XV

“HOY, DAY! BA'T ISANG box na lang 'to?” tanong pa sa kaniya ni Stephen na nakasilip sa loob ng paper bag habang tinutunton nila ang daan papuntang elevator.

Natapos ang lunch nila na puro panunukso sa kaniya kay Sir Ace. Nahihiya na nga siya sa lalaki na wala nang ginawa kung ‘di ang maki-ride on sa kalokohan ng mga kasama niya. Buti na nga lang ay tinawagan ito ni Sir Spade. Mukhang urgent talaga ang kailangan nito base na rin sa sinabi ni Kristie kanina.

“Kinain ko kanina sa biyahe. Nagutom ako, eh.”

“Naku! Kung ako ang kasama ni sir kanina ay malamang hindi na ako makakaramdam ng gutom,” palatak pa ni Stella. “Tingnan mo naman, itsura at katawan pa lang busog ka na.”

Napangiwi siya nang sang-ayunan pa ito ng mga kasama. True, gwapo naman talaga si Sir Ace.