Mistake 5

KINASTIGO ni Tyler ang ama tungkol sa sinabi ni Katrina. Ayon dito, totoong may utang ang ama ng asawa niya at para mabayaran ay nangako itong ipakakasal ang anak na babae sa kaniya. Pero itinanggi ng kaniyang ama na may alam ito sa relasyon dati ng asawa at Victor. Malaking halaga ang utang ng ama nito-- two million pesos. Napangisi siya habang umiiling. Sa halagang dalawang million peso, ibinayad ni Conrad ang anak sa kaniyang ama.

Matapos ang pag-uusap ay nilisan na rin niya ang tahanan ng magulang, dahil kung matatagalan ay tiyak na magku-krus pa ang landas nila ni Victor. Sa bar siya humantong. Kung saang bar, 'yon ang hindi niya alam. Hindi rin niya napansin ang pangalan. Basta na lang siya sumunod sa ilang kalalakihang naglalakad papasok. Nasalo niya ang ibinugang usok ng sigarilyo ng naunang mga lalaki, kamuntikan pa siyang mapaubo. He hates smoke. Sumalubong ang nakabibinging ingay ng musika at natanaw ang mga taong nagsasayaw sa gitna. Pinili niya ang nasa sulok na upuan. Nang makaupo ay saka pa lamang niya sinuri ang paligid. Maganda ang ambiance. Mula sa pendant light sa counter at ang aesthetic neon light ng ceiling, humanga siya roon. Natigil ang pagmamasid niya nang may lumapit na babae sa gilid niya. Nagtatanong kung ano ang gusto niya.

"You!"

"Po?"

"I want you!" Kusang lumabas sa bibig niya ang katagang 'yon nang hindi pinag-iisipan. Siguro ay nadala siya ng galit.

Tumaas ang kilay ng babae. "I'm sorry, Sir, but the only thing I can serve is wine, not me!"

He chuckled. Lahat ba ng babae ay ayaw sa kaniya. Hindi naman siya kapangitan para tanggihan. He shrugged his head. "Wine, please!" nasabi na lamang niya. Wala siya sa mood para makipagtalo. At kung merun mang manggulo sa kaniya, tiyak na sa hospital iyon pupulutin.

"What kind of wine, Sir?"

Matiim niyang tiningala ang babae. Hindi niya masyadong makita ang hitsura nito dahil may kadiliman sa puwesto niya.

"Sabi nila malakas daw ang tama ng Ginebra."

Narinig niya ang mahinang tawa ng babae. "Sir, wala kaming Ginebra rito. But if you like, we have Casa Noble Tequilla. Nanggaling pa pong France."

Nakadama siya ng pagkapahiya sa babaing nasa harap. "Okay," tipid niyang tugon.

Tumalikod na ang babae. Narinig pa niyang may kung anong ibinubulong ito. Habang naglalakad palayo ang babae ay sinusuri niya ang likuran nito. Maumbok ang pang-upo. Halatang may kaliitan ang baywang. Matangkad. Maayos na nakapusod ang buhok. Pero hindi niya naaninag ang mukha nito.

"Stop it, Tyler!" saway niya sa sarili. "Pare-pareho lang ang mga babae. Mga manloloko!"

Muli niyang binalingan ang paligid. Hindi halatang cheap ang lugar. May ikalawang palapag iyon at mukhang VIP ang mga naroroon. Hindi nagtagal ay dumating ang order niya.

"Here's your order, Sir. Enjoy!"

Akmang aalis na ito pero maagap niyang napigilan. "Wait!"

"Sir?"

"What is your name?"

"Erin po, Sir."

"Sit next to me, Erin!" utos niya rito habang binubuksan ang alak.

"Sir, waitress po ako, hindi bayaran. If you want, may mga available po kaming babae sa itaas! Ihahanap kita.

