The Billionaire's Last-Minute Bride

“Ah… Caleb, ang bilis naman! Hindi ko na kaya!”

“Hindi mo na kaya, honey? Mas marami pa akong ipapakita sa’yo.”

Napatigil si Glaidel Castañeda sa labas ng p***o. Nanginginig ang kaniyang mga kamay habang unti-unting nag-aalab ang galit sa kaniyang dibdib. Pamilyar ang boses ng lalaking nasa loob. Ito ang lalaking ilang taon niyang minahal at pinagkatiwalaan—ang lalaking pakakasalan niya kinabukasan.

Ngunit ngayon, may ibang babaeng kasama si Caleb sa kanilang silid-pangkasal!

Bawat sulok ng silid ay maingat na pinili ni Glaidel. Siya mismo ang nag-asikaso sa mga palamuti at kasangkapan, umaasang magiging saksi ang lugar na iyon sa pagsisimula ng kanilang masayang pagsasama. Kahapon lamang dumating ang kanilang bagong kama.

Ngunit bago pa man sila makasal, ibang babae na ang katabi ni Caleb sa higaan na iyon.

May mga damit na nakakalat mula sa pintuan hanggang sa silid-tulugan. Bahagyang nakabukas ang p***o, sapat upang makita ni Glaidel ang dalawang taong walang pakundangang nagtaksil sa kaniya.

“Your fiancé slept with my girlfriend.”

Napalingon si Glaidel sa lalaking nasa likuran niya. Matangkad ito, matalim ang mga mata, at taglay ang isang malamig ngunit marangal na tindig. Para itong agilang nagmamasid sa biktima nito—kalmado, mayabang, at nakakatakot lapitan.

“I-I’m a victim too,” nanginginig niyang sagot.

Namumula na ang kaniyang mga mata. Pilit niyang pinipigilan ang mga luha, ngunit paano niya mapipigilan ang sakit kung ang lalaking pinangarap niyang makasama habambuhay ay siya mismong dumurog sa kaniyang puso?

“Glaidel?”

Nang mapansin ni Caleb ang presensiya niya, dali-dali itong bumangon mula sa kama. Samantala, nanatiling kalmado ang babae at nagtakip lamang ng kumot, na para bang walang anumang kasalanang nagawa.

“Glaidel, let me explain!”

Nagbalot ng kumot si Caleb sa katawan at nagmamadaling lumapit sa kaniya.

Pak!

Isang malakas na sampal ang dumapo sa mukha nito.

“Okay. Explain.”

Namula ang pisngi ni Caleb. “Hindi ko naman sinasadya! Gusto ko lang subukan kung okay ang kama. Tapos, hindi ko na napigilan ang sarili ko.”

Napatitig lamang si Glaidel sa kaniya.

Kung sinabi nitong nalasing siya o may ibang puwersang kumontrol sa kaniya, baka sakaling nakahanap pa siya ng dahilan upang maniwala. Ngunit ang gamitin ang kama bilang palusot sa pagtataksil? Hindi niya alam kung matatawa ba siya sa sobrang kabaliwan o tuluyang iiyak sa sakit.

“Caleb, do you think I’m stupid?”

Sa halip na magsisi, biglang nagbago ang ekspresyon ng lalaki. Napalitan ng galit ang hiya sa mukha nito.

“Yes, I cheated on you! So what? Kasalanan mo rin naman! Ikakasal na tayo, pero parang santo ka pa rin kung umasta. Hawak-kamay lang ang gusto mo. Ayaw mo man lang akong halikan! Ano tayo, mga bata? I’m a man, Glaidel! May needs din ako. Kung ayaw mo akong hawakan, edi sa iba ako hahanap!”

Parang may sumabog sa dibdib ni Glaidel.

“Ibig mong sabihin, kasalanan ko ang pagtataksil mo?”

Hindi niya akalaing ganito kakapal ang mukha ng lalaking minahal niya. Hindi lamang nito winasak ang kaniyang tiwala—siya pa ang sinisisi nito sa sarili nitong pagkakamali.

“Of course!” matigas na sagot ni Caleb. “Kung pumayag ka lang sana noon, hindi ako mapupunta sa ganito.”

Nangilid ang luha sa mga mata ni Glaidel. Gusto niyang sumigaw at itanong kung saan siya nagkulang. Ibinigay niya kay Caleb ang kaniyang tiwala, oras, at pagmamahal. Ngunit sapat ba ang lahat ng iyon para sa lalaking hindi marunong makuntento?

