PHASE 3

Phase 3

Ilang araw na rin ang nakalipas magmula ng ipakilala si Morpheus bilang kaklase namin at ilang araw na rin kaming hindi nag-uusap o nag papansinan man lang.

As if may balak akong kausapin siya.

Naging sikat si Morpheus sa mga babae rito at nakilala rin siya ng iba dahil sa kapatid ito ni Oreus na sikat naman noong Junior High School kami.

Hindi rin kasi ma ita-tanggi na may angking ka-g'wapohan din naman siya at balita ko ay honor din ito sa dati nitong school. May ilan din na nagtatanong sa akin kung may gusto o nanliligaw ba raw si Morpheus sa akin dahil napapansin din 'ata nila ang pangungulit at pagpapansin nito sa akin. Isa na rin sa nagtanong sa akin no'ng nakaraan si Polly, siguro ay ipina-patanong ng mga kaibigan niya na may gusto kay Morpheus. 

Kaya naman siguro ako kinukulit ng lalaki na 'yon dahil wala siyang mapag trip-an.

"Saffy, 'eto tinapay, pinapabigay ni Kuya dahil wala ka raw no'ng birthday namin. Nakakatampo ka ha? Pero alam ko naman na busy ka kaya hindi ako galit, promise. Tampo lang," sabay abot sa akin ni Cyd ng isang tinapay na binigay daw ni Ceazar.

Napatingin ako sa bintana at nakita ko roon si Ceazar habang kausap si Gelo. Humarap siya sa akin ata 'saka sumenyas na lumabas daw ako.

Nginitian ko si Ceazar at tumayo na ako sa aking upuan para lumabas at makalapit sa kaniya.

"Hindi ka na pumunta no'ng birthday namin, ha. Hindi tuloy kita nai-libre," may bahid ng tampo sa boses niya. Wala akong time noong araw na 'yon kaya hindi na rin ako'ng nag atubili na pumunta pa.

"Sorry talaga, Ceazar. Medyo busy lang ako no'ng araw na 'yon kaya hindi na ako nakapunta."

Birthday ko rin no'ng araw na 'yon pero hindi naman ako nakapag handa dahil na rin busy sina mama at papa samantalang si Azamy naman ay nag overnight sa bahay ng kaklase niya kaya hindi rin naka-uwi.

Wala rin naman akong balak na i-celebrate 'yon mag-isa dahil malulungkot lamang ako, lalo. Birthday din kasi ni Oreus no'ng araw na iyon at nasanay na rin siguro ako'ng mag celebrate na kasama siya. Siguro masaya siyang nag celebrate ng birthday n'ya no'ng araw na 'yon dahil kasama niya si Steph at ang tunay niyang pamilya.

Hindi na ako kinulit pa ni Ceazar at sinabing babawi na lang daw siya 'pag may libreng oras kami. Ililibre niya raw ako at isama ko na lamang daw si Remus kung gusto ko. Napapa-isip na lang din ako minsan kung bakit lagi na lamang naka-dikit ang pangalan ni Remus sa akin? Required ba lagi na kasama ko siya? Psh.

Nang matapos ang usapan namin ni Ceazar ay hindi na ako tumambay pa sa corridor at pumasok na lamang ako sa aming classroom.

Bago pumasok, iginala ko muna ang mata ko sa buong corridor at nakita ko na mag-isa lamang si Remus, mukhang may malalim na iniisip. Siguro nag-away sila ni Polly dahil nakita ko na hindi man lang siya pinapansin nito. Hindi ko pa nakikita na magkasama silang dalawa at napansin ko na masaya naman si Polly na kausap ang iba niyang kaibigan.

"Balita ko, nililigawan ka ni Ceazar, ah?" pagtatanong sa akin ng katabi ko.

Psh, rumor. Nag-usap lang saglit, nililigawan na agad? Mga tao talaga ngayon. Hindi mo na talaga alam kung ano ang tama o mali sa kanila, e.

Hindi ko na lamang siya pinansin o tinapunan ng tingin pa at nagpatuloy sa ginagawa ko.

"Wala ka pa rin ba'ng balak na pansinin man lang ako o kahit tingnan man lang, Ms. Suplada?" sabay kuha ni Morpheus ng libro na binabasa ko.

"Alam mo, kung nonsense lang din ang mga salitang lalabas d'yan sa bibig mo, 'wag mo na lang ako'ng kausapin," 'saka ko binawi ang aking libro sa kaniya.

May quiz kami mamaya at kailangan ko'ng mag review para hindi bumagsak since malaki ang points na makukuha pag perfect doon.

"Alam mo rin ba, Saffy? Kung pinapansin mo naman kasi ako, hindi naman kita kukulitin ng gan'to."

"Nonsense pala? So, hindi siya nanliligaw sa'yo? Bakit, 'di mo ba siya type?" dagdag niya na parang may na-realize sa sinabi ko.

Well, wala naman akong balak na makipag kaibigan sa kan'ya. Kahit na kilala siyang mabait ay wala pa rin akong balak makipag close sa kan'ya since kapatid siya ni Oreus. Wala rin ako'ng balak makipag relasyon sa kahit sino dahil wala pa rin 'yon sa isip ko ngayon.

