Chapter 4

Anika's POV

ALAS-OTSO na ng umaga pero hindi pa rin ako lumalabas ng kuwarto. Ayaw kong umalis dito sa dalawang kadahilanan. Una, ayaw kong makipag-usap kay Don Enrico. Gusto kong ipakita dito na hindi ko tanggap ang relasyon nila ni Mama. At pangalawa, nahihiya akong magkita kami ni Daryl matapos ng nangyari kagabi.

Nakagat ko ang labi ko nang maalala ang nasaksihan. He was having sex and I saw it live. Live na live!

Napapikit ako nang maalala ang malaki at ma-muscle nitong katawan. Heto na naman at nag-iinit na naman ako. Since last night, ayaw nang matanggal sa isip ko ang senaryong iyon. Ayaw rin akong tantanan ng init na unti-unting bumabalot sa akin.

Para makalimutan ang live sex na napanood ko, I decided to go outside. Pero ginawa ko ang lahat para hindi magtagpo ang mga landas namin nina Mama at Don Enrico.

Nakalabas ako ng mansion nang walang nakakakita sa akin. "Fresh air!"

Lumanghap ako ng sariwang hangin habang naglalakad sa labas. Hindi sasapat ang salitang malaki at malawak para ilarawan ang Hacienda Altagrasia. Bukod roon ay napakaganda rin ng paligid. Maraming puno, street lights at water fountain.

Lakad ako nang lakad habang pinagsasawa ang mga mata ko sa magandang tanawin sa paligid. Sa kakalakad ko, napadpad ako sa isang bukas na gate na may malaking sign board sa gilid. Nakalagay roon ang pangalang 'Altagrasia Horse Ranch'.

"Rancho?" sabi ko sa sarili ko at pumasok sa loob.

Kung horse ranch ito, syempre, may kabayo! Bigla akong na-excite. Gusto kong makakita ng kabayo. Siguradong imported ang mga kabayo rito dahil mayaman sila.

Nadaanan ko ang mga stables, grooming place, hanggang sa mapadpad ako sa racecourse. Pero ang excitement na nararamdaman ko kanina, mabilis na naglaho nang matanaq ang nangyayari sa hindi kalayuan.

Humihiyaw ang mga lalaki at parang tuwang-tuwa ang mga ito sa nangyayari. Sa unang tingin, aakalain mong may horse race na nagaganap, pero laking-gulat ko nang makitang kinakaladkad ng tumatakbong kabayo ang isang lalaki!

"Hooo! Sige pa, Kifer! Run!"

"Teach that dog a lesson!"

"Good boy, Kifer!"

Ilan lang ito sa hiyaw ng mga lalaki habang pinapanood ang nangyayaring karahasan. Nang makita ko sa gilid ng racecourse si Daryl, nakaupo na parang hari habang umiinom ng beer, mabilis ko itong nilapitan.

"Daryl, anong ginagawa nila? Puwedeng mamatay ang taong iyon! Help him!"

Tumigil ito sa pag-inom at tiningnan ako mula ulo hanggang paa. "Why would I? It's his punishment."

"Punishment?"

Nilapag niya ang bote ng beer at tumayo para harapin ako. "Dahil pinagnakawan niya ako. Kaya iyan ang parusa niya."

Umawang ang mga labi ko sa narinig. Pinagnakawan siya? Dahil lang doon? Pero ang parusa ay sobra-sobra? Magkano ba ang halagang ninakaw rito? Milyon?

"Kung may kasalanan siya, dapat sa police station n'yo siya dinala! Hindi iyong ilalagay n'yo ang batas sa kamay n'yo!"

Tiningnan lang ako nito na parang wala lang sa kaniya ang mga sinabi ko.

"This is a crime!" bulyaw ko sa pagmumukha niya.

Tuluyan itong lumapit sa akin, madilim ang mukha, matalim ang mga mata. Napaatras ako sa takot dahil sa ibinibigay nitong madilim na aura.

"Teritoryo ko ito, dito ako ang batas! Kapag may ginawa kang kasalanan sa akin, ganyan ang mangyayari sa iyo." Napasinghap ako nang hapitin ako nito sa baywang. "Maliban na lang kung ibang parusa ang gusto mo."

My eyes widen with what he said. Lalo pa nang pisilin nito ang isang pisngi ng puwet ko. Sa sobrang gulat ay malakas ko siyang sinampal.

"Bastos!"

Itinulak ko ito sa dibdib bago mabilis na tumakbo palayo.

Narinig ko pang tumawa ito nang malakas. "Run, baby girl! Wasak ka kapag naabutan kita!"

***

Mabilis akong pumasok sa kusina at kumuha ng tubig na maiinom. Pakiramdam ko, pulang-pula ang mga pisngi ko dahil sa init ng aking mukha.

"Ano raw? Baby girl? At wasak? Anong wasak ba ang pinagsasabi ng mayabang na iyon?"

Natigilan ako nang maalala ang nakita kagabi. I shook my head countless times. Hindi iyon dapat ang iniisip ko, kundi ang mga nakita kanina. Krimen iyong ginagawa nila! Halos patayin na nila ang kawawang lalaki!

Ang paghanga ko kay Daryl kahapon dahil sa guwapo nitong mukha at matikas na pangangatawan, mabilis na napalitan ng pagkadisgusto. Baliw siya!

Muli pa akong uminom ng tubig para tuluyang mawala ang init na nararamdaman ko. Nasa ganoon akong akto nang biglang may humablot sa braso ko at marahas along sinandal sa pader.

"D-Daryl?"

"Sabihin mo nga sa akin, anong kailangan kong gawin para umalis na kayo dito?" pinapungay pa nito ang mga mata at ngumisi.

Nagsalubong ang mga kilay ko. "Anong sabi mo?"

"Convince your whore mother to get away from here."

Natigilan ako bigla. Did he just call my mother whore? Hayop! Iyong init ng mukha ko kanina, mabilis na bumalik! Pero sa ulo, hindi na sa mukha!

"Bastos ka!"

"Kailangan n'yo ng pera? Tell me how much money do you need? I'll give it to you."

Malakas ko itong itinulak palayo sa akin. "Hindi ko kailangan ng pera mo!"

Tumawa ito na parang nang-uuyam. "Puwede ba? Huwag ka nang magpanggap! Alam kong mga mukhang pera kayo. Pera lang ang habol n'yo kay dad."

Natigilan na naman ako at sandaling napalunok. Hindi ko naman maitatanggi na may tama ito. Pera at tirahan ang habol ni Mama kay Don Enrico, pero ako, hindi!

"See? You're guilty."

"H-hindi!"

"Ah, I see."

Nagtaka ako nang sumilay ang nakakalokong ngiti sa mga labi niya.

"Anong 'I see, I see'? Gago ka!"

"You don't want money? So, what do you want? Ito ba?"

Nanlaki ang mga mata ko nang hubarin nito ang suot niyang damit at ipinakita sa akin ang mga muscles at abs niya sa tiyan.

"You wanna get under me, baby girl?"

Buwiset na—sa sobrang inis, bigla kong binuhos dito ang malamig na tubig mula sa baso ko. Buong akala ko, magagalit ito pero parang mas tamang sabihin na nagulat siya.

"Ugok ka! Anong akala mo sa akin, pakangkang? Hayok sa sex? Magdamit ka nga! Ang pangit ng katawan mo!"