Makalipas ang ilang sandali, biglang lumambot ang tinig ni Caleb.

“Glaidel, kasal na natin bukas. Let's pretend nothing happened, okay? Ayaw mo namang malungkot si Grandma, di ba? Matagal na niyang hinihintay ang araw na ito. Kapag kinansela natin ang kasal, siguradong mag-aalala siya.”

Napapikit si Glaidel.

Ang kaniyang lola ang isa sa pinakamahahalagang tao sa buhay niya. Hindi niya kayang biguin ito, lalo na ngayong sabik na sabik itong makita siyang ikasal.

“You’re right,” mahinang sagot niya, bagaman nanginginig pa rin ang kaniyang tinig. “Hindi ko kayang mag-alala si Grandma. Kaya… hindi puwedeng kanselahin ang kasal.”

Bahagyang umangat ang mga sulok ng labi ni Caleb. Akala nito ay muli na naman nitong napasunod si Glaidel.

Ngunit bago pa ito makapagsalita, isang malamig na tinig ang umalingawngaw sa kanilang likuran.

“Then marry me.”

Napalingon si Glaidel sa estranghero.

Sa ilalim ng maayos nitong kasuotan, litaw ang marangal nitong tindig at pambihirang kaguwapuhan. May kakaibang awtoridad sa bawat kilos nito, at ang mga mata nitong tila nagtatago ng lihim ay hindi madaling basahin.

“Are you serious?” gulat niyang tanong.

“Try it, and you'll find out.”

Hinawakan nito ang kaniyang kamay.

“Who the hell are you? She's my woman!” galit na sigaw ni Caleb, sabay abot upang paghiwalayin sila.

Ngunit mabilis siyang itinulak ng estranghero palayo. Matapos nitong bigyan ng malamig na tingin ang babaeng nasa kama, hinila nito si Glaidel palabas.

Hindi na lumingon si Glaidel.

Bukas, kailangan pa ring ituloy ang kasal. Hindi niya kayang biguin ang kaniyang lola, ngunit hindi na rin niya kayang pakasalan ang lalaking walang respeto sa kaniya.

Pipiliin ko siya.

Hindi niya alam kung ano ang naghihintay sa kaniya. Ang alam lamang niya, kailangan niyang malampasan ang araw na iyon.

May kakaibang pamilyaridad sa pangalan ng estranghero.

Ethan Salvador.

Saan niya nga ba narinig ang pangalang iyon?

Wala na siyang panahon upang mag-isip. Sa ngayon, kailangan niya ng mapapangasawa, at ang lalaking ito ang nag-iisang nag-alok sa kaniya ng solusyon.

Mabilis nilang naasikaso ang pagpaparehistro ng kasal. Ngunit paglabas nila, agad na kinuha ni Ethan ang kanilang marriage certificate.

“I’ll keep it,” matigas nitong sabi.

“Wait! Akin din 'yan. Give it back.”

“Dito muna sa akin.”

Matatag ang tinig nito at walang puwang para sa pagtutol. Napapikit si Glaidel at piniling huwag nang makipagtalo.

“Oh, right. What about the wedding tomorrow?”

“Leave everything to me.”

“Oh… okay.”

Ilang sandali pa, isang sasakyan ang huminto sa gilid ng kalsada. Binuksan ng drayber ang p***o para sa kaniya.

“I’ll have the driver take you home,” sabi ni Ethan.

Nais sanang tanungin ni Glaidel kung ano ang gagawin nito at kung paano nila haharapin ang kasal kinabukasan. Ngunit pinili niyang manahimik. Kahit kasal na sila sa papel, estranghero pa rin ang lalaking nasa harapan niya.

Pagkasakay sa sasakyan, ibinigay niya ang kaniyang address at napatingin sa bintana.

Kinabukasan, dapat sana'y ikakasal siya kay Caleb Montenegro.

Ngunit ngayon, ibang lalaki na ang nakapangalan sa kaniyang marriage certificate.

Sa buong lungsod, malamang ay siya lamang ang babaeng nagpalit ng mapapangasawa isang araw bago ang kasal.

At ang mas nakakatakot?

Wala siyang ideya kung sino talaga ang lalaking pinili niyang pakasalan.