Chapter 14: I missed you

GRAESON'S POV

NAKAHINGA ako nang maluwag nang makita si Isagani na pababa ng motorsiklo. Isa na lang ang problema ko, si Harry.

Siraulo din kausap ang Lester na iduto. Ang sabi, kahit na umagahin kakahintay makompleto ang team ko pero heto, nag-iinaso. Bakit daw ang tagal ng kasama ko. Ang sarap lang banatan. Isang test drive na lang ako sa mga sasakyang pinili ko. At isang sasakyan ang sa tingin ko ay may problema. Balak ko sanang ipa-check kay Harry lahat lalo na ang pangalawang sasakyan pero wala pa rin siya. Kabisado niya 'yan dahil isa siya sa technical representative ng CartZone.

Bumaba muna ako sa sasakyan at pinuntahan si Isagani. Marunong si Isagani magmaneho pero hindi pa siya nakasalang kahit kailan sa mga ganitong field.

Kasama ko si Isagani nang i-test drive ang huling sasakyan. Pagkatapos ay isa-isa rin niyang tsinek kung may problema. Nasabi ko sa kanya ang pangalawa, at gano'n din ang pakiramdam niya. Hindi lang namin alam kung saan banda. Although natsek na namin a