Chapter 23: Babysitter

ATHENA’S POV

KAKABABA lang namin ng shuttle bus nang makita namin si Miss Rhoda, na nagmamadaling lumapit sa amin. Sa akin siya nakatingin kaya binati ko siya at nginitian.

“Magandang umaga po, Miss Rhoda.”

“Good morning, Athena.” Tinampal niya muna ang dibdib niya para pakalmahin siguro ang sarili. “Pagkabihis mo, dumiretso ka sa opisina niya. Okay?”

“Niya?” ani ko. Sinabayan ko ng pagkunot noo iyon.

“Ni Boss pala. I’m sorry.”

“A-ah. Okay po,” ani ko na lang.

‘Wag nitong sabihing maagang nagkalat ang anak niya nang ganito kaaga? Maaga pa naman kaming nakarating ngayon dahil hindi traffic. Sana hindi niya sirain ang mood ko nang ganito kaaga.

T-shirt lang naman ang pinalit ko dahil nakasuot na ako ng pants na uniporme rin namin. Mabilis lang ang ginawa ko dahil baka ipatawag niya ulit ako.

Bago ako sumakay sa elevator ay nginitian ko si Miss Rhoda. May kasabay na siyang muwestra. Gusto sigurong magmadali na ako sa pag-akyat.

“Maglilinis ka na naman, ghorl?” tanong sa akin ng