CHAPTER TWENTY

MARY LYNELLE

“Mga anak, bilisan ang kilos at mahuhuli na kayo sa klase.” Tawag ko sa dalawang bata. Hindi nagtagal bumaba na sila kaagad na nag-papaligsahan sa pagtakbo pababa sa hagdanan.

"Careful babies baka malaglag kayo," wika ko sa kanilang dalawa.

Si Ate Inday ang maghahatid sa kanila pag pasok ng school, at sobrang tambak ng mga gagawin kong design na kailangan matapos sa deadline.

"B-bye mga babies, ingat kayo sa pagpasok okay! Babawi si Mommy sa susunod pag natapos ang rush na gawain." Hin*likan ko sila pareho bago pinaalis ang sasakyan.

Nang hindi ko na matanaw ang kanilang sinasakyan na taxi, ako naman ang tumulak papuntang trabaho. Subsob ako sa maghapon na gawain dahil sa daming deadline na nagkasabay, at kailangan tapusin.

Napatingin ako sa aking kamay kung saan nakalagay ang aking relo, alas- otso na pala ng gabi.

Hindi ko ito napansin. Napahilot ako sa aking noo, naalala ko kanina pa pala nag paalam ang