Mavi PovPakiramdam ko ay may kamay na humahaplos sa mukha ko ngunit hindi ko magawang imulat ang aking mga mata para alamin king sino ang lapastangang gumagawa niyon. Masyadong mabigat ang mga mata ko at hinihila ng kadiliman ang aking kamalayan. Hindi ko ito kayang paglabanan kaya hinayaan ko na lamang na tangayin niyon ang aking kamalayan."Mom!"Naalimputangan ako nang marinig ko ang malakas na boses na iyon ng anak ko. Pagmulat ko ng aking mga mata ay nakita ko si Moses sa bukana ng pintuan at patakbong lumapit sa akin habang nakangiti."Moses!" hindi makapaniwalang sambit ko. Mahigpit kong niyakap ang anak ko at hindi ko napigilan ang pagtulo ng aking mga luha. "I'm sorry, Moses. I'm sorry dahil hindi kita iningatan."Kumalas sa pagkakayakap ko si Moses at umangat ang kanyang kamay para pahirin ang mga butil ng luha na naglalandas sa pisngi ko."You don't have to say sorry, Mom. Alam ko na hindi mo ginusto na makidnap ako ni Alpha Abner. At saka nakabuti nga ang ginawa niya dahi
Mavi Pov"Wow! Ang laki ng bahay ng Dad ko," masayang bulalas ni Moses pagkapasok namin sa loob ng malaking bahay ni Alpha Magnus. Ang anak ko lamang ang namangha sa laki ng bahay ng kanyang ama dahil hindi naman ako ngayon lang nakapasok sa loob ng isang malaking bahay na gaya nito. Lumaki ako at nagdalaga sa loob ng malaking bahay namin. At kung hindi ako itinakwil ng aking ama ay tiyak na nakatira pa rin ako sa malaking bahay. Pero kung hindi naman niya ako itinakwil ay hindi ko matutuklasan na niloloko pala ako nina Santa at Edward. At kung hindi ko natuklasan ang panloloko nila ay hindi ako maglalasing sa bar at hindi ko makikilala si Alpha Magnus, wala rin akong cute at mabait na anak ngayon. Kung noong una ay sobrang sama ng aking loob dahil sa ginawa sa akin ng ama ko at ng lalaking una kong minahal, ngayon naman ay iniisip kong blessing ang ginawa nila. Dahil masaya ako na nagkaroon ako ng anak na katulad ni Moses. At hindi ko na pinagsisisihan na naibigay ko kay Alpha Magn
Mavi PovNanggigigil ang pakiramdam ko habang kinukuskos ang bahagi ng dingding na iniutos ni Alpha Magnus na gawin ko. Sinabi ni Dayay na siya na lamang ang gagawa ng ipinagagawa ni Alpha Magnus ngunit tumanggi ako. Ako raw ang inuutusan nito kaya dapat ako ang gumawa at hindi ibang tao.Parang sasabog na sa inis ang aking dibdib. Ang sabi niya ay magiging nanny ako ni Moses ngunit ano itong ipinapagawa niya sa akin? Nitong mga nakalipas na araw ay kung anu-anong trabaho ang iniuutos niya sa akin. Oo nga't sinabi ko na tutulong ako sa mga gawaing bahay ngunit hindi ganitong trabaho. Puwede naman akong magluto o di kaya magpunas ng mga alikabok.Alam ko na sinasadya niya akong pahirapan para kusa akong umalis sa bahay niya at masolo niya ang anak namin. Ngunit kung iniisip niyang susuko ako at lalayas sa bahay niya ay nagkakamali siya. Wala siyang idea kung gaano ko kamahal ang anak ko at kung hanggang saan ang kaya kong isakripisyo para sa kanya. Kaya kahit araw-araw niya akong pag
Alpha Magnus Pov"What? Nasa bahay mo ngayon at doon nakatira ang babaeng naka-one-night stand mo sa bar noon? At nagkaroon pa pala kayo nga anak," hindi makapaniwalang bulalas ng matalik kong kaibigan na si Alex matapos kong ikuwento sa kanya ang tungkol kina Mavi at Moses. Kadarating pa lamang niya kanina mula sa pagbabakasyon sa ibang bansa kaya ngayon ko lang naikuwento sa kanya ang mga nangyari sa akin nitong mga nakalipas na Linggo."Yes, Alex. They are living with me now. And my son wants me to marry his mother," sabi ko sa kanya bago ko nilagok ang alak na nasa baso ko."Anong hitsura ng babaeng naka-one-night stand mo, Magnus? Maganda ba siya? Seksi ba? Normal na tao ba siya o katulad natin siyang mga taong lobo?" hindi na pagkagulat ang nakalarawan sa mukha ni Alex kundi excitement. Umandar na naman ang pagiging mahilig nito sa magandang babae.Nagbibilang ng magagandang babae ang best friend ko. Ito ang kanyang hobby na hindi niya magawang kontrolin. Hindi ko nga alam kung
