KABANATA 15

Alexena

Pasimple akong nagbuga ng hangin. "Okay po. May iuutos pa po kayo, Sir?" magalang at bait-baitan kong tanong kahit na ang gusto ko talagang gawin ay ihampas dito ang hawak kong telepono, kung mabibigyan lang sana ako ng langit ng pagkakataon.

Kaso, masama at mali iyon kaya alam kong hindi ako pagbibigyan ng Nasa Itaas sa hiling ko.

Matagal bago sumagot ang lalaki, nag-iisip pa yata ng panibagong plano kung paano ako pahihirapan o naghahanap pa ng iuutos sa akin para lang sumuko ako at mapalayas na sa buhay ni Hero at siyempre sa buhay nito.

Ganyan 'yan, e. Sobrang evil. Ibang-iba kay Hero. Hays. Bakit kasi hindi man lang yata naambunan ng kahit kaunting kabaitan ng lalaking 'yon ang isang 'to na mukhang takas pa yata sa impiyerno? Sungay na lang ang kulang at buntot. 'Di ko lang sure if mayroon ito, baka sobrang galing lang talagang magtago kaya hindi ko pa nakikita at napapansin.

"Wala na. I'll send you her address, pakipadala na rin today before lunch time," sabi nito at b