Kabanata 2

NAGISING si Crisia na sapo ang noo dahil para siyang lalagnatin at dumagdag ang sakit sa kanyang buong katawan. Napaigik siya nang subukan niyang bumangon, hirap pa na maibuka ang dalawang mata dahil kakagising niya lang.

“Aray naman, ano ba ang nangyayari sa akin? Hindi naman ako nalasing kagabi…” Saglit siyang natigilan nang bumalik ang alaala kagabi. May nakita siyang mantsa ng dugo sa bed sheet patnubay na hindi na siya birhen.

“Masakit pa rin ba?” 

“Medy-yo pero nakikiliti na.” 

“Ohhhh, sagad mo pa, nararamdaman ko na ang sarap.” 

“As you wish. Sheyyttt, you’re getting tighter.”

Napapikit siya nang maalala ang salit-salitan nilang pag-uusap habang walang humpay na p********k. Nilingon niya ang katabi niya nang maalala na unang nakatulog si Titus kaysa sa kanya at ngayon ay wala na sa tabi niya ang lalaki. Napabuntong-hininga siya nang mapagtantong hubo’t hubad pa siya at tanging kumot na puti ang nakapulupot. Sinubukan niya ulit na tumayo na nakatukod ang dalawang kamay sa lamesa at nagwagi naman siya, kaya lang nangangatog ang kanyang tuhod. “Aray, ang sakit ng ano ko.” Paika-ika siyang naglakad na iniinda ang sakit papasok ng CR.

‘Ganito pala ang pakiramdam sa unang sex experience, masakit nung una, tapos sasarap at sasakit ulit.’ Hindi niya maiwasan na magreklamo sa sarili.

“UMINOM ka ng gamot para maibsan ang sakit ng ulo mo,” utos ni Kat sa nakahigang Crisia. Naikwento niya dito ang nangyari kagabi at siyempre ito naman ay nagulat. 

“Uminom na ako ng paracetamol at StressTabs kaya lang nakakaantok naman. Wala rin akong gana na lumabas.” Nakatalukbong siya ng kumot habang nakatagilid na humiga. Nasa likod niya si Kat na naupo sa maliit na silya.

“Ganyan talaga lalo na first time mong sumabak ng ganun. Malaki at mahaba ba?” Hinampas niya ito ng unan dahil sa huling tanong. 

“Nagtatanong lang eh, halos lalagnatin ka na. Hindi ko naman naranasan 'yan dati pero siyempre mahapdi din naman ang akin,” natatawa pa nitong sabi na ikinasimangot niya.

 “Oo… ay ewan, ayaw ko nang maalala. Tapos na ‘yon kagabi, hanggang doon na lang iyon,” nahihiya niyang sambit. 

“Pero aminin natin, ang swerte-swerte niya dahil siya ang nakakuha ng virginity mo. 'Yung iba diyan hindi na birhen nang pumasok sa ganitong trabaho gaya ko. Pero girl, hindi ka ba nanghihinayang o nagsisisi na wala na ang iyong pinagkakaingatan?” Natameme siya sa narinig na nagmumula sa bibig ni Kat. Natamaan siya ng guilt at pagsisisi pero ayaw na niyang umatras pa, wala na eh, ibinigay niya na.

“Okay lang ‘yon, hindi naman ako lugi dahil may kapalit naman ito,” tipid niyang sagot. “So ano na ang plano mo? Ipagpatuloy mo na ba ang ganitong trabaho at hindi ka na sasayaw sa pole dance lang?” Sasagot sana si Crisia nang marinig nilang dalawa ang kalabog ng p***o.

“Ako na,” aniya ni Kat na tumayo at ito na ang nagbukas ng p***o.

Napaisip siya sa huling sinabi nito. Kung sa ganitong paraan para at least mabigyan niya ng magandang buhay ang pamilya na kanyang binigo, gagawin niya ang lahat para hindi na ang mga ito makaranas pa ng hirap sa buhay at bilang kabayaran sa pagpapalaki at pagpapaaral sa kanya. Pero ang mas kinatatakutan niya ay kapag nalaman ng kanyang Inay at Itay na hindi malinis ang kanyang trabaho. Pero wala na siyang choice sa ngayon kundi ipagpatuloy ang nasimulan. 

