14.

[Apol]

"Ihanda mo ang sarili mo at tandaan lahat ng mga itinuro sa'yo. Huwag na huwag kang gagawa ng bagay na ikapapahiya ko. Naiintindihan mo ba?" May diin sa kataga na wika ni Mr. X.

Marahan lamang siyang tumango. Hindi niya magawang magsalita, pakiramdam niya kasi ay mayro'ng nakabara sa lalamunan niya. Ganito pala kapag sobrang sama ng loob mo at hindi mo magawang mailabas.

Mamayang gabi ay dadalo sila mag asawa sa kaarawan ng lolo nito. Ano kaya ang ugali ng lolo ni Mr. X? Masama din ba? Nakakatakot din kaya ito? Hindi tuloy niya maiwasan ang makaramdam ng kaba. Baka kasi mamaya ay mas malupit pa ito sa apo.

Kay Mr. X pa nga lang suko na siya... tapos madadagdagan pa nang isang demonyo ang makakaharap niya. Grabe naman 'yon.

Dahil madaling araw palang ay nasa biyahe na sila hindi niya maiwasan ang manginig sa sobrang lamig habang sakay sila ng chopper. Mabuti pa si Miss Carol ay binalot siya ng makapal na jacket para hindi siya lamigin, samantalang ang asawa niya ay tila walang p