“Mahigit isang buwan mula noong umakyat kayo ng bundok pero hanggang ngayon hindi pa rin nakikita ang bangkay ni Larry,” pag-aalala ni Claire habang nakahiga sa kama na katabi si Nathan.
“Pumunta ka ba dito sa condo ko para sabihin lang iyan? Iniisip mo bang buhay pa si Larry at bigla na lang magpakita sa atin,” sagot ni Nathan habang hawak ang cellphone.“Baka nakalimutan mo na ako mismo ang tumulak sa kanya. Kitang-kita ko kung paano siya nahulog sa bangin at sinugurado ko iyon dahil ayaw ko na siyang mabuhay para tuluyan na kitang maagaw sa kanya.”“Nararamdaman ko naman iyon kung gaano mo ako kamahal. Hindi lang talaga mawala ang takot ko na baka itong nararanasan natin na kaligayahan ay hindi magtagal,” sagot ni Claire na halatang nag-aalala.Inilapag ni Nathan ang hawak na cellphone matapos nitong makita na nalulungkot si Claire pagkatapos ay humarap kay Claire hinawakan ang mukha at iniharap sa kanyang mukha. Dahan-dahan niya itong hinalikan sa labi.Nawala ang lungkot at pag-aalala ni Claire na nakita sa kanyang mukha. Hindi ito nagpatalo at gumanti ng halik kay Nathan.Halos ilang minutong naglapat ang kanilang mga labi hanggang sa gumala ang dalawang kamay ni Nathan papunta sa malulusog at mapuputing dibdib ni Claire. Hinimas ni Nathan nang dahan-dahan dahilan upang mas lalong magustuhan ni Claire ang ginagawa sa kanya.Mabilis na umandar ang gabi sa pagitan nila Nathan at Claire na halos pinagpawisan ang buong katawan sa loob ng malamig na kuwarto.***Samantala sa mansyon ng mga Evangelista.Nagising si Don Rafael ng 2:30 AM nang madaling araw sa sobrang pag-aalala sa anak nitong si Larry maya-maya pa ay nanikip ang dibdib nito.“Margareth! Margareth!” ginigising ni Don Rafael ang kanyang asawa habang nakahawak ang kanang kamay sa dibdib.Lingid sa kaalaman ni Don Rafael gising na pala sa oras na iyon si Donya Margareth at alam kung anong nangyayari sa kanya. Nagkunwari lang itong tulog at parang walang naririnig kahit nahihirapan ang asawa.Ilang minuto pa ang lumipas nang mapansin ni Donya Margareth na tumigil na sa pagsasalita si Don Rafael doon lang niya naisip na tuluyan nang tumalab ang gamot na ipinainom nito sa asawa. Doon lang niya naisip na itigil na ang pagkukunwaring tulog.Upang hindi mapaghinalaan ay nagpanggap itong natataranta habang nagsisigaw sa paglabas ng kuwarto habang tinatawag ang mga kasamahan sa bahay.Maya-maya ay lumabas ang personal at pinagkakatiwalaang driver ni Don Robert na si Mang Rudy.“Rudy! Rudy! Buti nagising ka agad!” sigaw ni Donya Margareth na sanay na sanay na sa pagkukunwari na parang may malasakit sa asawang inatake.“Madam, ano po ang nangyari?” tanong ni Rudy habang nakasuot pa ito ng pantulog at halatang nagulat sa pagkakagising.“Bilisan mo inatake si Rafael dalhin natin siya sa ospital!” utos ni Donya Margareth.Hindi na nagdalawang-isip si Rudy mabilis itong tumakbo at inihanda ang sasakyan na gagamitin saka nito binalikan si Don Rafael sa kuwarto upang akayin para maisugod sa ospital.