Chapter 15

Anika's POV

TULALA ako habang lulan ng tricycle at paalis na ng Hacienda Altagrasia. I don't know why I'm feeling this way. Malungkot ang pakiramdam ko na para bang lilisan ako na may naiwang mahalagang bagay.

"Si Daryl lang naman ang iiwan ko."

Siya ba ang dahilan kung bakit parang may nakagapos na malaking kamay sa puso ko? Imposible naman na nagkakaganito ako nang dahil sa kaniya. Ilang araw pa lang mula nang magkakilala kami. It's impossible to get attached to someone that easily.

Nang makarating ako sa bus station, sumakay agad ako ng byaheng papuntang Manila. Naupo ako malapit sa bintana at nagsimulang tanawin ang magandang paligid. Dinaig ko pa ang nag-shoot ng music video, tugtog na lang ang kulang.

Sa kalagitnaan ng byahe, napansin ko ang ilang pasahero na tanaw nang tanaw sa labas. Hindi ko binigyan pansin ang mga ito.

"Ate, tingnan mo ang kotse, o. Ang ganda."

"Wow! Oo nga! Mamahalin!"

"Mayaman siguro ang may-ari niyan."

"Baka ang mga Altagrasia."

Sari-saring bulungan ang na