“Hindi pa rin humuhupa ang iyong sakit?” Dahan-dahan na tumayo si Crisia nang pumasok ang kanilang Mami Tiggy. “Pahinga lang ang katapat nito, Mami,” sabi niya dito. Saglit lang ito na nagpakita ng concerned look na agad namang pinalitan ng excitement sa expression nito. “Ano iyang dala mo, Mami? Sobre ba ‘yan?” takang tanong ni Kat.

“Deserve ni Crisia na tanggapin ang sobreng ito. Oh, sa 'yo 'yan dear dahil ang nagbigay niyan sa 'yo ay ang taong pinaligaya mo nang sobra.” Napatango na lang siya nang may ideya na siya kung sino ang nagbigay. 

“Wow, taray naman ni Crisia, dali na girl, tanggapin mo na,” pag-uudyok ni Kat kaya tinanggap niya ang sobre at binuksan para makita ang laman. 

“Totoo ba 'to?” Namimilog ang kanyang mga mata nang mag-angat siya ng tingin sa bakla. “'Di ba sabi ko sa 'yo deserve mo ‘yan at sobra pa 'yan sa isang buwan mong sahod, tapos may pa-tip 'yan,” maarteng sabi ng bakla na nakangiti kay Crisia.

Nang magpaalam na ang kanilang manager ay dinaluhan siya ni Kat at niyugyog ang kanyang balikat dahil hindi siya nakaimik. “Hindi ka na manghihiram niyan, girl, ayan na oh, lumapit na ang grasya,” tukoy nito sa pera na nasa kamay ni Crisia. Tulala siyang napatitig sa pera na nagkakahalaga ng 22,000. Na kung tutuusin, mas malaki ang kita niya kaysa sa mga sikat na dancer kagaya ni Kat. Ang matatanggap mostly ng kasamahan niya ay hindi bababa ng 15k tapos babawasan pa ng kanilang manager dahil nasa rules nila iyon ng mismong bar. 

Halos mangiyak siya sa tuwa kaya dali-dali siyang tumawag sa nakababatang kapatid na si Leo para ipadala ang pera gamit ang GCash. Lumabas siya kahit masama ang pakiramdam pero kailangan na rin niyang makapagpadala at nangako pa naman siya kahapon. Tumambay siya sa isang sari-sari store malapit lang sa Nighty’s Bar.

“Natanggap ko na, Ate, salamat dito,” sagot ni Leo sa kabilang linya.

 “Kamusta ang Inay at Itay? Nasa hospital ka ba o sa atin?” “Nandito ako sa pharmacy, Ate, may pinapabili si Nanay na gamot para kay Itay. Mabuti naman ang Inay pero hindi na siya masyadong nag-aalala dahil stable naman ang Itay…” 

“Kapag nagtanong sina Inay kung bakit 15k ang pinapadala ko, sabihin mo lang sa kanila na nanghiram ako sa aking manager, ha?” Sinisiguro niyang paalalahanin ang kapatid dahil baka magtaka ang Inay na malaki ang pinadala niya. Bumalik na ulit siya sa bar matapos makausap ang kapatid para magpahinga na muna. Kinabukasan, pinatawag siya ng manager na ikinataka niya. May nilabag ba siyang rules? Kasi usually iyon ang mangyayari kapag may problema.

 “For 9 months ay nakikita ko naman na maayos ang trabaho mo at hindi mo lang alam kung gaano ako natuwa sa desisyon mo noong nakaraang gabi,” malumanay na sabi ng manager.

 “Kung ganon, bakit mo ako pinatawag, Mami? May nagawa ba ako?”

 “No, no, ngunit may bad news ako. Hanggang ngayon ka na lang magtatrabaho dito, dear, dahil may nag-request na tanggalin ka dito…” Nagulantang siya sa narinig. Bakit naman mawawalan siya ng trabaho kung kailan pa na…

 “Hindi kita maintindihan, Mam—” Tumayo ito sa kinauupuan at pinatayo siya kaya wala siyang nagawa.

 “Shh, may good news din at iyon ay may gustong kumuha sa 'yo, dear! Ang swerte na ang lumapit sa 'yo.” Tumitili ito at mahigpit siyang niyakap.

Ano ang ibig sabihin nito? Sino naman? Kukunin para ano? Aangal sana si Crisia nang marinig niya ang pagbubukas-sarado ng p***o.