***Ilang oras ang dumaan matapos maitakbo si Don Rafael sa ospital ay idineklara sa Emergency Room na patay na ito.Nagtagumpay si Donya Margareth sa plano nitong patayin ang asawa. Pinalipas lang ang isang linggo pagkatapos ilibing ang asawa ay tinawagan nito si Mr. Nelson Aguilar isa sa mga Board of Director ng Xyclone Mining Inc. ang kumpanyang pagmamay-ari ng mga Evangelista Family na itinayo at pinalaki ni Don Rafael Evangelista.Gusto ni Donya Margareth na magpatawag ng meeting para sa mga Board of Directors para mailipat na sa kanya ang pagiging Presidente ng Xyclone Mining Inc. lalo na ngayon na patay na ang asawa niyang si Don Rafael at wala pang balita sa nag-iisang anak ni Don Rafael na si Larry Evangelista kung buhay pa ba ito o patay na.“Magandang gabi kumpanyero! Kailangan na siguro natin pag-usapan ang pag-upo ko bilang kapalit ng yumao kong asawa bilang Presidente ng Xyclone Mining Inc.,” nakangiting bati ni Donya Margareth sa kausap na isang kaibigan, si Mr. Nelson Aguilar.“Bilib na talaga ako sa iyo ang ganda ng ginawa mo at sakto sa lahat ng pagkakataon. Kung kasama ka lang ni Mr. Larry Evangelista noong nahulog siya iisipin ko na ikaw rin ang dahilan nang pagkamatay niya,” pagbibiro ni Mr. Nelson.“Sinabi ko naman sa iyo na kukunin ko ang pagiging Presidente ng kumpanya mabigyan lang ako ng magandang pagkakataon,” pagyayabang ni Donya Margareth.“Alam ko naman na darating iyon kaya lang hindi ko inaasahan na ganito kabilis,” wika ni Mr. Nelson.“Mabilis at malinis ang ginawa ko kaya kailangan na rin sigurong bilisan mo rin upang kilalanin na ako bilang bagong Presidente nang maisakatuparan ko na ang matagal ko nang plano at pinapangarap,” sagot ni Donya Margareth habang bakas sa mga mata nito na may mga susunod pang mga plano na hindi maganda.“Huwag kang mag-alala bukas na bukas din ay magpapatawag ako ng urgent meeting para sa mga Board of Directors,” pagsang-ayon ni Mr. Nelson sa gustong mangyari ni Donya Margareth.***Halos isang linggo ang lumipas ay dumating na rin sa wakas ang araw na pinakahihintay at hinahangad na meeting ni Donya Margareth. Halos kumpleto ang lahat ng mga Board of Directors, tanging si Larry lang ang wala.“Magandang umaga sa inyong lahat. Siguro hindi na kaila sa inyo kung bakit tayo biglang nagpatawag ng meeting,” paunang bungad na pagbati ni Mr. Nelson sa mga kapwa niya Board of Directors.“First of all I would like to nominee Mrs. Margareth Evangelista as the next Presidente and CEO of Xyclone Mining Inc,” dugtong ni Mr. Nelson kasunod ang malakas na palakpakan na tanda na halos sumasang-ayon ang lahat ng Board of Directors na si Donya Margareth na ang susunod na magiging Presidente ng kumpanya.“Maliban kay Mrs. Margareth Evangelista may gusto pa ba kayong i-nominate?”Wala nang nagtangka kahit isa sa mga Board of Directors na i-challenge si Donya Margareth bilang Presidente at CEO ng kumpanya ng Xyclone Mining Inc. Mabilis na natapos ang pagpili nang papalit kay Don Rafael.“Una sa lahat ay nagpapasalamat ako sa tiwalang ibinigay ninyo sa akin. Alam ko na hindi ganoon kadali ang responsibilidad at mamuno sa isang malaking kumpanya na gaya ng Xyclone Mining Inc.,” wika ni Donya Margareth.