"Bayarang babae, hah! Tss. All I want is someone to talk to, not a cheap woman like my fvcking wife!" Naging mahina ang huling binitiwan niyang salita. Hindi rin niya alam kung narinig ba yun ng kaharap.

"S-sorry po--"

"Leave!"

Hindi na niya pinagtuunan ng pansin ang babae. Mabilis niyang tinungga ang alak na halos kalahati sa baso. Sumigid ang kirot sa kaniyang lalamunan, pero balewala iyon. Mas matindi ang kirot sa dibdib niya. Muli siyang nagsalin ng alak at muling inisang tungga iyon. Pabagsak na ibinaba niya ang baso.

"Si Victor ang unang minahal mo?" Ngumisi siya na animo'y may kaharap. "Pero sa akin ka ikinasal. Legal tayong nagsama. Sinungaling ka, Katrina! Pinaniwala mo lang pala ako. Pero kung balak mong makihati sa Green Ivory Hotel, puwes, hinding-hindi kita pagbibigyan!"

Nilaro-laro ng daliri niya ang baso. Pang-ilang order na niya iyon. Gusto niyang lunurin ang sarili sa alak upang makalimot sa sakit na idinulot ng asawa, pero lint*k... hindi siya tinatablan. Gising na gising pa rin ang kaniyang diwa.

Ilang oras na siyang nakaupo at ilang bote na ang nasa harapan niya. Hanggang sa napagpasiyahan niyang umuwi na lamang. Tinawag niya ang babaing nag-serve sa kaniya, nag-abot siya ng lilibuhing pera rito. Hindi na niya hinintay kung may sukli ba siya. Sisiray-siray siyang naglakad palabas ng bar. Hinanap ang kinaroroonan ng sasakyan. Sumisipa na ang alak sa ulo niya at pakiramdam ay anumang oras ay babagsak na siya. Ibinagsak niya ang katawan sa upuan ng sasakyan at mariing ipinikit ang mata. Hindi siya palainom pero nang dahil sa ginawa ni Katrina, mukhang magiging laman siya ng bar.

'High Delight', iyan ang nabungaran niya nang magmulat ang kaniyang mata. Pangalan ng bar na pinasukan niya.

"Ikaw lamang ang bar na papasukan ko," sabi niya kasunod ang pagbuhay sa makina ng sasakyan.

"KATRINNAAA..." hiyaw ni Tyler habang matiyagang pinagmamasdan ang tahanang naging saksi sa kanilang pagmamahalan... pagmamahalang hindi naman pala para sa kanya.

Dati, umuuwi siyang may mabangong asawang naghihintay, nakalatag na sa hapag-kainan ang pagkain, ready na ang kaniyan tutulugan at ang damit na susuotin kinakabukasan. Ngayon, kadiliman ang sumalubong sa kaniya. Kadiliman na hindi alam kung hanggang kailan maghahari.

Mahigit isang taon niyang pinag-iipunan ang perang ginamit para lang mapagawa ang bahay na yun. Nagsisimula pa lang siya sa Green Ivory at kung kelang ipinasa sa kaniya ng ama ang kompanya ay saka pa nawala ang asawa.

"Para saan pa ang pagpapakahirap ko? Para saan pa ang lahat ng ito?" Nahawakan niya ang vase na binili ni Katrina at inihagis yun.

Kumalat sa sahig ang pira-prasong vase, ngunit hindi siya natinag. Muli siyang dumampot ng bagay at sa pagkakataong yun ay ang pictutre frame ni Katrina ang kaniyang nahawakan.

"Hayop ka, Katrina!" buong lakas niyang ibinato yun. "Hayop ka, Victor! Sinira mo ako, sinira niyo ako!"

Padausdos na umupo sa sofa at doon na rin siya natulog. Simula nang malaman ang tungkol sa kababuyan ng asawa ay hindi pa siya natutulog sa sariling higaan, dahil hindi mawaglit sa isipan ang nakita. Pumapasok lang siya roon para kumuha ng damit at sa kabilang room diyan siya naliligo.