Oreus na naman ba, ha, Saffira?

Ilang beses pa na nagsalita nang nag salita si Morpheus sa tabi ko at tumigil lamang siya nang dumating ang teacher namin. Hindi ko nalang inintindi ang mga sinasabi at itinatanong niya dahil busy din ako sa pag re-review.

Dahil wala naman kaming sitting arrangement, it means, puwede kaming umupo kung saan namin gusto at pinili ko talaga ang malapit sa bintana. Akala ko tatabi sa akin si Remus pero mas pinili niya na umupo sa bandang likod. Dahil doon, nagkaroon pa tuloy ng chance si Morpheus na maka-upo sa tabi ko.

Siguro para mang-inis o mang gulo na naman.

Tuwing tanghali kasi ay napaka init dito kaya masuwerte kaming mga malapit sa bintana dahil ang hangin na pumapasok sa loob ng room ay sumasakto sa akin at sa iba pa na katabi ko, kasama na do'n si Morpheus.

Ang mga nasa likod naman ay makikita agad kapag sumilip sa pintuan at dahil lagi namang bukas 'yon ay malakas din ang hangin na pumasok mula doon. Hindi katulad ng mga nasa gitnang naka-upo, dikit-dikit sila at may ilang ceiling fan lamang kaya kaka-unti ang nakukuha nilang hangin.

Habang inililipat ko ang pahina ng aking libro ay may nahulog na isang 1/4 na papel kaya agad ko itong pinulot.

"Saffira, kung may nagawa man ako sa'yo, patawarin mo na ako. Gusto lang naman kita maging kaibigan, e."

'Yan ang mga kataga na naka sulat sa papel na mukhang inilagay ni Morpheus kanina sa libro na binabasa ko.

Infairness, maganda siya mag sulat.

Hanggang ngayon, hindi ko pa rin alam kung paano ko patutunguhan si Morpheus. Kung paano ko siya dapat kausapin o papakisamahan. Hindi pa rin kasi maalis sa isip ko kung paano ako pinaasa at nasaktan ng kapatid niya.

Nagpatuloy lamang ang klase namin at hindi na ako kinulit pa'ng muli ni Morpheus. Napagod na siguro dahil hindi ko siya kinausap o tinapunan ng tingin man lang.

Nang sumapit ang tanghalian ay bumili si Remus ng pagkain at sabay-sabay kaming apat nina Cyd na kumain. Patuloy pa rin ang pang-aasar ng iba sa akin dahil akala nila ay nililigawan ako ni Ceazar. Mukhang ayos na sina Polly at Remus dahil nag-uusap na sila, hindi tulad kanina na parang hindi talaga nila kilala ang isa't-isa. Mukhang malaki ang pinag-awayan nila kaya gano'n.

"Hindi ka ba talaga nililigawan ni Kuya?" pagtatanong sa akin ni Cyd 'saka isinubo ang pagkain sa bibig niya at ngumiti sa akin.

"Hindi, nga. Wala akong time sa gan'yan ano!" at nagpatuloy na ako sa pagkain. Ilang beses ko pa ba naman ipapaliwanag sa kanila?

Nagulat ako ng bigla akong inakbayan ni Remus.

"Hindi naman ako papayag, ano, Cyd. Bata pa si Saffy at 'saka, ibinilin siya ni Tito sa akin," sabay kindat at si Polly naman ang inakbayan.

Patuloy pa rin sila sa pang-aasar at minsan ay nakikisali ang iba naming kaklase. Minsan ay ako ang inaasar nila tungkol kay Morpheus na akala nila ay nanliligaw din sa akin.

Napatingin ako sa gawi ni Polly at hindi nakatakas sa akin ang marahang pag-ikot ng mata niya sa akin, 'saka muling humarap kay Remus at ngumiti.

Eh, ano raw? Ano kayang roblema niya?

Hindi ko na lamang pinansin pa ang mga bagay na hindi naman nakakatulong sa akin at nagsimula na lamang akong mag-aral para sa quiz kay Sir Ralph mamaya.

"Dapat hindi ka na nag re-review, Saffy, matalino ka na naman. Siguradong kaya mo na i-perfect 'yon." pagbibiro ni Cyd sa akin.

Umiling na lamang ako at 'saka ngumiti. Kailangan ko talaga mag review since no'ng time na itinuro ni Sir ang iku-quiz namin ngyon ay occupied ang isip ko kay Oreus, na talaga namang pinag sisisihan ko ngayon.

Hindi ko naman talaga ugali'ng mag review lalo na kung nakinig naman ako no'ng discussion. Ang masaklap nga ngayon, hindi ako nakinig ng mabuti no'ng mga oras na 'yon at nagsulat na lamang ng notes.

Ilang minuto pa ay dumating na rin si Sir at dahil strict siya 'pag may pagsusulit ay agad niyang pinaayos ang mga upuan namin.

