Mistake 4

"YOU'RE such a disgrace to our family! How could you do this, Victor?" Umiigting ang panga ng ama ni Tyler. Sinisermunan nito si Victor, katabi rin nito si Katrina na yukong-yuko ang ulo. Tinamaan din yata ng kahihiyan ang makati niyang asawa.

Wala siyang balak sabihin sa iba ang nangyari, pero sadya yatang may pakpak ang balita. Nalaman ito ng kanilang magulang. Sinulyapan niya ang ina, iyak ito nang iyak. Tumayo siya't lumapit dito.

"Ma, tama na po. Baka'y mapaano ka pa."

Tumingin ito sa kaniya. Punong-puno ng luha ang mata. Seeing his mother crying... parang may sumasakal sa puso niya. Niyakap niya ito. Close ito kay Katrina. Tulad niya, tanggap din nito ang kakulangan ng asawa. Kahit pa gustong-gusto nang humawak ng apo, hindi nagreklamo ang kaniyang magulang. Tulad niya, matiyaga ring naghihintay ang dalawa.

"Pa, kami naman po talaga ang nagmamahalan. Napilitan lang si Katrina."

Literal na umawang ang bibig niya sa narinig. Anong ibig nitong sabihin? Almost two years niyang girlfriend ang asawa bago ito niyayang magpakasal. At ngayo'y sasabihin ng babaerong kapatid na sila ang nagmamahalan. How did that happen?

"Napilitan? Sinong sira-ulo ang maniniwala sa iyo, Victor?" hiyaw ng kanilang ama.

Kilala rin nito si Katrina. Kahit no'ng nanliligaw pa lang siya ay isinasama na niya ito at ipinakilala sa magulang. Nagkakilala sila sa event na pinuntahan niya noong college pa lang siya, at nang mga panahong iyon ay nasa probinsiya ang barumbado niyang kapatid. Ipinadala ito sa lolo't lola nila para magtino.

"Ten years ago, nagkakilala kami ni Katrina. Friends sa una at nahulog ang loob sa isa't isa."

Binitiwan niya ang ina at humarap sa dalawa. "Whatever you say, Victor, asawa ko na si Katrina. Sagrado ang pagsasama namin. Sa mata ng tao at higit sa lahat, sa mata ng Diyos, legal kami! May kasulatan, and we have a ring!" hiyaw niya.

Tumingin ito ng deritso sa kaniya. Yung tinging walang kinatatakutan. "Pero ako ang kaniyang mahal. Sa akin siya maligaya at higit sa lahat... ako ang kaniyang pinili."

Umalsa ang tinitimping galit niya. Kahit kaharap ang magulang ay nasuntok niya ang kapatid. Muntik na itong mabuwal. Ang galit na kaniyang nararamdaman ay napalitan ng selos. Nakita niya ang takot at awa sa mata ng asawa nang daluhan nito ang kapatid. Parang gusto niyang umiyak. Gusto niyang maglupasay. Hindi ba mahalaga rito ang kaniyang damdamin? Hindi ba siya nito minahal?

Ang sakit... ang sakit-sakit!

Siya ang tunay na asawa, sa kaniya ito nagpakasal pero parang siya ang lumalabas na mang-aagaw.

Ilang buga ng hangin ang pinakawalan niya. Tumingala't pilit na pinapayapa ang kalooban.

"Kung nagmamahalan kayo, I'll file an annulment. Sino ba naman ako para pigilan ang kaligayahan nito?"

"Tyler!" hiyaw ng kaniyang ama.

Alam niyang tutol ito. Ayaw nito ng annulment. Ayaw ng kaniyang ama na maging center of attraction ang pamilya nito kung dahil sa hindi magandang pangyayari. Tanging gusto nito'y laging magandang balita ang alam ng mga taong nakakikilala sa kanila.

"Pa, wala na po akong magagawa pa. Isa pa'y hindi ko maaatim na pakisamahan pa ang babaing nalawayan na ng iba. Hindi ako isang aso na kumakain ng tira-tira."

"Does it hurt, Tyler? Does it hurt to hear that I'm better at bed than you are?"

"Are you insulting me?"

"What if I say yes? What will you do?"