“Sa unang araw ng pag-upo ko bilang CEO at Presidente ay gusto kong ipakilala sa inyo ang bago nating makakasama na magiging Board of Director na papalit sa iniwang posisyon ng aking anak na si Larry Evangelista,” dugtong ni Donya Margareth.Nabigla ang lahat sa sinabi ni Donya Margareth lalong-lalo na si Atty. Rene Salazar, isa ring Board of Directors na kaibigan at abogado ni Don Rafael. Pinutol niya ang pagsasalita ng bagong elect na CEO at Presidente.“Saglit lang, Donya Margareth, maaari bang maputol muna kita sa iyong pagsasalita. Tama ba ang narinig namin na may ipapalit ka na kay Larry?” tanong ni Atty. Rene.“Tama ang narinig mo Atty. Rene! Kailangan na natin palitan si Larry gaya ng ginawa natin sa pagpalit sa asawa ko.”“Pasensya ka na Madam, hindi naman sa kumukontra ako sa mga plano mo, hindi ba masyado pang maaga para palitan si Larry gayong hindi pa naman napapatunayan na patay na siya dahil hanggang ngayon ay hindi pa nakikita ang bangkay nito,” dugtong ni Atty. Rene.“Atorney, baka nakalimutan mo kung may tao mang nasasaktan sa nangyari kay Larry ay siguro ako iyon, kahit hindi ako ang biological na ina niya ay hindi na iba sa akin ang batang iyon. Ang gusto ko lang naman ay mag-moveon sa mga sunod-sunod na kamalasan na nangyayari sa buhay ko,” pagdradrama ni Donya Margareth upang makuha nito ang simpatya ni Atty. Rene at ng ibang kasamahan.Hindi na nakaimik si Atty. Rene kaya bumalik na lang ito sa kanyang pagkaupo tanda na sumasang-ayon na ito sa gustong mangyari ni Donya Margareth kahit labag sa kalooban niya.“Siguro wala ng tututol sa ipapakilala ko na magiging kasama natin sa Board of Director ang papalit sa aking nawawalang anak na si Larry Evangelista, walang iba kundi si Nathan Capriano.” Mas lalong nagulat si Atty. Rene sa ipinalit kay Larry, ang mismong kaibigan na si Nathan. Gustuhin man niyang kontrahin ay wala siyang magawa dahil alam niyang kokontrahin lang siya ng mga kapwa niya Board of Directors. Malakas na palakpakan at sunod-sunod na pagbati ang sumalubong kay Nathan sa pagpasok niya sa Conference Area. "Una po sa lahat maraming salamat po sa inyong mainit na pagtanggap. Maraming salamat po sa ating bagong CEO at President Madam Margareth Evangelista. Bago pa ialok sa akin ang posisyon na ito ay pinag-isipin ko muna kong karapat-dapat ba ako na ipalit sa magaling at mabait na matalik kong kaibigan na si Larry,” pagkukunwari ni Nathan na nalulungkot sa pagkawala ni Larry. “Alam ko na may mga hindi sang-ayon at nabigla sa balitang ako ang uupo bilang bagong Board of Direct
Inabutan nang gabi ang dalawa bago ito maghiwalay kaya hinatid ni Nathan si Claire sa kaniyang sariling sasakyan bago ito dumeretso sa sarili niyang sasakyan. “Hon, pagdating mo sa bahay paki-message mo na lang ako na nakauwi ka na para malaman ko kung safe kang nakawi nang hindi naman ako masyadong mag-alala.” Pagkatapos humalik ay nagpaalam na rin si Nathan kay Claire. *** Mabilis na pinaandar ni Claire ang kanyang sasakyan matapos nilang maghiwalay ni Nathan upang puntahan si Gilbert. Ilang minuto lang ang lumipas ay nakarating agad ito sa kanyang pupuntahan. Nakahiga si Gilbert sa kanyang kama sa loob ng kanyang condo nang biglang kumatok sa pinto si Claire. Mabilis niya itong pinagbuksan ng pinto at sinalubong niya ito na may magandang ngiti. “Anong nginingiti mo?” mataray na tanong ni Claire habang pumapasok ito sa kuwarto. “Wala naman natutuwa lang ako dahil tinupad mo ang pangako mo,” sagot ni Gilbert habang isinasara nito ang pinto ng sariling condo. “Marunong ta
