XVI

“CAN WE TALK?”

Gulat siyang napalingon kay Kristie na naka-chin up at crossed arms. All of their presentation was already approved by Sir Spade. Tuwang-tuwa pa ito nang ma-realized daw nito na may mga talented employees pala ang Brooch. Masyado kasing nakaasa ang CEO sa mga head ng iba't-ibang department at wala na itong ibang inasikaso kung ‘di ang mga nakabinbin na investments at partnership local and overseas.

“N-Ngayon na po ba?” Kunwari ay kabado siya sa presensya nito. Pero sa loob-loob niya ay gusto na niya itong pagtaasan ng kilay.

Sila na lang ang nasa conference room. Nauna nang lumabas ang iba right after the meeting. Tinapos lang niya ang ibang suggestions ni Sir Ace at Sir Spade para sa music festival. Mukhang hinintay lang ni Kristie ang pagkakataon na mapag-isa sila nito sa loob.