Chapter 49: Clone Phone

ATHENA’S POV

“‘Y-yong totoo, Grae. M-may iba ka pa bang anak maliban kay Ayden? S-sino ba ang babaeng iyon sa buhay mo?”

“God! She’s just a friend, hon.” Natigilan siya saglit. “P-pero may nangyari sa amin before. Pero hindi ibig sabihin no’n ay anak ko na ang batang ‘yon. Alam mo namang magkasama tayo sa inyo, before. Kaya napaka imposible. Alangan namang may kambal si Ayden dahil ang sabi mo nga, isa lang ang nakita niyo sa ultrasound at isa lang din ang iniluwal mo.”

“O-oo,” ani ko.

May punto si Graeson. Pero bakit kaya kamukha ni Ayden?

“‘Wag mo na ngang pinag-iisip ‘yon. Kung gusto mo, magpapadala ako sa US ng imbestigador para imbestigahan ang nakita natin.”

Tumango ako sa kanya. “S-sige. Hindi rin naman ako mapakali kasi. Sa twing tinitingnan ko ang litrato, si Ayden ang nakikita ko. Kaya gusto kong mapanatag, Grae.”

“Sige, hon.” Kinabig ako ni Grae at hinalikan sa ulo.

Ang daming isipin ko sa nakita sa totoo lang. Kung anak ba ‘yon ni Grae o may kakambal nga si Ayden. Pero