Mabilis na hinawakan niya ang kuwelyo nito. Ang mata niyay nagbabaga pero ang kaniyang kaharap ay tila lalo siyang ginagalit.

"Enough!" saway ng kanilang ama.

"I'm sorry, Pa." Kusa siyang sumuko. Hindi na dapat niyang patulan ang pang-aasar ni Victor. "Nagmahal ako ng malandi at nagkaroon kayo ng isang anak na magaling mang-akit at magromansa. I'm leaving." Lumapit siya sa ina, humalik sa pisngi't nagpaalam dito.

Hindi niya binigyang-pansin ang tawag ng ama. Deritso siyang lumabas ng bahay ng magulang. Sumakay sa sasakyan at matuling pinatakbo ito. Kung saan siya papunta, 'yon ang hindi niya alam.

Madilim na nang bumalik sa sariling tahanan si Tyler. Mula sa labas ay pinagmasdab niya ang bahay na naging kanlungan nila ni Katrina. Ang dating makulay, ngayon ay madilim pa sa kalangitan. Wala na itong buhay. Tila wala sa sariling pumasok siya. Umupo sa sala at doo'y humiga. Doon na rin piniling matulog. Hindi niya kayang humiga sa kamang pinaglampungan ng asawa at kapatid.

"HONEY..."

Nahugot ni Tyler ang hininga, kasabay ang mariing pagpikit. Papalabas na siya ng building nang may humarang sa kaniya. Si Katrina. Nasa gilid ito ng sasakyan niya. Nagmamakaawa ang anyo. Pero, hinding-hindi siya magpapadala. Hinding-hindi na siya magpapalinlang pa.

"What are you doing here, Katrina?" Matiim ang tinging pinakawalam niya rito.

"Let's talk, please!"

"Kung tungkol sa annulment ang ating pag-uusapan, huwag kang mag-aalala, pinapaayos ko na. Pinapadali ko na ang proseso para mapawalang bisa ang ating kasal."

"Hindi ang tungkol sa annulment ang sadya ko. Please, forgive me."

"Forgive?" he chuckled. "Sa iyo lang umiikot ang mundo ko, buong buhay ko, buong pagmamahal ko... ibinigay ko sa iyo. Tapos anong ginawa mo? You just fooled me! And now, you are in front of me, begging to forgive you! Well, shame on you, Katrina! Hindi ka nakuntento. Tinanggap kita pero ano ang iginanti mo? Ginago mo ako. Ginago niyo akong dalawa! At kapatid ko pa talaga. Tell me, Katrina, kailan niyo pa ako ginagago?" Hindi na niya nakontrol ang sarili, kahit nasa gilid ng kompanya at maraming dumaraang employee ay nasigawan niya ito.

"I'm sorry, Tyler. Pero tama si Victor. Siya ang unang nagmahal sa akin."

"Kung ganoon, bakit ka nagpakasal sa akin?"

"Dahil sa parents ko. May utang si Papa sa ama mo, Tyler. Seventeen years old pa lang ako, nakilala ko na si Victor. Almost three years kaming magkaibigan. Niligawan niya ako. Naging kami. Pinaghiwalay lang kami ni Papa dahil mas karapat-dapat daw ako sa iyo, dahil ikaw ang magmamana ng Green Ivory Hotel and Resort."

Parang punyal iyong tumarak sa dibdib niya. Muntikan pa siyang mawalan ng balanse, mabuti na lamang nasa likuran niya ang kaniyang sasakyan.

"A-alam ba ni P-papa ang r-relasyon n-niyo?" Para siyang baklang nanginginig at nabubulol.

Umiling ito. "Hindi ko alam--"

Hindi na niya tinapos ang iba pa nitong sinasabi. Mabilis siyang sumakay at matuling pinatakbo iyon. All this time, nakikiamot lang pala siya ng pagmamahal. Siya pala ang nang-agaw. Siya pala ang third wheel. Siya pala ang kabit.

"T*ng-ina!"

Hindi siya pinalaking palamura ng ina pero nang dahil sa panloloko ni Katrina at nang dahil sa nalaman mula rito'y nagiging balahura ang bibig niya. Dumiretso siya sa bahay ng magulang. Kailangan niyang malaman sa ama kung ano ang totoo.