“Anak, aalis muna ako, ikaw na muna ang bahala dito sa bahay. Sabihan mo na lang din ang pinsan mong si Erik kapag dumating mula sa pangunguha ng panggatong na huwag masyadong magpagod dahil hindi pa siya lubos na magaling magpahinga naman siya,” wika ni Aling Cecilia sa anak niyang si Gwen.“Saan po kayo pupunta Nay?” tanong ni Gwen.“Pupunta ako sa bukid para hatiran ng pagkain ang tatay mo,” sagot ni Aling Cecilia sabay labas ng bahay at hindi na hinintay ang isasagot ng anak na si Gwen sa pagmamadali nito.Maya-maya ay dumating si Erik.“Erik, sabi pala ni Nanay magpahinga ka naman muna dahil kaganina ka pa daw nagtratrabaho dito sa bahay baka mabinat ka pa,” malumanay na sagot ni Gwen habang naghuhugas ito ng plato na kanyang kinainan.“Insan, ako nang bahala diyan sa mga plato. Gawain ko naman iyan dito sa bahay,” awat ni Erik sa ginagawa ni Gwen habang hinuhubad ang damit na pang-itaas dahil basang-basa na ito sa pawis.“Ano ka ba dalawang plato lang naman ito, hindi naman sigu
Tinanghali nang gumising si Nathan dahil sa paghihintay at pagpunta nito sa bahay ni Claire. Araw ng Linggo ay naisipan nitong puntahan si Gilbert sa kanyang condo upang ayain itong uminom nang mailabas ang sama ng loob niya kay Claire. Dahil hindi magawang magalit ni Nathan kay Claire ay sa kaibigan na lamang niya ito sinasabi. Napabangon sa kanyang higaan si Gilbert nang marinig niyang tumunog ang door bell ng condo niya. “Si Claire na naman ba ito? Hindi ko naman siya pinapunta dito,” bulong ni Gilbert sa sarili. Sa pagbukas niya ng pinto ay laking gulat ni Gilbert nang makita niya ang mukha ni Nathan. Biglang pumasok sa isip niya na baka alam na ni Nathan ang tungkol sa kanila ni Claire. “Anong nangyari sa iyo Gilbert? Para kang gulat na gulat nang makita mo ako. Lagi naman akong pumupunta dito sa condo mo kapag wala tayong pasok,” ang nagtatakang tanong ni Nathan sa kaibigan. “Hindi naman ako sa nagulat, akala ko lang kasi hindi ka pupunta dito dahil may lakad kayo ni Clair
Patuloy na nagsasalita si Mang Karding sa silid kainan habang nasa sala ang kausap na si Aling Cecilia. Ang hindi niya alam ay lumabas na pala ng bahay si Aling Cecilia at hinanap si Gwen dahil patuloy pa rin itong nag-aalala sa anak na dalaga. Sinadya niyang hindi na magpaalam sa asawa dahil pipigilan lamang siya nito dahil sa malaki ang tiwala nito kay Erik. “Cecilia, naririnig mo pa ba ako?” tanong ni Mang Karding nang mapansin nito na parang wala nang sumasagot sa kanyang mga sinasabi. Napasilip sa sala at nang mapansin niyang nawala ang asawa. “Eto talagang asawa ko kahit isang taon na naming kasama si Erik ay hindi pa rin siya lubos na nagtitiwala dito, wala naman itong ipinakita kahit kaunting panget na ugali,” bulong ni Mang Karding sa sarili habang nakadungaw sa bintana na pinagmamasdan ang asawang naglalakad papalayo sa kanilang tahanan.***Samantala ilang minuto ang lumipas masayang nagbibiroan sila Erik at Gwen habang naliligo sa natuklasang batis nang biglang dumating
