Kabanata 17.2

Ngumiti ito saka kinuha sa paanan niya ang mahabang itim na bag ng sniper saka pasimpleng bumaba ng BMW para maghanap ng magandang lugar kung saan niya madaling mahanap ang sniper. Napangisi si Luisa Mission nang makita niya ito sa taas ng maliit na gusali. Naghanap siya ng madaling ruta patungo sa taas nang ‘di niya namamalayan. Patuloy lang ito sa pagbaril sa mga kasamahan niya kaya abala ito at malaya siyang nakakagalaw na lingid sa kaalaman ng sniper. Dumaan siya sa fire exist hanggang makarating sa itaas ng gusali na mahinahon para ‘di maagaw ang atensyon nito. 

Nang makalapit ito sa isang lalaking nakasuot ng itim at may hawak na sniper na nakatitig sa telescope, napangisi si Luisa at kinuha ang manipis na tansi na ginagamit sa pangingisda at mabilis na nilagay sa leeg ng lalaki at sinakal niya ito nang napakahigpit.