KABANATA 14

Alexena

Masama ang timplada ng mukha na tinitigan ko ang saradong pinto ng opisina ni Mikey bago napabuga ng hangin.

Paano ba naman kasi, lahat na lang yata ng ginagawa ko ay pinupuna nitong unggoy na bagong boss ko.

D*mn. Halatang-halata ko, e. 'Di naman kasi ako manhid at tanga.

At oo, iba na nga ang boss ko! Pansamantala kuno! Which is sana nga ay totoo talaga dahil ilang araw ko pa lang na kasama ito ay gusto ko nang sumuko dahil sa pakiramdam ko ay hindi ko kayang tagalan ang ugali nito! Tsk. Sino pa nga ba? Kung hindi ang nakakakunsume sa lahat nang nakakakunsume. Shiz! Ewan ko ba. Sinalo na yata kasi nito ang lahat ng negatibong bagay na kapintas-pintas naman talaga sa pag-uugali at gawi nito na nakikita ko! Hindi lang iyon, kundi pati na rin sa mga salitang naririnig ko na lumalabas sa bibig nito!

Dahil nagtagumpay ang kampon ng kasamaan at hari ng kadiliman sa binabalak nito ay nakuha ako nito na maging pansamantalang assistant nang walang kahirap-hirap! Hindi ako nagkamali s