Laking gulat nila Erik at Niknok nang biglang umahon si Gwen sa batis at agad na dinampot ang tuwalyang dala nito. Hindi man lang ito nagpaalam sa mga taong andoon kahit sa kanyang ina na si Aling Cecilia. Hindi na nagtaka si Aling Cecilia sa ginawa ng anak. Alam niyang matalino ang anak niya kaya siguradong natunugan nito na may inililihim siya sa kanya. Malakas ng kutob nito na hindi niya totoong pinsan si Erik kaya ganoon na lang ang naging reaksyon ng kanyang ina nang makitang ganoon lang ang suot niya sa harap ni Erik. Sa sobrang pagkakilala niya sa mga ugali ng mga magulang niya kaya alam din nito kung kailan nagsisinungaling ang mga ito sa kanya. “Anak, saan ka ba pupunta?” tanong ni Aling Cecilia habang pinagmamasdan ang anak kung saan ito pupunta. Ngunit, parang bingi lamang si Gwen nang hindi man lang sumagot sa tanong ng ina at nagpatuloy lamang ito sa paglalakad papalayo sa kinaroroonan ng batis. “Erik at Niknok, dito lang kayo huwag ninyo kaming susundan,” utos n
Halos sampung minuto rin ang ginugol nila Aling Cecilia at Erik na pasan-pasan si Gwen sa kanyang likod upang makarating sa mismong highway. “Sana may magmagandang loob sa atin na pasakayin tayo nang maihatid tayo sa pinakamalapit na ospital,” dalangin ni Erik habang pinagpapawisan at hirap na hirap sa pagbubuhat kay Gwen sa kanyang likod. “Nak, konting tiis pa makakahanap rin tayo ng sasakyan na maghahatid sa atin sa ospital,” wika ni Aling Cecilia habang pinupunasan nito ang butlig-butlig na pawis sa mukha ni Gwen na halatang nanghihina na dahil sa unti-unting pagkalat ng lason sa buong katawan. Mabuti na lamang ay hindi nagtagal ay mayroong humintong sasakyan sa harap nila. “Ano pong nangyari?” tanong ng driver ng sasakyan na huminto sa harapan nila. “Puwede po bang sumakay sa inyo? Nakagat po kasi ng ahas ang anak ko,” pagmamakaawa ni Aling Cecilia sa driver. Hindi nagdalawang-isip ang mabuting driver na tumulong at agad niyang pinasakay sila Aling Cecilia. “Sige po, sumaka
“Mayroon namang nakita ang ama mo na isang malaking bag, kaya lang hindi na namin hinalungkat para respeto na rin sa kanya. Naisip rin namin na kahit buksan namin ang bag niya at makita ang mga ID niya, wala rin naman kaming lakas ng loob upang tumulong, dahil wala naman kaming masyadong alam sa siyudad. Kung hahanapin naman namin baka mapahamak pa kami kapag napunta kami sa mga kaaway niya o maling tao. Kaya minabuti na lamang namin na tulungan siya na lamang siya hanggang sa bumalik ang kanyang memorya,” paliwanag ni Aling Cecilia sa anak. “Hindi po ba ninyo naiisip na baka nag-aalala na ang mga taong nagmamahal sa kanya, baka may asawa at anak pa ‘yan na naghihintay sa pagbabalik niya o magulang man lang? Kung nalaman ko agad ito ay hahanapin ko agad kung sino man kamag-anak nito o kung saan siya nagtratrabaho,” usal ni Gwen sa kanyang ina. “Iyan ang sinasabi namin ng ama mo kaya ayaw namin sabihin sa iyo dahil sa pabigla-bigla kang nagdedesisyon. Hindi naman sa ayaw naming tumul