Kabanata 5

SAGLIT na napaisip si Crisia kung pamilyar nga ba. Isa ang mga Navarro sa kinilalang malaking angkan sa Luzon.

“I’m not sure,” mahina niyang usal.

“That’s good, it's not bad at all.” Napapakamot ito sa batok at natawa na naman.

“Pasensya dahil hindi naman ako mahilig sa mundo ng business,” honest niyang sagot kaya napatango ang lalaki.

“Mabuti nga iyan dahil gusto ko kilalanin mo 'ko simula ngayon na hindi galing sa mga magazine,” nakangiting sabi nito sa kanya.

‘Sikat at mayaman siguro ang lalaking ‘to na kaya akong alukin ng malaking pera para maging kabit,’ sa isip ni Crisia.

“Bakit?” takang tanong ni Crisia nang matauhan siya sa mga malagkit na titig ng lalaki.

“Nothing. Napatitig lang ako sa mamula-mula mong labi,” seryosong sabi nito habang nakangiti nang matamis. “Nagulat ako doon sa halik mo kanina. Hindi maganda na uunahan mo ako ng ganun.”

Bago pa man makasagot si Crisia, nagulat siya nang biglang dumampi ang hintuturo ng lalaki sa kanyang pisngi, patungo sa kanyang labi. Mabilis na iniwas ni Crisia ang kanyang ulo upang itago ang matinding pamumula ng kanyang mga pisngi.

“But I liked your sudden kiss... and I’m really looking forward to kissing those lips again,” bulong nito sa isang malalim na boses.

Halos mabuwal at mawalan ng balanse si Crisia sa kanyang kinauupuan nang maramdaman ang kanang kamay ng lalaki na dahan-dahang inabot at hinahagod ang kanyang hita. Pinagdikit niya ang dalawang hita sa pangangatog niyon.

“Bakit ako ang pinili mo? Hindi natin kilala ang isa’t isa at customer lamang kita dito noong isang gabi.” Naging mailap ang mga mata ng lalaki sa kanyang tanong. Hindi niya mapigilan makiusisa para na rin may alam siya sa totoong motibo nito sa kanya.

"Hmm, good question. After we had sex, I didn't even want to leave you at that moment. Naguguluhan din ako no'ng una, or maybe I just felt guilty because I was your first. Actually, maghahanap talaga dapat ako ng ibang babae—'yung may experience na. But you are built differently. I don't really like escorts, walkers, or girls working in bars. I was just there with my friends relaxing, but when I saw you... hindi ko alam kung anong nagtulak sa akin, but yeah... I booked a room for us. Knowing you were a virgin, that caught my interest even more. Besides, my wife and I are not on good terms—we aren't living together anymore. I don't even know where she went last year, and we'll probably never see each other again this year." Malungkot ang mga mata ng lalaki nang banggitin nito ang asawa.

Sa oras na 'yon, bigla na lamang tumambol ang nanahimik na puso ni Crisia. Hindi niya pa naranasan na magkagusto sa iba, kahit na may crush siya dati na lalaki pero hindi naman gaya ngayon. She’s not gonna lie na sobrang attractive ng lalaki sa harapan niya. Parang kahawig ni Ian Veneracion ang lalaki pero moreno ito, tapos noon pa man gusto niya na talaga ang lalaki na matangkad, maganda ang katawan, at mayaman. 

Lahat naman ata pangarap na makatagpo ng mayaman na lalaki gaya niya, ngunit hindi niya kailanman pinangarap na makatagpo ang lalaking hayok sa kama at worst, may asawa na. Pero agad na nabura iyon kahit alam niyang red flag para sa kanya ang lalaki, dahil ang importante sa kanya ay walang anak ang mag-asawa.

“You okay?” Napakurap siya nang magsalita ulit ito. Kanina pa pala siya nakatitig dito at nakahawak na rin siya mismo sa kamay nito na nakapatong sa hita niya.

“Bigla ka kasing natulala.”

“Ahh, inisip ko lang pamilya ko.” He nodded at her with an apologetic look.

Kinuha niya na ang ballpen at pinirmahan na ang papel. Nakatitig siya nang huling beses sa kanyang pirma na nasa ibabaw ng kanyang pangalan.

“Thank you, and I promise you bubuti ang buhay mo sa akin. And again, no strings attached. Kaya huwag mong hayaan na mahulog ang loob mo sa akin, hindi ko pa masasabi sa 'yo kung hanggang kailan lang mag-e-expire ang kontratang 'to. But I can assure you, temporary lang ang meron sa atin. Gusto ko na rin matulungan ka dahil tingin ko, hindi ito ang mundo na nababagay ka. I don’t want to judge your life, but I realized you are more than being a dancer, and you deserve to live a good life. Itong offer ko ay isipin mo na lang na once in a lifetime opportunity.” Naliwanagan naman siya sa sinabi ng lalaki kaya wala naman sigurong masama na tanggapin ito.

 Tama ito, hindi naman talaga siya dapat dito napunta sa direksyong 'to kung nakinig sana siya sa kanyang mga magulang at hindi nagpapaloko sa sariling pinsan. At utang na loob niyang bigyan ang pamilya ng magandang buhay, at ito na ang isa sa mga solusyon para maibigay iyon sa kanila.

‘Kaya mo 'yan, Lucrisia, wala nang atrasan 'to,’ sabi niya sa sarili para pagaanin ang loob.

Ngumiti siya sa lalaki nang walang bahid ng pagdadalawang-isip. Nagpapahiwatig iyon na tinatanggap niya na ang offer nang matiwasay.

“Very good! Matapos natin magpaalam sa manager mo, sasama ka na sa akin paalis dito. You can inform your family if you want para hindi sila mag-alala na umalis ka na dito,” dagdag pa nito na ikinatango niya lang at saka sabay silang umalis sa opisina.