CHAPTER 5 : LIE

(LIE)

PAGTAPOS ng hapunan ay nanatili ako sa kusina kasama si manang Linda at nagku-kwentuhan, habang siya'y naghuhugas ng pinggan. Samantalang ako naman ang nagpupunas at nagpupunta sa paglalagyan.

Si Pipay ay nasa itaas pa, marahil di pa tapos na naglilinis doon.

"Hija, ako na. Di mo trabaho iyan." marahang pigil sakin ni manang Linda ng matapos itong maghugas, at agad na kinuha ang pamunas sakin.

Ngumuso nalang ako at hinayaang kunin ang pamunas, pero di ako umalis doon sapagkat pinanood ko siya na nagpupunas ng pinggan.

Ilang saglit lang ang katahimikan sa kusina saka ako nag-pasyang nagsalita.

"Uhm. Manang Linda ilang buwan ka ng nagtatrabaho dito?" tanong ko.

Sumulyap siya sakin, pagkatapos binalik ulit ang tingin sa pinupunasan at nangiti. "Taon na, hija." sagot niya.

Bahagyang tumaas ang aking mga kilay sa bigla at mangha sa sagot ni manang Linda. "Mga ilang taon na po?" dagdag kong tanong.

"Labing-limang taon na..."

Kumurap pa ang mga mata ko sa sinabi ni manang Linda. Sa sob