CHAPTER 3: UNWELCOME SURPRISES

CHAPTER THREE: UNWELCOME SURPRISES

MAHIRAP makapasok sa Valen Group kaya hindi ko na inaasahan na makakapasok pa ako sa kumpanya na yan kaya naghanap ulit ako ng mapapasukan.

“Gwapo ba talaga ang Leonard Valen na yun? “ tanong pa sa akin ni Carla. Nasa condo na kami ng mga oras na iyon at tinutulungan ako nitong mag-ayos.

“Okay naman pero nakakatakot, ang hindi ko lang alam ay kung bakit alam niya ang issue tungkol sa akin.”

“Bakit nga kaya? Baka naman kasi inaalam niya ang mga background ng kanyang mga empleyado.”

“Ang sipag naman niya pero hindi naman natin siya masisisi. Ang sabi nga ay mahigpit daw si Leonard Valen sa kanyang mga empleyado kaya okay lang kung hindi ako matanggap dun. Baka mamaya ay magkasakit naman ako sa puso sa tuwing na titingnan niya ako,” sagot ko kay Carla.

“Sabagay.”

“Wait, Sam. May email ka,” wika sa akin ni Carla dahil ginagamit nito ang laptop ko. 

“Sino?”

“From Valen Group.”

Natigilan ako sa sinabi ni Carla.

“Buksan mo,” ani ko pang hindi naman umaasa.

“You got the job!” halos pasigaw na bati ni Carla. “I told you! You deserve this, Sam! Tanggap ka na!” 

Hindi ako nakasagot kaagad.

“Hoy! May trabaho ka na!” sigaw pa sa akin ni Carla.

Napangiti ako sa aking narinig.

Sabi nga sa orientation email. “You’ll be assisting mid-level executives in the marketing department.” Kaya mentally ready na ako sa filing work, admin tasks, at pagkakape ng libre para sa mga boss.

“Ms. Villaflor,” wika ng HR habang nakatingin sa screen ng computer. “You’ve been reassigned.”

Napakunot ang noo ko. “Po? Reassigned?”

“Yes. Effective immediately, you’ll be reporting directly under Mr. Leonard Valen, the CEO.”

Natigilan ako.

“What? “Ahhhhmm... sorry, bakit po? I wasn’t interviewed for that role.”

“Mr. Valen requested you personally,” sagot sa akin na parang wala lang. “In the next project you will work with StratDev Project which is under his supervision, be aware of strict deadlines, high secrecy level, and the rivalry.

“Pero—” 

“Congratulations, Ms. Villaflor. Not everyone gets this opportunity.”

Opportunity ba ‘to o parusa? Gusto kong tumutol pero hindi ko magawa.

Pagdating ko sa 39th floor, ang top floor ng Valen Group para akong naligaw sa ibang mundo. Pakiramdam ko lahat ng nandoon ay mga boss. Wala kang marinig ng konting ingay o di kaya usapan ng mga empleyado.

May lumapit sa akin na babae mukhang executive assistant. 

“You must be the reassigned hire. Samantha Villaflor?”

“Yes Maam.”

“Mr. Valen is in a meeting. Wait here,” sabay turo sa isang glass office lounge.

Tumango ako at tahimik na umupo.

Nabaling ang tingin ng lahat sa elevator nang bumukas ito. Parang may paparating na artista. Natigilan ako nang makita ko si Nina na lumabas sa elevator. Wearing a red designer dress, heels na parang pang-Miss Universe, at ngiti na parang walang ibang mas mahalaga sa mundo kundi siya lang. My evil stepsister. Alam kong nakita niya ako pero dinaanan lang ako nito.

Dumiretso siya sa receptionist at sinadyang nilakasan ang boses.

“Hi! I’m here to see my fiancé, Darren Serrano. He’s in a meeting with Mr. Valen, right?” tanong ni Nina.

Fiancé. Pinilit kong huwag gumalaw dahil sa aking narinig.

Nilingon niya ako at nilapitan.

“Oh. Samantha? You work here?” tanong nitong kunwari ay nagulat nang makita ako.

Tumango ako, walang imik.

“Wow. What a small world,” dagdag niya, sabay tingin sa ibang empleyado sa lounge. “She’s my—---well, sort of step-sister. And ex-fiancee ng fiancé ko ngayon.” Sabay tawa.

Naningkit ang mga mata ko…Nakatingin ang mga empleyado sa akin. Yung iba, halatang hindi alam kung matatawa o maaawa.

Napangiti ako sa stepsister ko.

“Yes. I work here now. And unlike some people, I earned it.”

Nagtaas ito ng kilay. “Of course. I’m sure you earned something. Lahat naman talaga pinaghihirapan kaya dapat ‘yan. Magtrabaho ka at wag umasa sa allowance kay Papa.”

Sasagot pa sana ako nang lumabas na si Leonard mula sa conference room. Matangkad. Naka-dark navy suit. Walang emosyon ang mukha.

“Mr. Valen!” bati ni Nina na akala mo ay inaakit ang boss ko. “We were just talking about you.”

Hindi siya ngumiti. Tumango lang. Pagkatapos ay tiningnan ako ni Mr. Valen.

“Ms. Villaflor. In my office. Now.”

Pagpasok ko sa opisina niya, hindi ko alam kung gusto kong himatayin o sumuka. Nanginginig ang buong katawan ako.

“Sir?” ani ko.

Tumayo ang lalaki at dahan-dahang naglakad papunta sa harap ng desk, saka tumitig sa akin. Kaagad akong umiwas ng tingin dahil pakiramdam ko ay mapapaso ako sa mga titig ng lalaki.

“I’ll be direct,” wika niya. “Stay away from Darren Serrano.”

Napalunok ako. Hindi ko alam kung matatawa ako o matatakot sa kanyang sinabi.

“Excuse me?”

“You heard me.”

“Sir, I’m not the one flaunting anything. I’m not the one who—”

“I don’t care about online drama,” putol niya. “I care about focus. This project you’re assigned to? It’s critical. I won’t let personal history get in the way.”

Napakamot ako sa sentido. “So, this isn’t about me. It’s about control.”

“Exactly. Control yourself. Control your emotions. Or walk away now.”

Nagtagpo ang mga mata namin. Hindi siya nagyayabang. Hindi siya galit pero nakakatakot kung magsalita.

“I’m not the liability here, Mr. Valen,” mariin kong sagot. “But fine. If staying away means doing my job better, you won’t have a problem. Hindi niyo po ako kailangan pagsabihan na layuan siya dahil ginawa ko na po.”

Nagtagal ang tingin niya sa akin, then slowly nodded.

“Good.”

Paglabas ko ng opisina niya, gusto kong mapaupo sa sahig. Sa isang araw, na-promote ako, na-reassign, na-bash online, nakasalubong ang kapatid, at ngayon, na-warning-an ng CEO.

Pero kahit ang dami kong gustong isigaw…

Isa lang ang malinaw sa lahat. I’m not walking away. Not this time.