawag o mag t-text si Lorenzo sa kanya. Napansin naman ito ng mga kasamahan niya na palagi siya tumitingin sa cellphone niya.

Biglang bumukas ang pinto at napalingon si Jay at umaasa na si Lorenzo ang pumasok sa office pero ang ngiti sa mukha niya ay nawala ng hindi si Lorenzo ang pumasok sa office.

“Jay!” tawag ni Marinette ng makita niya si Jay. Siya ang pumasok sa office. Lumapit si Marinette sa kanya ay niyakap ng mah