Kabanata 6 Childhood Friend

Maagang gumising si Mira kinabukasan. Muling binalikan ng isip niya ang galit ni Kyle kagabi, ang tono, ang titig, at ang sakit ng mga salitang sinabi nito. Bagaman nasanay na siyang huwag maging personal sa trabaho, hindi niya maipaliwanag ang kirot na nararamdaman. Huminga siya ng malalim.

Nakahanda na siya para sa araw na iyon, corporate attire, nakatali ang buhok, simple pero maayos ang makeup. Ang meeting nila sa Megawide Corporation ay mahalaga, isang potential partnership para sa bagong infrastructure project ng Tuazon Group of Companies.

Bumaba siya mula sa guest room bitbit ang tablet at folder ng presentation materials. Paglapag niya sa hallway ng mansyon, naabutan niya si Kyle na palabas na rin, suot ang navy blue suit, tila ito male lead sa mga pinapanood niyang drama. Super gwapo talaga ng boss niya. Napalunok siya ng maalala ang nangyari sa kanilang wedding night.

“Sir, sabay na po tayo?” tanong niya.

Pero hindi siya tiningnan ni Kyle.

“May maghahatid sa’yo. Magkita na lang tayo sa opisina,” malamig na sagot nito, habang sumakay sa black Audi na agad umalis pagkapasok ng CEO.

Naiwan siya sa harapan ng mansyon, parang estatwang hindi makagalaw. Wala siyang nagawa kundi ang hintayin ang driver na maghahatid sa kanya. Pagdating ng kotse, sumakay siya ng tahimik, ang pakiramdam ay tila hindi siya asawa ng CEO, kundi isang pangkaraniwang empleyado. Pinagalitan niya ang sarili. Ano ba ang inaasahan niya? Talaga namang empleyado siya.

Pagdating sa Megawide Tower, unang bumaba si Kyle mula sa sasakyan, agad lumapit ang ilang executive at staff upang salubungin ito. Magkasunod lamang sila halos.

Paghakbang niya sa lobby, napansin niya ang mga lihim na sulyap ng mga empleyado. Walang nagsasalita, ngunit ang mata ng mga ito ay tila may sinisigaw.

“Hindi sila sabay dumating?”

“May problema ba?”

“Hindi ba at bagong kasal lang sila?”

Tahimik siya habang lumalakad papasok sa elevator, hawak ang kanyang tablet nang mahigpit. Nararamdaman niya ang bawat mata sa kanya. Ilang araw na naman siyang tampulan ng tsismis.

Pagdating sa boardroom, naroon na si Kyle, nakaupo sa dulo ng mesa, pormal, nakafocus sa presentation slides. Tumango lang ito nang makita siya, walang emosyon, ni walang pagbati.

Parang hindi sila galing sa iisang bahay. Parang hindi siya asawa. Na hindi naman talaga. Muli niyang sinaway ang sarili. Trabaho lang ang lahat at hindi niya dapat haluan ng damdamin. Kailangang maging propesyonal sa kabila ng personal na damdamin.

Tensyonado sa conference room ng Megawide habang hinihintay ang pagdating ng delegasyon mula sa Tuazon Group of Companies. Pinagmasdan niya si Kyle. Hindi mapakali ang mga daliri nito sa ibabaw ng mesa, paulit-ulit na pinipindot ang pen at paminsan-minsan ay tumitingin sa relo.

“Sir, kayang kaya po ninyong makuha ang deal na ito,” bulong niya.

“Madaming nag-aagawan sa project na ito. Tayo ang una nilang pinuntahan at madami pang kasunod.”

Ang partnership na ito ay hindi lang negosyo, alam niyang may nais patunayan si Kyle sa ama nitong si Don Renato. Pangarap na proyekto nito ang train station at magkakaroon ito ng katuparan kapag nakuha ni Kyle ang project. Noong nakaraan ay si Calyx, ang stepbrother ni Kyle ang nakapag-close ng deal.

Tahimik siya sa tabi ni Kyle, binabasa ang presentation file sa kanyang tablet. Alam niyang stress ang boss niya. Ngunit hindi na siya nagtangkang magsalita uli. Alam na alam niya kung paano ito pakitunguahan.

Maya-maya, bumukas ang pinto ng boardroom.

“Ladies and gentlemen, Mr. Sebastian Tuazon, CEO of Tuazon Group,” anunsyo ng secretary.

Pumasok ang isang matangkad at gwapong lalaking naka-dark green suit, may confident na ngiti sa labi at matalim na mata. Taglay nito ang karismang hindi mapagkakaila.

Agad tumayo si Kyle upang makipagkamay.

Ngunit bago pa man ito mangyari, nanlaki ang mga mata ni Mira at mapako ang tingin ni Sebastian sa kanya.

“Mira?” bulalas ni Sebastian, may halong gulat at tuwa.

Natahimik ang buong boardroom at nagmamasid lamang sa kanila.

Napangiti siya, hindi rin makapaniwala.

“Sebastian? Ikaw na ba 'yan?”

“Wow… grabe. You haven’t changed a bit. Still the prettiest girl,” biro ni Sebastian.

Napatawa si Mira, bahagyang nahihiya. “Lalo ka na, napakapogi mo pa din. Ang crush ng bayan ang datingan mo hanggang ngayon.”

“Alam mo ba, hanggang ngayon, hindi ko makakalimutan na lagi tayong magka-partner sa lahat ng school event, ako ang escort, ikaw ang muse. Tandang-tanda ko pa lahat ng event.”

Tumawa si Sebastian. Napalinga siya sa paligid. Tsaka lamang niya napagtanto na ang atensyon ng lahat ay nasa kanila.

Pero si Kyle? Tahimik lang sa isang gilid. Nakangiti naman, pero ang panga ay bahagyang gumalaw. Ang mga mata nito ay malamig, kahit ang ngiti sa labi ay tila magkadikit lang para sa pormalidad. Wala itong sinabi ngunit alam niyang hindi ito natutuwa sa agaw atensyon nilang pagkikita ng dating kamag-aral.

“Shall we begin Mr. Tuazon?” singit ni Kyle, kontrolado ang tono.

“Of course,” sagot ni Sebastian. “But later, Mira, we need to catch up. Gusto kitang imbitahan sa isang private dinner mamaya.”

Napatingin siya sa boss.

“Have a seat Mr. Tuazon,” malamig na sabat ni Kyle, sabay tayo at paglapit sa presentation board.

At nagsimula ang negosasyon, pormal, direkta, ngunit hindi maikakaila ang palihim pagsulyap ni Sebastian sa kanya.

Matapos ang mahigit ilang oras na pag-uusap at talakayan, natapos ang presentation ni Kyle. Detalyado, visionary, at may kompletong plano mula sa engineering down to social impact, isang proyekto na hindi lamang para sa kumita, kundi para makatulong sa bayan.

Tumango si Sebastian matapos ang huling slide. “Impressive,” aniya, habang nagkakasalubong ang mga daliri nito sa ibabaw ng mesa. “Honestly, I’m impressed. Your projections are solid, your execution plan is clear…”

Napangiti si Kyle. Ngunit hindi pa ito ang katapusan.

“…but,” dagdag ni Sebastian, “out of fairness, I still want to review the other proposals before making my final decision.”

Mabilis na nawala ang ngiti sa labi ni Kyle, ngunit saglit lang. Bilang bihasang negosyante, sanay na ito sa mga ganitong galawan. Tumango ito.

“Of course. We understand Mr. Tuazon.”

Sumulyap si Kyle sa kanya na may nais ipahiwatig.