"One seat apart, students. Ang mga malalapit sa bintana ay do'n humarap gano'n din ang mga naka-puwesto sa likod," saka inayos ang mga test paper na dapat namin sagutan.

Quiz lamang ito pero dahil nga malaki ang puntos ay dapat seryosohin.

"Again, paulit-ulit ko na itong ibinibilin sa inyo. No cheating, please! May tatlong warning lamang akong ibibigay sa inyo, bawal lumingon sa kanan, kaliwa o sa likod. Mag focus kayo," saka niya ipinamigay ang mga test paper sa mga kaklase ko na nasa unahan ang upuan.

"Get one and pass. Since quiz lang naman 'yan at madali lang ang mga questions, bibigyan ko lamang kayo ng 20 minutes para sagutan lahat ang 20 items na nakalagay d'yan."

Nang makarating na sa akin ang questionnaire ay sinimulan ko na ang pagsasagot. Tama nga si Sir, madali lang ang mga tanong.

Madali lang naman talaga, basta nag aral ka.

"Cervado, 1st warning."

Napatingin ako sa relo ko at nakita na 10 minutes pa lang ang nakakalipas pero tapos na ako. Ni-review ko lahat ng sagot ko para masiguradong lahat ay may sagot at walang naiwan na blanko.

"Sa mga tapos na, puwede niyo nang ipasa ang mga papel niyo kasama ang questionnaire. Ang limang mga mauuna na makakapag pasa ay bibigyan ko ng plus 5 points."

Agad akong tumayo at pumunta sa unahan. Luckily, ako ang nauna. Sumunod si Morpheus sa akin at iba pang kaklase na nakatapos.

"Saffira Ray I. Vordez, perfect."

Agad napatingin sa akin ang mga kaklase ko sa akin. Ngumiti na lamang ako sa narinig.

"Morpheus Stanley L. Vezenia, perfect."

Agad akong napaligon kay Morpheus, hindi dahil sa gulat na perfect rin siya sa quiz kun'di dahl sa apelyido niya.

Vezenia? Hindi ba magkapatid sila ni Oreus, paanong iba ang apelyido niya?

Ngumiti sa akin si Morpheus at halatang nagyayabang sa nakuha niyang points. Wala naman akong pakielam, e. Wala akong itinuturing na kalaban sa mga kaklase lalo na sa pag-aaral.

Naniniwala kasi ako na puwede naman magtulungan, hindi mag hilahan pababa. Tulungan ang isa't-isa sa mabuting paraan, hindi sa pandaraya o panloloko ng ibang tao at panloloko sa sarili mo.

Siguro dahil na rin teacher ang nanay ko?

Natapos ang quiz namin and luckily, many of my classmates got a perfect score.

Dalawang subjects pa ang natapos 'saka kami nag-uwian.

Lalabas na sana ako ng room pero agad na hinila ako ni Morpheus papasok ulit sa loob at nii-lock ang pinto.

"Ano na naman ba, Morpheus?" galit kong sigaw sa kaniya at inalis ang pagkakahawak niya sa kanan ko'ng braso.

Kinakabahan ako sa hindi ko malamang dahilan.

"Kaya ba hindi mo ako pinapapansin dahil kay Oreus?"

Siguro mas matanda siya kay Oreus. 

"It's none of your business. Pa ulit-ulit na kitang sinabihan 'di ba? Huwag mo na ulit akong guluhin pa!" matigas kong sambit dahil na rin sa galit. Hindi dahil sa ginawa niya kundi sa pagbanggit niya sa kapatid niya.

"Kahit 'yon na lamang ang sagutin mo sa tanong ko, Saffira. Para naman alam ko kung bakit ka nagkaka gan'yan sa akin, para naman naiintindihan kita."

"Ano ba'ng pakielam mo pa, ha? Sige, sabihin na natin na dahil nga sa kapatid mo. May magagawa ka pa ba?"

Unti-unti nang naninikip ang d****b ko dahil sa sakit, dahil sa galit at dahil na rin siguro sa pangungulila kay Oreus.

"Saffira, hindi ba puwedeng kilalanin mo muna ako bilang ako? Bilang Morpheus, at hindi bilang Oreus," sabay hawak nito sa dalawang kamay ko.

"Bakit mo ginagawa 'to? Ano bang kailangan mo sa'kin, ha?"

Hindi ko na alam ang sumunod pa'ng nangyari dahil naramdaman ko na lamang ang labi ni Morpheus sa mga labi ko.

Nanigas ako sa aking p'westo at lahat ng mga salitang sasabihin ko ay tila nawala.

Nagpumiglas ako at malakas na sinampal si Morpheus sa pisngi niya. Tumulo na rin ang luha ko, sumabog na lahat ng emosyon na nasa d****b ko.

"Saff, gusto kita. Gustong-gusto kita kaya sana naman bigyan mo ako ng chance, please."

"Tandaan mo 'to, Morpheus. Isang lapit mo pa sa akin at pang gugulo, baka makalimutan ko'ng kapatid ka ni Oreus dahil sa galit ko sayo." at 'saka ko siya iniwan doon.