Mavi Pov"And they lived happily ever after," pagtatapos ko sa fairytale na ikinukuwento ko kay Moses. Nag-request kasi siya na basahan ko ulit siya ng kuwento kahit isang beses sa isang Linggo habang hindi pa siya nasasanay.Magmula nang tumira kami ni Moses sa bahay ni Alpha Magnus ay unti-unti kong sinasanay ang anak ko na matulog nang hindi binabasahan ng kuwento bago siya matulog. Hindi ko kasi alam kung hanggang kailan ako mananatili sa bahay na ito. Kapag ikinasal na sina Sonia at Alpha Magnus ay natitiyak ko na gagawa ng paraan ang babae para mapaalis ako sa bahay na ito. At natitiyak ko rin na hindi magagawa ni Alpha Magnus na basahan ng kuwento bago matulog ang anak ko dahil busy siya sa kanyang kompanya.Kinausap ko rin si Moses na huwag niyang ipagpilitan na pakasalan ako ng kanyang ama dahil may sarili itong buhay. Wala kaming relasyon ng kanyang ama at kaya lamang ako nakatira sa bahay nito ay para alagaan siya. At balang-araw ay aalis din ako. Ngunit hindi naman ako lal
Mavi PovKahit madaling araw na akong nakatulog dahil sa kakaisip sa ginawang paghalik sa akin ni Alpha Magnus ay maaga pa rin akong nagising. Kailangan kong asikasuhin ang pagkain ng anak ko dahil baka pagbintangan pa ako ni Alpha Magnus na hindi ko ginagawa ang trabaho ko.Pagbangon ko sa kama ay deretso agad ako sa banyo at mabilisang naligo. Habang sinusuklay ko ang aking buhok ay hindi sinasadyang dumako ang tingin ko sa aking mga labi. Wala sa loob na hinaplos ng aking hinlalaki ang mga labi. Hanggang ngayon ay parang nararamdaman ko pa rin ang mainit at malambot na mga labi ni Alpha Magnus. Magaling at masarap siyang humalik. Hindi ko maiwasan ang mapangiti nang maalala ko kung gaano siya ka-expert humalik. Akalain mo ba na ang isang katulad niya na seryoso, masungit at parang walang interes sa mga babae ay expert pa lang humalik. Paano mo naman nasabi na wala siyang interes sa mga babae? Hindi ba'y kayo may nangyari sa inyo noon ay dahil nilapitan ka niya at nakipag-flirt sa
Mavi Pov"What have you done, Mavi?" galit na tanong sa akin ni Alpha Magnus, agad niyang binuhat si Sonia at dinala sa sala.Napabuga na lamang ako ng malakas na hangin bago sumunod sa kanila sa sala."Wala akong kasalanan sa nangyari sa kanya, Alpha Magnus," depensa ko sa aking sarili nang makalapit ako sa kanila."Kunin mo ang first aid kit!" malakas na sigaw niya sa akin, hindi pinansin ang sinabi na para bang wala siyang narinig. "Sinadya niya ang nangyari sa kanya—""I said get the medicine kit!" muling bulyaw ni Alpha Magnus sa akin nang hindi ko sinunod ang ipinag-uutos niya.Nang tingnan ko si Sonia ay nakita kong nakangiti siya sa akin na may halong pang-iinis. Tuwang-tuwa ang mukha niya na kabaliktaran naman ng nararamdaman ko. Ang bigat-bigat ng dibdib ko dahil sa iniipon kong inis kay Sonia at sama ng loob naman kay Alpha Magnus. "Kung gusto mong gamutin siya ay ikaw ang kumuha ng medecine kit!" ganting bulyaw ko kay Alpha Magnus, tumakbo ako paakyat sa hagdan sa halip
Alpha Magnus Pov"What? Pinaalis mo sa bahay mo si Mavi? Paano na ngayon si Moses? Natitiyak ko na malulungkot lamang siya sa pag-alis ng kanyang ina. Mas mahihirapan ka nang mapalapit sa anak mo dahil pinaalis mo ang ina niya," komento ni Alex nang malaman ang ginawa ko.Tanging si Alex lamang ang tunay kong kaibigan na napagsasabihan ko ng aking mga saloobin. Kilala ako ng marami bilang isang matapang at kinakatakutang alpha ngunit sa mata ni Alex ay isa lamang akong normal na tao. Hindi siya natatakot o nangingilag sa akin kaya naman lahat ng problema ko ay tanging siya lamang ang nakakaalam."I have no choice, Alex. Kapag hindi ko siya pinaalis sa bahay ko ay patuloy silang magka-clash ni Sonia sa tuwing magkikita sila. At hindi ko inaasahan na magagawa ni Mavi ang bagay na iyon," sagot ko sa kanya, kinuha ko ang basong may laman na alak sa ibabaw ng mesa at inubos ang laman sa aking bibig."At naniwala ka naman kay Sonia na pinaso siya ni Mavi? Hindi mo naman nasaksihan ang mga p